Numbers 16:30 - Ohiatonhseratokénti

³⁰ Ók tó꞉ka ne Roiá꞉ner thènenh nahá꞉iere ne iáh ónhka tetiakorihwarónhken, tánon nonhóntsa enwatenonhtónko nahiaʼkotiatanékwahne skát꞉ke akwékon tsi nahoténson ahotiʼiéntake, ne káti ne tshiehónonhnhe thóh nienhónhne ne tsi tsiohóntsaien ne kenhéion, kwáh kíʼ ensewateriéntarane kí꞉ken ronhnónhkwe tsi wahonwakénron ne Roiá꞉ner.”

Numbers 16:30 ပူးပေါင်းရင်းမြစ်များ

Job Tánon ne Raoronhiakensera 31:2

Onhká꞉ti nahó꞉ten nón꞉kwe iehiénas tsi nahontá꞉we ne Rawenní꞉ioke ne è꞉neken thèn꞉teron? Tánon ne kaientáhtshera tsi nahontá꞉we ne Rosatstenhserowanenhkó꞉wa ne è꞉neken thèn꞉teron?

Job Tánon ne Raoronhiakensera 31:3

Iáh ken natkaronhniá꞉tshera teotí꞉ras ne ronhnonkweʼtahétkens, tánon natkaronhniátshera ne rotí꞉ras tsi nihiá꞉kon ne ne rotiiò꞉tens ne karihwahetkénhsera?

Psalms 124:3

eʼthó꞉ne kíʼ kwáh iahionkhiʼiatsatanekwánonhke tsahitiónhneke, nó꞉nen ne raotinhakwáhtsera sonhtakatsiróten nahionkhihiatʼkónten;

Psalms 55:15

Aiáwenhs ne iónkʼshons ahonhníheie nohénton iahotihiátiwe; aiáwenhs tsiahonónhneke tsi iahónsnenhte ne tsi tsohontsáien ne kenhéion! Asèken ne karihwahét꞉ken tsi rotinonsóhtons kénteron tánon ne raoneriáne.

Isaiah 28:21

Asék ne Roiá꞉ner kwáh thentáhtaʼne tsi ninihoiéren ne tsi ionón꞉te ne Perazim, ne rahón꞉ha kwáh kíʼ enhotenakwahwenrát꞉tsheke tsi nenhiotónhake nahonrákwahkon ne Gibeon; neh nahoióten ne raohioténsera—teiotierón꞉nion ne raoʼioténhsera! Tánon neh naoʼiótenh ne raoioténhsera—ne ne teiakahontsá꞉tes ne raoioténhsera í꞉ken!

Isaiah 43:19

Ó꞉nen kwáh thó꞉wa ne ahonshonkerihwahióten norihwáses í꞉ken; ó꞉nen taká꞉reke, iáh kén tesewatʼtótkas? Kwáh enkatʼtahónhni ne iahonwenhtsiaʼthénhake nón꞉we tánon enkaniaʼtaratátie ne iahonwenhtsaʼthénhake.

Isaiah 45:12

I꞉i wakonhontsíshon, tánon kehiatíson nonkweʼshónhas thóh khéteron; né꞉ne katsanákes tehiotakwahríhton ne tsi karonhiátes, tánon I꞉i kheriwáwi ratikwé꞉kon ne ratironhiakeró꞉nons.

Isaiah 45:7

I꞉i wákshon ne teioswát꞉te tánon wák꞉shon ne tetsiókaras, I꞉i kónhnis ne kaiataterítsheras ó꞉ni kónhnis nateraswaksénhtshera; I꞉i ne Watiá꞉ner thóh nitié꞉ra ki naorihoténsons.

Jeremiah 31:22

Tohʼnikaríhwes tsi tahsehrihóroʼke, iáh teʼthisehwetáhkwen tsiónkwe? Ne Roiá꞉ner knahótenk róh꞉son áse ó꞉ni ohianí꞉ioht ne tsi ionwenhtsiáte, eh nióre tsi ohianí꞉ioht né꞉ne iónkwe thóhnes ne rónkwe.”

Ezekiel 31:14

Tánon káti kénhʼen ienwahthásawen, iáh ne karónhta, iáh tewatsterístha thóh ní꞉ioht tsi akonhwahnekanónhtenhke, shé꞉kon ehtahonsakaronhtésonhke khés ne iatahióhetsthe ne tsi iotʼtsatharónhnions tánon ne iahónwe né nakaronhtésonhke. Akwékon enkonhniheiónhsehke tsi ní꞉ioht ne ronhnonhontsakeró꞉nonhs, nenhkonhníheie nasakonahtsiatárahse tsi nihiákon ienhióntsnenhthe ne tsi tionhontsáien ne kenhéion.”

Numbers 16:31

Kwáh kíʼ tsi niʼiostó꞉re wahása tsi rothárakwe, nonhóntsa ná꞉kon tsi í꞉rate ne Dathan tánon ne Abiram waʼtewatóren tsi hontenonhtónko

Numbers 16:33

Káti tshiehonónhnhe iahónsnenhte tsi tsiohóntsaien ne kenhéion, skát꞉ke ne raotiʼientátsheras. Nonhóntsa tahiakoró꞉rohke tsi shontenóton, tánon wahatihiatáton.