Numbers 16:3 - Ohiatonhseratokénti

³ Rahotihénton ne Mahís tánon ne Aaron wahonteró꞉rohke tánon wahonwahnénhase, “Sóhtsi ahínon niahisewáhawe! Ratiʼkwékon ne ienákere ne tsi kanakerasehráien Roiá꞉ner rahonkwetashón꞉ʼas, tánon ne Roiá꞉ner tewakwékon, Nonhtiéren, káti, Mahís, tsi é꞉neken shaʼtatónhnis tsi nó꞉kwah ne Roiá꞉ner rahonkwetashón꞉ʼas?”

Numbers 16:3 ပူးပေါင်းရင်းမြစ်များ

Ezra 9:2

Ne Sitaeró꞉nons ronhnónkwe ne rotiniakonhátie ne tehiononhontsá꞉tes, tánon káti ne Rawenni꞉io rahonkweʼtatokentí꞉sons wahontatetkénten. Ne shakotihéntense ó꞉ni ne ronaterihóntons ronónha ratihénte nahatihetkénte.

Psalms 106:16

Ronhwaʼnhósaskwe ne Mahís tsi nón꞉we nihonanathaiéntakwe thóh nón꞉we ne iahontsiathénhake, ó꞉ni ne Aaron, né roiatatokénti ratsihénstatsi ne Roiá꞉ner rahonkwéta í꞉ken

Psalms 68:17

Né꞉ne sóh꞉tsi iawetowánen nahiónsehte nontsiónkwas kásehres, né꞉ne tó꞉ka natewenhniawehetserásens nikasehrétakes, ne Roiá꞉ner Sinai nón꞉we nontare tsi iahatáwehiaʼte ne Raononsatokentíke,

Exodus 19:6

nonhkweshón꞉ʼa ronahteriwaʼthokénston akonhakeʼkhók nónhwe, tánon thóh ní꞉ioht ne enskwahiótense tsi ní꞉ioht ne roʼthikháres.”

Numbers 14:14

enshaʼkotiroriánion nonhkweshón꞉ʼas ne ienákere ne kénʼen ionhóntsaien. Kí꞉ken onhkweshón꞉ʼas ónenk roʼtirihwarónhken ní꞉se, Saiá꞉ner, tsi tewakwékon, kwáh tshiewéne tsi waheshá꞉ken nó꞉nen né shaʼtsíkera èhneken watʼkátane tsi nónhwe nihiákweskwe, tánon tsi í꞉se ohénton nienhénse tsi iotsikero꞉te notsíkera ne tsi niwenhnísehres ó꞉ni tsi niʼiotsiro꞉te nótsire nokarasnéha nikaháwi.

Numbers 16:11

Né nó꞉nen entsiʼsewarihwá꞉kwaʼse ne Aaron, kwáh seh Roiá꞉ner tsi sewarihwakwénhnis nètho níse tánon ne ietsinonhterá꞉ties iáh tesewatewenhnarákwa.”

Numbers 16:41

Nóia shahiórenhne kanenhrakwékon wahonwarihwakatáʼtshe ne Mahís tánon ne Aaron tánon wahonhníron, “Óhtsiakes wasehnonhwariakhónhnion ne Roiá꞉ner rahonkweʼtashónhas.”

Numbers 23:21

Tsi iekatkáthos nètho Isaraerʼró꞉nons tsi niahonenonhátie Kwáh iáh othènen tahonateraskwakʼsenhne khès ne tahonhnikonhráren. Ne Roiá꞉ner Raotiní꞉io tsi ratiʼkwékon; Rontró꞉ris tsi rahónha Sakonontí꞉io í꞉ken.

Numbers 35:34

Tó꞉sa tesewénhtsonste nonhóntsa tsi nónhwe nisewanákere, tsioríhwa tsi Í꞉i ne Watiá꞉ner íken tánon I꞉i skát꞉ke iakwahnákere nonhkweshón꞉ʼas NÍsraerʼró꞉nonke.”

Numbers 5:3

Ratiʼkwékon ietsihiatínekenf kí꞉ken ne shiʼhiorihwakáion tehiaʼkohiatátshons, né káti ne tó꞉sa thaʼhatítsionhte tsi watenáthaʼien, tsi nónhwe ne skát꞉ke iakwaná꞉kere nakonhkwetashón꞉ʼas.”

Acts 7:39

“Nók nonkwasótʼtseras iáh tehonatʼthontáton nahonwahwénnaraʼkwe; hiaahonwáreʼke tánon wahonskáneke ne Egypt niahonsahón꞉ne.

Acts 7:51

“Tsi nisanontsistaníron!” ne Stephen hiahatasónteren tsi róhtare. “Tsi niseweriasák꞉sens, tsi naʼtesewahontakwékon tsi nòkwa ne Rawení꞉io rahoteriwanothátsera! Kwáh tsietʼtsiʼiéren ne ietʼtsisottonkonkén꞉ens: í꞉se ó꞉ni iáh nonwénton thetsisewawenʼnarhákwen ne Ronikonratokénti!