Numbers 16:22 - Ohiatonhseratokénti

²² Ók kíʼ ne Mahís tánon ne Aaron wathiaʼtshàkete ohontsáke teniká꞉nere tánon waní꞉ron, “Ó Sewenní꞉io, í꞉se akwékon tsatakwení꞉io ne tsi iakónhnhe. Nó꞉nen tsaʼkwahiatáʼtshons enhiakwarihwánerake, kanakerasehrakwékon kén ensehnákwahse?”

Numbers 16:22 ပူးပေါင်းရင်းမြစ်များ

Genesis 18:32

Sahén꞉ron ne Abraham, “Tóhsa saná꞉kwen, Saiá꞉ner, shé꞉kon tsorí꞉wa í꞉kehre aonsakí꞉ron. Oh neʼ ní꞉ioht tóka oié꞉ri khók nihá꞉ti enhonwatiiaʼtatshén꞉ri?” Wahén꞉ron ne Roiá꞉ner, “Iáh thakherihwáhtonʼte ne kanatowá꞉nen tóka oié꞉ri nihá꞉ti enkheiaʼtatshén꞉ri.”

2 Samuel 24:1

Shé꞉kon á꞉re ne raonhakwáhtshera ne Roiá꞉ner sahióteke nasakokkónten Israerʼró꞉nons, tánon Táwit wahó꞉nhane nasakotsirónhnien,

2 Samuel 24:17

Nó꞉nenh ne Táwit sahó꞉ken ne raronhiakeró꞉non tsi rahón꞉ha sakotontonhá꞉tsie nonkweʼókon, wahawénhase ne Roiá꞉ner, “Kwáh akonwákhok wakeriwáneren, tánon akonwákhok thóh niwatiéren ne kariwahetʼkénhsera; ók kí꞉ken teiotinakaronhtón꞉ahs, ònhne nihionatsiéren? Áhnion ne satshanáke, wakaterénnaien, í꞉i wakakkónten tánon satkónten ne rakení꞉ha raonónsa.”

Job Tánon ne Raoronhiakensera 12:10

Thóh ratsá꞉nake ká꞉ien natónnhets tsi nahoʼténhsons ne iónhne tánon ne rahonhnonní꞉sera nonkweshonʼhas.

Psalms 99:6

Ne Mahís tánon ne Aaron ronónha ó꞉ni ne rahonkwetaʼkénʼen kènʼne thóh nihiatarákwen raotitsiókwahkon ne rothikháres, Samuel ó꞉ni thóh raosénhnakon ne Roiá꞉ner nón꞉we nihaterénhnaiensʼkwe. Ienhonwaʼnáton ne Roiá꞉ner, tánon thensakorihwaʼserákwahse.

Ecclesiastes 12:7

Nonhkwahieronhtasónhas okènrah iensehwáton ne tsi ionhwenhtsáte, tánon nahonhnísehra ne tsi iakónhnhe kwáh nenhné꞉e Rawenní꞉ioke niénsehwe, tsi nikáien ne tesonhkwáhwi.

Isaiah 57:16

Asèken iáh tsiahontʼkhontákwenhke tsi akherihwarósehke, khés né tsiókonte ahonkenakwénhenhake; asèken eʼthó꞉ne kí nonikónra enwatakénheʼie nakʼkénton, iekaníhare natónnhets ne kwáh Í꞉i wát꞉son.

Jeremiah 32:27

“Í꞉i ne Watiá꞉ner, kheʼNí꞉io nonhkwetahkwékon. Kwáh iáh thahóten ne ahonkahterihwahnorónsten.

Jeremiah 38:16

Sók kíʼ ne Ronnonhtí꞉io Zedekiah otsionʼhónskwahkon tsi wahakaráhratsʼthe, “Wahkerihwahníraʼthe raohénton ne ronhnhehónwe Ní꞉io, ne Ní꞉io tsi nikáien teshonkwáhwi natónhnhets, tsi iáh thakonhnonhwahrhiákon iáh ó꞉ni tsiakonhiatsakwahrísi tsi nikáien ne írehre ahianonhwahrhiákon.”

Ezekiel 18:4

Tsi iakónhnhe ne niatehionkwétakes Í꞉i akáwenk, tsi rononhnhénion ne rothiwirahiéntons ó꞉ni ne owirá꞉a. Nónhkwe nenhieriwáhnerahke akahónʼa enhiahiéheie.

Leviticus 10:6

Ethòne ne Mahís washakawénhase Aaron tánon ne shaʼkohiohokónhas Eleazar tánon ne Ithamar, “Tó꞉sa ne iáh thaʼhisehwatkhorothíʼen tó꞉ka ó꞉ni nahisehwaʼraʼtsiónko ne sehwatʼtserónhnia nahisheʼwénestʼte nahisewatʼtsiónhnionhke. Tó꞉ka thóh nensehwá꞉iere, kwáh kíʼ enshewénheʼie, tánon ne Roiá꞉ner kwáh kanakeraserakwékon tsi enshaʼkonákwahse. Ók ratikwékon ne roná꞉tsiakes Nisraerʼró꞉nons enwáton né nahontsiónhnion tsi nòkwah kíʼ kén kenhéiat tsioríhwa tsi ótsire thóh naká꞉sa ne tsi Roiá꞉ner thotʼtsiratheniéton.

Leviticus 4:3

Tó꞉ka né꞉ne kwáh éhʼneken tót꞉the ratsihénsthatsi wahariwánerake tánon taháhaʼwe nashakorihwároh nonhkweshón꞉as, ónenk tsi ienhót꞉kaʼwe ken nithohiónha tionhnónskwahron rátsinn né꞉ne iáh othènen tehotsihióha tánon ne enhoteskónhten rahohénton ne Roiá꞉ner né tsi rorihwanerenhákskon.

Zechariah 12:1

Ne kí꞉ken nateriwanhothá꞉tshera tsi nokwáh ne Israel Roiá꞉ner nón꞉we nitsawé꞉nonh, ne Roiá꞉ner raónha tehotakwahrí꞉ton ne tsi karonhiá꞉te, róshon nonhwénhtsa, tánon teshakó꞉wi natónhnhets nonhkweshón꞉ʼa. Rá꞉ton,

Numbers 14:5

Ethóne ne Mahís tánon ne Aaron ohontsáke watʼhiatʼtshákete rahotihénton nonhkweshón꞉á.

Numbers 16:23

Ne Roiá꞉ner wahawénhase ne Mahís,

Numbers 16:4

Nónen ne Mahís saharihwáronhke kí꞉ken, ohontsáke wahathatiatónhti tánon wahaterénhnaien.

Numbers 16:45

“Èhren íset tsi rónhnes kí꞉ken onhkweshón꞉ʼas, tánon kwáh tsi nónhwe nihónhnete tsi enkhehiáthonʼte!” Ne tenihiáse waʼkhiatshákete ohontsáke tenikánere,

Numbers 27:16

“Saiá꞉ner Sewenní꞉io, íse nahoshatsténsehras akwékon ne iónhnhe, tshiataráko, wakaterénhnaien, ne ronhkwékwe nahakwéni nasakohéntenhse nonhkweshón꞉ʼa

Romans 5:18

Ne kátiken, nètho énskat kariwáneren iakorewáthon nonkwetaʼkwékon, kwáh ne sákat nénskat kariwakwarishíontsera tiakówis nathatewennihiótseras nonkwesónha ó꞉ni tshiakahónʼnhets.

1 Corinthians 13:7

Kanoronkwátshera iáh nonwénton tehiotsiaʼkwaríshion; iáh ó꞉ni tsi nitsiawetákwen, iáh ó꞉ni nahoskanéktsera, tánon tekawhiʼshástses iáh tehioʼriwanórons.

Hebrews 12:9

Tsi nihiótha ne ónhkwe íken ionkwahnísen, ionhkhirewahtáh꞉ses tánon kíʼ ietikweniénsta. Thóh ní꞉ioht tsi sénha wéso akénhake, káti, theʼiotonwentióʼon ahtsitewahwénnarahkwe ne ronhnhehón꞉we kaníhsera ó꞉ni tsi aitiónnheke!

Joshua 22:18

Iáh ken tahisewaʼthóntate natsisewásehre nón꞉wa? Tó꞉ka ensewatewenhnónhti tsi nòkwah ne Roiá꞉ner nón꞉wa wenhniserá꞉te, kwáh í꞉ken tsi iatehionkwè꞉thakes tsi enshakonákwahse Nisraerʼró꞉nonhke nenhió꞉renhne.