Numbers 15:9 - Ohiatonhseratokénti

⁹ Ne onátsia iahiontkaʼwénhke ia-iak nikakonhtsheráke othéhsera né꞉ne kaiéri nikatshétake tenkaiésthonke ne iakeniewátha kènhie,

Numbers 15:9 ပူးပေါင်းရင်းမြစ်များ

1 Chronicles 21:23

“Iahá꞉saf, Sanontí꞉io,” ne Araunah wahénron, “tánon thóh nátiere tsi nisaská꞉neks. Tánon kóh kíʼ kén tehotinákares nahonwaʼnateskónten ne ietienharákwahke, tánon kho ki ken oskwénhkares ne ionhtekathákwah tsi aiewáheʼke, tánon nonátsias ne ahontaiéiesʼte. Kwáh akwé꞉kon í꞉se wakónhion.”

Nehemiah 10:33

Asè꞉ken tsi nihiotinenhrakwarí꞉shion ne Ronwawenniiostáhkwa kanà꞉taro tánon ne iehiokontákwen nathatawí꞉tshera tieiéstha nahontéskontake, Sabbaths, tánon nakahkwahrá꞉ke noráhkwases, tsi nikaráhkwenhs tsi nikahá꞉wis ronteʼnikonhró꞉ris, tánon ne iotokentiʼokón꞉ahs, tánon ne karihwanérens tsi tieiéstas ne nahonsakón꞉warihwakwahtakwase Israel tánon akwé꞉kons ne kahió꞉tenhseras ne raonónskon nonkwah Ní꞉io.

Ezekiel 42:13

Ne rónhkwe wahakénhase, “Tetsáron kí꞉ken kanonhshó꞉thons iononhsatokénti í꞉ken. Thóh nónhwe ne rothikháres nienhontháwehiate rahohénton ne Roiá꞉ner né rónhneks ne kwáh tsiohiánere nathatawítsheras né nónhwe: nathatawítsheras né꞉ne onátsia ó꞉ni ne konwanatsatatʼtsahátons ne katʼtshénens iehóthithe né꞉ne kariwahnerahákʼtsheras tó꞉ka ó꞉ni nahonsahathikárhiake nathatawítsheras.

Ezekiel 46:11

Nónenh khakhwáhere tánon nó꞉nen watenikonhró꞉ri né ienwatkáwen nonátsia né꞉ne satekawinhotseríhen né꞉ne sahiáta tsionónhskwaron rátsinn tó꞉ka ó꞉ni ne teiotinakaronhtónha rátsinn, tánon kwáh tsi nahionskáneke ne iakoterénhnaien ne iahióntkaʼwe ne satihiatátʼtsions ne teiotinakaronhtónha owíra. Ásen nikatʼtshétakes iakeniewátha kénhie ienwatkáwen ne satekawinhotserihens onatsia.

Ezekiel 46:15

Né teiotinakaronhtónha owíra, nothésehra, tánon ne iakeniewátha kénhie né enhonwawísehke ne Roiá꞉ner iatehioronhkhetseráke né꞉ne tsi nénhwe.”

Ezekiel 46:5

Né saiáta rátsinn entʼtháhawe ne iahátkaʼwe satekawinotseríhen onátsia, tánon ne satihiatátʼtsions ne teiotinahkaronhtónhas owíras kwáh tsi nahó꞉ten raská꞉neks nahonthaháhawe nahóhion. Né skátʼtsions ne satekawinotseríhens nonátsias ónenk tsi entʼtháhawe ásen nikatʼtshétake iakeniewátha kénhie.

Ezekiel 46:7

Né sathihiatátʼtsions tsionónhskwaron ratítsinn tánon ne satihiatátʼtsions ne teiotinakaronhtónha ratítsinn henhathikwekonhátie satekawinotseríhen onátsia, tánon ne satihiatátʼtsionhs ne teiotinakaronhtónha owíra ne iahontkháwen kwáh tsi nentʼtaskáneke ne rakóra naháwen. Ásen nikatʼtshéthakes ne iakeniewátha kénhie ienwatʼkáwen ne skátʼtionhs ne satekawinotseríhens onátsia.

Joel 1:9

Nonátsa tsi nitseiéstha tánon ne ienekirá꞉tha tsi nitseiéstha karihwatón꞉ton ne thóh raononhsatokentikówane ne Roiá꞉ner. Ne ratitsihénstatsis ne teonwarihwásniese ne Roiá꞉ner ronatsiónhnion.

Joel 2:14

Ónka iakoteriéntare Tó꞉ka ken tentʼre, tánon roʼien ne kahiatateríhtshera ne raoná꞉ken, noná꞉tsa tsi nitieiéstha tánon ne ienekirá꞉tha tsi nitseiéstha né꞉ne Roiá꞉ner, sah Ní꞉io raorihwà꞉ke?

Leviticus 14:10

Né shatekónhaton niwenhniserakéhaton ónenk tsi tenihiáse enteshehiaténhaʼwe ne teiotinakaronhtónha tenítsinn owíra tánon skaiáta teiotinakaronhtónha ohné꞉tsien owíra ne nénska tehonoserihiákon né꞉ne kwáh iáh othènen tehotitsihiótare, wísk niʼkakonhtseráke othésehra né꞉ne iakeniewátha kénhie tekaiéston, tánon satekatshetíhen ne iakeniewátha kénhie.

Leviticus 6:14

Né tehioterihwasonhterónhnions ne kaianerénsehras né꞉ne onátsias ahorihwáke tsi tsiakoiesthánion. Né Aaronite ratsihénsthatsi ónenk tsi ienháthate nonátsias né tkaiéstons rahohénton ne Roiá꞉nerʼ né꞉ne ohénton ne ieʼtsienharáhkwahke.

Leviticus 7:37

Né káti, kí꞉ken, ne kaianerénseras íken tsi nòkwah ne watʼtsahathánions tkaiesthánions, ne onátsias tkaiéston, ne karihwáneren aorihwáke tsi karó꞉rons, nenskakarhiákonke aorihwáke, nahonwatiʼrihwanirát꞉tse aorihwáke, tánon ne sakaríhwa íken tsi tkaiéston.

Numbers 15:10

skát꞉ke ne kaiéri nikatshétake onenharatasehontsherákeri. Né tewenhserateníhons kí꞉ken né rawenhrientiʼióstha ne Roiá꞉ner.

Numbers 15:8

Nó꞉nen ne teró ienhonwát꞉kaʼwe nahonwateskónhten ne Roiá꞉ner rahorihwáke khès ne karihwiʼiosehokónhas né nakananónhke ne wararátston khès ne skaʼríhwa ahorihwáke tsi iewatkáwen,

Numbers 28:12

Né onátsia iewatkáwen, iasehwát꞉kaf kaiéri níkon né tekaiestónhak ne iakeniewátha kénhie: né satihiatátshons teró, iáʼiak nikakontseráke othésera, né teiotinakaronhtónʼa rátsinn, 4 nikakonhtseráke;

Numbers 28:14

Né tkarihwaiéri ne onenharatasehontserákeri né꞉ne 4 nikatshétakes nonenharatasehontserákeri ne saiáta teró, áhsen nikatshétakes ne teiotinakaronhtónʼa rátsinn, tánon tekatshétakes né satihiatátshons ne teiotinakaronhtónʼa owíra. Thóh kí꞉ken nikaianerenhseró꞉tens ne hionteskonhtákwah niahióntkawe nenhtewatenhniseratiérenhte ne enhsewenhnitáshon thóh nenhiotónhake né꞉ne kwáh tsi niióserehs.

Numbers 29:6

Né kíʼ iasehwát꞉kaf ne iohiowènhtek ne tiókonhte ionhteskónhtha aorihwáke nenhtewenhniseratiérenhte nenhsewenhnítarane skát꞉ke nonátsia aorihwáke tánon ne onenharatasehontserákeri aorihwáke. Kí꞉ken ká꞉khwas nahónhsera né rawerienhtiʼiostáhkwa ne Roiá꞉ner.

1 Samuel 1:24

Nó꞉nen sahostarontáko, aón꞉ha iahoiaténhaʼwe, skát꞉ke ne áhsen naʼtehaosheriʼiákon tsonónskwaron rátsinn, tánon skaʼiára othésera, tánon otsítsa skatshéta. Thóh niaʼohiaténhaʼwe raoʼnonsatokentíke ne Roiá꞉ner ne ne Shiloh nón꞉we; tánon ne raksá꞉a kénk shiʼthóion.