Numbers 15:31 - Ohiatonhseratokénti

³¹ tsioríhwa tsi wahatirihwáson tsi nahó꞉ten ráwen ne Roiá꞉ner tánon kwáh thahónhnete tsi wathatíhiake ne rahotsaʼwenhrátseras. Kwáh kíʼ roʼnónha iahontátkwahse tsi enhonhníheie.

Numbers 15:31 ပူးပေါင်းရင်းမြစ်များ

2 Samuel 12:9

Onhniʼiotséren tsi iáh karíhwa tesón꞉ni ne raowénhna Roiá꞉ner, tsi ne thonáshere ne karihwahetkénsera ne raohén꞉ton? Í꞉se watienonwarhiákhon ne Uriah ne Hitró꞉non ne washástste ne raonasharehkówa Ammonró꞉nons.

Psalms 107:11

asèken iáh teonatewenhnarákwen ne Rawenni꞉io raowenhnaókons, tánon wahatikénron ne raorihonhnienhnítshera ne kwáh thoʼshaststenhserowánenh.

Psalms 119:126

Óʼnen iehióhe ne Roiá꞉ner knahá꞉iere, asèken ne saianerénhsera tehiotsá꞉kon.

Psalms 38:4

Asèken nakerihwaneraháktsera iohtón꞉iohte sénha tiót꞉the tsi nitewakenonhtsistó꞉hare; né꞉ne iohrieniáhste só꞉tsi hiókste né tahiékwe.

Exodus 30:33

Ónhka né kwáh ètho ní꞉ioht tsi enhiakónhni tó꞉ka ó꞉ni né thènen áhionsthe nónhkak iehiatháke né꞉ne iáh tehietsihénsthatsi kwáh kíʼ iáh né tahonsakénhake Ní꞉i akonkwéta akénhake.’”

Proverbs 13:13

Tókaʼ iáh thahshié꞉na ne kaʼnikonhrí꞉io, seriʼwanóntha kiʼ né꞉ʼe kaʼnikonhrharáhtshera; íhtshehr kaʼnikonhrí꞉io ne ensaʼniá꞉kenhte.

Isaiah 30:12

Né ká꞉ti aoriwa rá꞉ton ne Roiatatokentiʼónwe Israerʼronónke: Né aoríhwa ne tsi wesakenráhten kí꞉ken owénna, tánon thóh nón꞉we nontasétakwe né꞉ne kaniakatsʼténhsera tánon ne kanikonhráton, tánon ne sehniahésen;

Isaiah 53:6

Tewaʼkwékon thóh nitewahiató꞉tens tsi ní꞉ioht ne teiotinakaronhtónhas ne kénk tsehionénon; tewaʼkwékon thóh nihionkwahierenhátie tsi nitionkwahnikonró꞉ten, tánon ne Roiá꞉ner rahónha wahoterihwahkerónhaʼse ne karihwanerahát꞉tshera ne tewakwékon onkwahrihwàke.

Ezekiel 18:20

Né꞉ne tsi nikáien roriwáhneren né enrénheʼie. Ne roiénha iáh taharonhiáken ne꞉ne akarihónhni ne roníha rahoriwahneraháktsheras. Ne tsionkwetaiéri tehiakoteriwahsehráhkwahse ne iakohioténhen ne ioiánereh, tánon ne iakonhkwetahétken kwáh enhieronhiáken tsi nihiakotiéren ne kariwáksen.

Leviticus 26:15

Tó꞉ka ensewaterahiáthaʼkwe nahiʼsewatewénhnaraʼkwe natianerénhseras ó꞉ni nakerihwatátʼtseras tánon tesewáhiake naʼterihwaseronhniátshera né wát꞉son skát꞉ke níse,

Leviticus 26:43

Nenhtewatsérenhte, ethosáne, nonhóntsa ónenk tsi éhren enhiakohiatenháwite nahonkwetashón꞉as, né nahiawerientí꞉io ne kwáh íken tsi ahonsonhtoríhsen, tánon ónenk tsi kwáh enkanánonhke tsi tenhsatirihwaseráko tsi nihotiníkon né tsi wahathikénron natianerénhseras tánon nakerihwatátʼtsheras.

Leviticus 5:1

Tó꞉ka nónhkwe waherihwánerake tsi iáh tiehiakokʼkáwen noríhwa nónen ienhionthatenáton naierihwaníraʼte. Tó꞉ka tkarihwaiéri tsi ieshahiatonhseráwi naʼserihwanírate tsi tehiehiatoretákwa tánon iáh thasatró꞉ri tsi nahó꞉ten satkáton tó꞉ka ó꞉ni sarihwarónhken, ónenk tsi enseronhiáke tsi nenhiáwenhne.

Numbers 9:13

Ók tó꞉ka ónhkak tsi nítsion ne shiʼhiorihwakáion satesehwahiatátsion tánon iáh kaʼnèka tshieʼsehwénon tánon iáh tesewenhtanorónstha ne èhneken watohetstáhkwa, iáh kí ónenh né tahonseʼsewatenaʼtónkwen Í꞉i akonhkwetashón꞉ʼas akènhake, tsioríhwa tsi iáh othènen teteskwáhwi ne shiaʼkáhewe. Ónenk kíʼ tsi ensewaronhiáken tsi nienhiáwenhne ne sewarihwaneraháktsheras aorihwáke.

Deuteronomy 17:12

Nón꞉ka naiénre ne tó꞉sa ahiontewénhnaraʼkwe ó꞉ni tsi nokwáh ne ratiriwénhthas tó꞉ka ó꞉ni ne rotikhá꞉res ne thóh rotihiò꞉te kwáh enhonwatinonhwarià꞉kon; thóh ki ní꞉ioht tsi é꞉ren ensewaháwithe ne kariwahétken ne Israerʼró꞉nonhke.

1 Thessalonians 4:8

Kwáh káti, nónka neniekénron kí꞉ken karihonniennítsheras iáh seh ónhkwe tahonwahkénron, nok Rawenni꞉io, tsi rahónha thiʼáwis ne Raonikonratokénti.

1 Tiér 2:24

Rahonhatsíwa ne Kerístos rotketáthon nonkwariwanerahákʼtseras tsi tetkaiásonte, neh nahónton naitewenhéiate ne kariwáneren tánon neh nónwe naisetiónnheke ne tkariwaiéri. Neh tsi nihotʼkarewatánion neh tsiʼsatiénton.

2 Tiér 2:21

Sénha ne ioiánereʼkwe ne rahotiriwáke neh tóhsa nonwénton ahotiʼienteráʼon ne tkariwaiéri tsi ní꞉ioht nahonateriéntarake tánon káti ahontarónti ne iotokénti ahtiawenrátʼtshera thonwanáwi.

1 Samuel 3:14

Ne káti aoríhwa wakerihwanírate thóh tsi ronónshoʼte ne Eli nètho raoʼriwahetkénhsera ne Eli tsi ronónshoʼte kwáh iáh ne éhʼren tahonsakaháwiʼte tsi akonwateskónten katshénenh khéhs nahontahatí꞉iestake ne tsi nénhwe akénhake.”