Numbers 15:30 - Ohiatonhseratokénti

³⁰ Ók nónhka ne kwáh iakonikonhrónhni tsi aierihwánerake, né꞉ne tó꞉ka kén ienakerehónhwe khès ne tihiakahontsátes, rotiníkon tsi nihonwaiérase ne Roiá꞉ner tsi ronhwakenrónhni, tánon kíʼ ónenk kíʼ tsi enhonwatinonhwariákon,

Numbers 15:30 ပူးပေါင်းရင်းမြစ်များ

Genesis 17:14

Ónhka ne roskenʼrakéhte né iáh tehonwaʼwahrakwé꞉taron kwáh kíʼ iáh ráonha tewakonkwé꞉ta té꞉ken, tiorí꞉wa tsi iáh tehoteweièn꞉ton nakateriwahseronniáhtsera skátne Ní꞉i.”

Job Tánon ne Raoronhiakensera 38:15

Ne Kaswatétshera tiónhne tsi nokwáh ne ionkweʼtahétkens, tánon tsi nihonanentsakétskwen tehonwaninenʼtsiákon.

Psalms 19:13

Tatʼtsiatón꞉nek ne sanhátshera tsi nòkwah ne thiwanikonrónhni kariwanerahátʼtsheras; tó꞉sa sehríhon nahionkatiatakwení꞉ioste! Ehʼthóhʼne ká꞉ti kwáh iáh othènen tahonkenhitseraiéntake, tánon waʼkatsiatotaríhshon tsi nòkwah ne karihwaʼhét꞉ken karihwanerahát꞉tsera.

Psalms 69:9

Né꞉ne Sanónsa aokwéniat ontsiatakári; tsi niháti iesanikonraksátha í꞉i sewák꞉ras.

Psalms 74:18

Ók sehiárak, Ó Saiá꞉ner, ne iesáhshons tsi tihiesaiéron, né꞉ne iáh tehotirihwiʼiostonhtseráien tánon iesáshons.

Psalms 74:22

Tèstann, Ó Sewenní꞉io tánon tasahthátene; sasehiáranh ne iáh tehotirihwiʼiostonhtseráien tsi thiʼiesahierónhakwe niaʼtewenniʼsehráke.

Psalms 79:12

Saiá꞉ner, tsáta niʼiorihwáke shasehkáriaks nakorénhshons nonkweshón꞉has; né nakwékon tsi nihotiʼthónhiote ne sahénton tsi niʼiesanikonraksáton!

Psalms 89:51

Né꞉ne iesáshons ronwaʼnikonraksáton ne tiatarákwen ronnonhtí꞉io, Kwáh ronwaʼnikonrakʼsátha ne kwáh tsit nón꞉we nenhénhre.

Exodus 21:14

Ók nónen rónkwe ahonákwen, tanon thénrehte óia rónkwe ahononwariákon, ne raónha enshonʼwanonhwarhiákon, iawerohátien ne iaharáten ne tsík tsienhaharákwa nahatatenónstate.

Exodus 30:33

Ónhka né kwáh ètho ní꞉ioht tsi enhiakónhni tó꞉ka ó꞉ni né thènen áhionsthe nónhkak iehiatháke né꞉ne iáh tehietsihénsthatsi kwáh kíʼ iáh né tahonsakénhake Ní꞉i akonkwéta akénhake.’”

Proverbs 14:31

Tókaʼ enhshetenhstéhten ne iakotenhténion, enhtsheʼnikonhrakaré꞉wahte Rawenni꞉io ne shakoiaʼtíson; tókaʼ tenhsheiahrhó꞉ton ne iakó꞉ten Rawenni꞉io enhtshennó꞉wanahte.

Ezekiel 20:27

“Étho káti, rónhkwe iaiénha, sehró꞉ri Nisraeró꞉nonhs tsi nahó꞉ten ni Í꞉i, ne Wakenonhtí꞉io Watiá꞉ner, kherorhiánions. Ne kí꞉ken nó꞉ia nitsiotseráhton ne sakotisotʼthonkonhkénʼen ionkenikonhrakarewáhton tsi iáh tehotiriwahtó꞉kenʼne.

Leviticus 20:10

Tó꞉ka ne rónhkwe enhatenakwahiésaʼte né꞉ne Israerʼró꞉non ró꞉ne, rahónha ó꞉ni ne iónhkwe tsi enhonwatinonhwariákon.

Leviticus 20:3

Tó꞉ka ónhka tsi nítsion iaietʼtsihiátkaʼwe kakʼnikáien ne ietsiʼienhokónhas ahonháke ne Molech tánon enhiónhni ne takenhtiónste nakatóhsera tánon enwatéhate natsenhnatokénti, kwáh kíʼ enkwatónhten tánon iáh shé꞉kon ne tahonsehsewatenathónkwen Í꞉i akonhkwéta íken.

Leviticus 20:6

“Tó꞉ka ónhka tsi nítsion thóh iénsewe naietʼtsinikonhrihshákha nonhkweshón꞉a né꞉ne konhwatiʼnikonhríhsaks ne ronenhéions, kwáh kíʼ enhkonhiatʼkónhten tánon iáh kíʼ ské꞉kon ne tahonsehshatená꞉thonkwe Í꞉i akonkwéta akénhake.

Numbers 15:29

Kwáh né sakaianerénhsera tiakoró꞉ron ratikwékon ne iáh tehonanikonhrónhni tsi wahatirihwánerake, né꞉ne tó꞉ka kén ehsihatinakerehónwe ne Israerʼró꞉nons khès ne tihononhontsátes ne skát꞉ke ratinákere.

Numbers 9:13

Ók tó꞉ka ónhkak tsi nítsion ne shiʼhiorihwakáion satesehwahiatátsion tánon iáh kaʼnèka tshieʼsehwénon tánon iáh tesewenhtanorónstha ne èhneken watohetstáhkwa, iáh kí ónenh né tahonseʼsewatenaʼtónkwen Í꞉i akonhkwetashón꞉ʼas akènhake, tsioríhwa tsi iáh othènen teteskwáhwi ne shiaʼkáhewe. Ónenk kíʼ tsi ensewaronhiáken tsi nienhiáwenhne ne sewarihwaneraháktsheras aorihwáke.

Matthew 12:32

Nok onkakiok raȣennake roiesatakȣen nʼOnkȣe Ronȣaienha enshonȣanikonrhonse, nok tanon onka enhonȣaiesate ne Rotkon Ronikonratokenti iah taonsaonȣanikonrhense ne kentho onȣentsiake iah oni nonȣenton.

Deuteronomy 1:43

Waʼkwahró꞉ri tsi nahó꞉ten ne Roiá꞉ner wahèn꞉ron, ók iáh tesewatahonshatá꞉ton. Waʼtsisehwatswaténien, tsi nisewataʼtonkwehtowanáhton iahisewanonhtárahne ne tsi tiononhtaʼrónhnion.

Deuteronomy 32:27

Ók iáh tewakéron né꞉ne tehontaʼtsons tahonthaterensarónhkwe ne tsi ronhwatishén꞉nion nakonhkweʼtashón꞉as, ne tsi Í꞉i iatetsiáti tekheskwasehrónhkwen.’

Hebrews 10:26

Asèken iáh ónen teskaien ne karonhiakenshera naʼhé꞉ren akahawithe ne karihwahnerens tóka thenʼtéwethe ientewahtashónteren enhionkwahriwahnerenhatiésheke nónen ne tewehtakwenh ionkhwahʼrónken.

Hebrews 10:29

Nahó꞉ten, káti ónen, tsi niháti ronwahkenronni ne Rawenni꞉io Roiénha? Tóh꞉ní꞉ioht tsi ronnonthonnions iáh thenen tekastha nohnekwénhsa ne Rawenni꞉io rahoterihwahseronniennitshera tsi ní꞉ioht tsi tiakahonnahkanonni tsi nókwa ne karihwahneren? Rohnónha konwahnikonratsaton ne Kashastensera ne kentenron? Kwáh sehwahnonthonnionf tóh ní꞉ioht tsi sénha kowahnen ne karewahthatshera enhatiʼié꞉na!

2 Tiér 2:10

Kwáhʼsénha tsi niháti né꞉ne ratísere tsi natehiótion ne rahotiʼierónta ahoskanéktsheras tánon ronataróntion ne Rawenni꞉io rahohianerénsera. Kí꞉ken rohtinówens sakotirihonniénnis kwáh rohtikonsanírons ó꞉ni rontatónni, tánon kwáh iáh othènen karíwa tehonnónni ne rohtihiatanerákwas ne éneken tonnónnhes; kékenk, ronwatinikonrakarewátha.

1 Sawátis 5:16

Tóhkaʼ entsisewáken ne tawetákwen nahariwánerake nók iáh tahóriote, sateriwaiénni nasaterénnaien rahonháke ne Rawenni꞉io, tsi rahónha entháwen nètho rónkwe natónnhets. Neh kíʼ kéntons tsi niʼiákon ne iáh taiakóriohte. Nók káien ne kariwáneren ne iakorióhtha, nók iáh neh tekíʼtons ne naihsewaterennaienthákwen rahonháke ne Ní꞉io nètho aorihónʼniat.

1 Samuel 2:25

Tó꞉ka ónkak aiontateriwánerakse naʼkó꞉ren, Ní꞉io enhakwéni nenhteshá꞉kone tsi niká꞉ien waʼtionterenhtáwenhreh; ók ónka aiekwé꞉ni nahontaʼiontáteʼne nón꞉kak aieriwáneraʼke tsi nó꞉kwah ne Roiá꞉ner?” Ók iáh teiakotahonsatháton ne raowenhnaókons ne ronwaníha; asèken thóh nihotenikonrón꞉ni ne Roiá꞉ner naʼsakononwarhiá꞉khon.

1 Samuel 3:14

Ne káti aoríhwa wakerihwanírate thóh tsi ronónshoʼte ne Eli nètho raoʼriwahetkénhsera ne Eli tsi ronónshoʼte kwáh iáh ne éhʼren tahonsakaháwiʼte tsi akonwateskónten katshénenh khéhs nahontahatí꞉iestake ne tsi nénhwe akénhake.”