Numbers 15:24 - Ohiatonhseratokénti

²⁴ Ók tó꞉ka tewaterientawenhriéhon tsioríhwa ne iená꞉kere tsi iáh teierihwaientérihkwe, ónenk kíʼ tsi teró ienhonwát꞉kawe nahonwateskónhten, né ahónsehra né rawehrientiʼióstha ne Roiá꞉ner, né꞉ne tkarihwaiéri nonátsia iewatkáwen ó꞉ni nonenharatasehontsherákeri iewatʼkáwen. Né꞉ne iehiowénhte íken, ónenk tsi kaiatákeras rátsinn ienhonwát꞉kawe né꞉ne karihwáneren aorihwáke.

Numbers 15:24 ပူးပေါင်းရင်းမြစ်များ

Ezra 6:17

Tsi wakonwatonhnahérase tahatiiesthánion 100 nihá꞉ti té꞉ro, 200 nihá꞉ti teiotinakaronhtón꞉as, tánon 400 nihá꞉ti teiotinakaronhtón꞉as owí꞉ra ne nahonwanateskónhten, tánon 12 nihá꞉ti kaiaʼtákeras ne nénhne ne kariwáneren aorihwà꞉ke, saiá꞉ta ne sohtitsiokwaʼtsons rahotirihwà꞉ke ne Israerró꞉nonke.

Ezra 8:35

Ratikwé꞉kon ne sót꞉ti ne rananahkerá꞉kwenhne ethò꞉ne ó꞉nen tahatihásheron ne tkaiesthánion nahontsahathónhake tsi ahonteskónhthake ne Rawenni꞉io rahorihwà꞉ke ne Israerró꞉nonke. Ne tahatiiesthánion 12 nihá꞉ti té꞉ro né꞉ne kanenhrakwé꞉kon akorihwà꞉ke Nisraerró꞉nonke, 96 nihá꞉ti teiotinakarontón꞉a ratítsinn, tánon 77 nihá꞉ti teiotinakarontón꞉a owí꞉ra; tánon shé꞉kon 12 nihá꞉ti kaiaʼtákeras ne nénhne nahonsahontonhnakanón꞉niate ne ronónha tsi nokwáh ne karihwanéren. Ratikwé꞉kon ki konhtitsénhnens wahonwanateskónhten rahohén꞉ton ne Roiá꞉ner.

Leviticus 23:19

Tánon ó꞉ni sahiáta kaiatákeras rátsinn né nènhne ne kariwáneren aoriwáke tsi ienwatkáwenhke tánon tenihiáse nénska tehonoserihiákon teiotinakaronhtónʼa tenítsinn né nènhne ne sakaríhwa íken tsi ienwatkáwenhke.

Leviticus 4:2

nashakoró꞉ri nonhkweshón꞉as Nisraerʼró꞉nonhke nónhwe enierihwánerahke tánon ne thènnen taiéhiake ne Roiá꞉ner rahorihwatátʼtseras né iáh tiehiakoiéren, ónenk tsi enhiontenhnikonhráren ne kén hiotsetons kaianerénseras.

Leviticus 4:22

Tó꞉ka rakóra waharihwánerake tánon wahó꞉nhike tsi watháhiake nénska ne Roiá꞉ner rahorihwatátʼtsheras né꞉ne iáh tehonikonhrónhni,

Leviticus 4:23

ethóhʼne kíʼ kwáh tsi niostó꞉re ne karihwáneren tsi enhonwarihwahéraʼse, ónenk tsi kahiatákeras ienhót꞉kaʼwe né꞉ne kwáh iáh othènen tehotsihiótare.

Leviticus 5:15

Tó꞉ka ónhka tsi nítsion ensewarihwánerahke ne iáh taisewanikonhrónhni ne tsi wesewarihwanó꞉ron niaisewatkáwen ne sewakháriaks né꞉ne iotokénti rahonháke ne Roiá꞉ner, entéshaʼwe né꞉ne aská꞉riakʼte enthétion ne Roiá꞉ner teiotinakaronhtónʼa rátsinn tó꞉ka ó꞉ni kahiatákeras né꞉ne iáh othènen tehiotsihiótare. Tsi nikanó꞉ron né entewanónhton entsiohianénhaʼwe ne tkarihwaiéri atenienténhtshera.

Leviticus 5:18

Ónenk tsi entetsiʼsewahawíten ne ratsihénsthatsi ne akakarhiátonke né꞉ne rátsinn teiotinakaronhtónha tó꞉ka ó꞉ni kahiatákeras né꞉ne iáh othènen tehiotsihiótare. Né tsi satèkena né entewanónhton tsi entsiohianénhaʼwe né tkarihwaiéri atenienténhtsera. Ne ratsihénsthatsi né ienhót꞉kaʼwe né꞉ne karihwáneren ahorihwáke tsi né thóh nisaiéren né꞉ne iáh tetisanonhtónhon, tánon kíʼ entiesanikónhrenhse.

Numbers 15:23

Tánon tó꞉ka shí꞉ken tsi niahaweʼnonhátie ne ienákere wahakorihwanóron orihwakwékon thóh naiéiehre tsi nahó꞉ten ne Roiá꞉ner roríhonhte ne Mahís.

Numbers 15:26

Kwáh kíʼ kanakerasehrakwékon ne ienákere NÍsraerʼró꞉nonke tánon ne tehononhontsátes ne skát꞉ke ratinákere tsi enshonwatinikónhrenhse, tsioríhwa tsi ratikwékon ronatiátare tsi tewaterienhtawenriéhon.

Numbers 28:15

Tánon ne ienhiowènhtheke ne niatewenhniseráke ahionteskónhten skát꞉ke ne onenharataʼsehontserákeri, iatsisehwát꞉kaf saiáta kaiatákeras né꞉ne kariwáneren aorihwáke.