Numbers 15:20 - Ohiatonhseratokénti

²⁰ Nó꞉nen ensewanatarónhni, nenhtewatiérenhte waʼtenataronhtákwen né nonátiaʼse ionhniáton tsi enkatokénstonhke tsi entʼthónhion ne Roiá꞉ner. Tsi entkaiéston kwáh kíʼ ne sáka tsi ní꞉ioht tsi katokenstónʼne tisewaieston tsi nitsiónhni níse sewathéton.

Numbers 15:20 ပူးပေါင်းရင်းမြစ်များ

Nehemiah 10:37

Tánon nenhtewatsérenhte ionkwahteshé꞉ratkenton tánon ne tionkwaiestons tánon ne kahiksón꞉has ne tsi kerí꞉tonʼs, nonenharákeris tánon ne keníes, kwáh kíʼ ienhiakwáhawe raotihénton ne ratiʼtsihénstatsis, ne tsi tkanát꞉taièn ne raonónskon nonkwáh Ní꞉io tánon tsi niwát꞉karhiaks nonhóntsa ne raotirí꞉wake ne Levites, asè꞉ken Levites ronón꞉ha ratiró꞉rokskwe akwé꞉kon tsi nihiót꞉wistonhnihon ne kanatowá꞉nens nonkwahientótsheras.

Exodus 23:19

“Iatehiosehráke tasehwáhaf rahonónskon ne Roiá꞉ner sehwaʼNí꞉io né nenhtewatiérenhthe ensewaientkwáhko nonátsia. “Tó꞉sa sewahwaráhrit ne ken nithoʼhiónha teiotinakaronhtónʼa tó꞉ka ó꞉ni ne kaiatákeras né꞉ne ronisténha ahonónhta ahísewatsʼthe.

Exodus 34:26

“Iatehiosehráhke Roiá꞉ner rahonónhskon tásaf nenhtewatiérenhthe onátsia enshientʼthó꞉ko. “Tó꞉sa ènsehrithe ne kentiʼthohiónha teiotinakaronhtónʼa tó꞉ka ó꞉ni ne kahiatákeras né꞉ne konwanisténha ahonónhta áhsasthe.”

Ezekiel 44:30

Né rothikháres ne enhatiʼiéna ne kwáh tiohiáneres nenh tewahtsérenhte kaientwáhkwenhs tánon nohiásons nahoténsons né hiontʼthá꞉ti. Tsi nihioriwáke nonhkweshón꞉ʼa enhiontenahtharónhten, ónenk tsi rothikháres entʼthonwénhnon nentewahtsérente enhóntkaʼwe, tánon nahtsiathaterítsera kwáh raotinonhskónson nónhwe nenhiothaténronhke.

Leviticus 2:12

Ne entèshiesʼthe nenhtewaʼtsiérenthe ensentwáko nonátsa né iaʼtehiosehráke ientsawíten ne Roiá꞉ner, ók iáh kíʼ ientsienharáhkwahke tahontsahatónhake.

Leviticus 2:14

Nónenh entetiawíten ne Roiá꞉ner nátsion nentewatsárenhthe enshientwáko nonátsa, ne thátion ne kanatsakeríton tó꞉ka ó꞉ni ne katʼtheserónhni.

Leviticus 23:20

Ne ratsihénstatsi rahónʼa ienhát꞉kaʼwe ne kanátaro skátke ne tenihiáse teiotinakaronhtónha owíras né꞉ne katokénston athatawítshera rahohénton ne Roiá꞉ner né꞉ne ratitsihénstatsis rahothirihwáke. Kí꞉ken ienwatkáʼwen iotokénti íken.

Numbers 15:21

Asèken tsi nénhwe, kí꞉ken katokénston athatawítshera tsi entʼthónhion ne Roiá꞉ner né꞉ne í꞉se sewanatarónhni.

Numbers 18:12

“Í꞉se tkonhiawìre ne kwáh tsioiáneres ne tsiotihénton kaientwákwen tsi nikáien NʼIsraerʼró꞉nons tionhkáwis ne iatehioseráke: né꞉ne iakenhiewáta-kénhies, onenharatasehontserákeri, tá꞉non ne onátsias.

Matthew 6:33

Neh tanon taseȣatierent seȣesak ne Niio rahonakerasera, nok ne kenh iohaȣiton aksekon nehne ok tentkonne.

Romans 11:16

Tóhka ónkak enthónʼhion ne Rawenni꞉io ne tsiotierénton kanatarakwétaron, kwáh káti kanatarakwékon raónha rahówenk; tánon tòhka ónhkak ahonwátatʼtse ne Rawenni꞉io neh karónta ahotéra, nonenrahshónhas raónha kíʼ nòn꞉ne rahówenk.

1 Corinthians 15:20

Ónk ne kwáh oriwiʼiohónwe né꞉ne tsi shonwahkétskwen ne Kerístos ne kenheiátne, né kahriwahnírats tsi nihiákon ne iakótas ne kenheiátne tsi entiontʼkétsko.

Deuteronomy 14:22

“Tsiónhkwe nʼIsraerʼró:nons, iatehioserá꞉ke ákthe naʼsewá꞉ien énska ne oierí꞉haton nihiorì꞉wake ne sewahétakons ensewaientwá꞉ko.

Deuteronomy 14:23

Ethò꞉ne iaʼsewáhaf noierí꞉haton ié꞉ken ne sewanátsias, nonenharaʼtasehontsherá꞉keri, tánon ne iakeniewátha kén꞉ie, tánon ne tiotierénhton ionatewì꞉raien ne tionónhskwarons, teiotinaʼkarontón꞉a, tánon ne kaiaʼtákeras, Ísewak kí꞉ken kákhwa ó꞉ni noʼwá꞉rons ne tsi nihietsiʼiawénhton ne katshénens ne nón꞉we. Ne kí꞉ken ensewarihónhnien ne tió꞉konte atsisewakweniénstake ne Roiá꞉ner sewaNí꞉io.

Deuteronomy 16:13

“Ne nó꞉nen akwé꞉kon sawahékshion ne sanátsas tánon akwé꞉kon sanekinekénhen ne sanenharaʼsónhas, sateʼnikonhró꞉ri ne tehontenonhweraʼthónkwa tsi waskwakarénre né꞉ne tsá꞉ta nónhta nikarì꞉wes.

Ne꞉ne Sák Rohiaton 1:18

Ne tsi kwáh raónha ehnihonikonrhótenʼne thóʼnon nashontiónnhete noriwihioʼónwe nowénna, né꞉ne hiathetewahiáti ohénton ahkénhake tsi niatheʼháti ne sakohiathísons.

Revelation 14:4

Ne tsi ronón꞉ha iáh tateonatatsiatastónston skátne ne konhnón꞉kwe, asè꞉ken iáh teotiniá꞉kon; ronón꞉ha ronwahnonterátses ne teonakarontón꞉ha owí꞉ra kwáh tsik nón꞉we nienhénre. Ronón꞉ha ne shonwatiiatákwen tsi nokwáh ne onkweshón꞉as kwáh né꞉ne entewatsetrénhte kaientwákwen ne enthón꞉ion ne Ní꞉io tánon ne teotinakarontónha owí꞉ra,