Numbers 14:34 - Ohiatonhseratokénti

³⁴ Kwáh kíʼ ensewaronhiáken tsi nienhiawénhne ne sewarihwaneraháktsheras enkarihónhni né꞉ne kaiéri-nihioserásen nikaríhwes, né꞉ne tsiósera ne sewenhnísera nikarihwesónhne tsi iahisewatonhontsiátʼkenhse. Kwáh kíʼ ensewateriénhtarane tsi nikéntons ní꞉i nenhkwatkónten!

Numbers 14:34 ပူးပေါင်းရင်းမြစ်များ

1 Kings 8:56

“Tehonwanonweráton ne Roiá꞉ner tsi rahónha tesakówi ne rahonkwetashón꞉ʼas ne skénnon, tsi ki nihorahrátston tsi thóh nenháiere. Akwékon niehoieríhton tsi nahoténsons ne tkarihwaiéris roraratsthánion rahonháke ne Mahís.

2 Chronicles 36:21

Tánon ká꞉ti tsi nihotʼró꞉ri ne Roiá꞉ner rahonháke ne rotokenhséhakwe Jeremiah akwé꞉kon kíʼ waʼkánaʼne: “Né tsi ionhontsáien káiase enwáton né꞉ne tsáta-niwá꞉sen niʼíoseráke, né niahonsakarihwaiérike ne tsaákhaton niʼioseráke ahotorihsénhtshera nohóntsa né꞉ne iáh tehatí꞉sereʼne.”

Psalms 105:42

Asèken rehiá꞉re ne iotokénti í꞉ken tsi nihorahratsténhni, ne Abraham, né꞉ne raonhátshera í꞉ken.

Psalms 38:4

Asèken nakerihwaneraháktsera iohtón꞉iohte sénha tiót꞉the tsi nitewakenonhtsistó꞉hare; né꞉ne iohrieniáhste só꞉tsi hiókste né tahiékwe.

Psalms 77:8

Né iorihwaʼtó꞉ken raonoronhkwáhtshera iehiotsiákstsi ken? Tsi nihorahráts꞉ton iehiotokʼtáhon kén ne tsi nénhwe í꞉ken?

Psalms 95:10

Asèken kaiéri niwáhsen niʼioseráke kenakwáhsene nètho onkweshón꞉has waʼkíron, “Né꞉ne onkweshón꞉has né iáh tehiakorihwaʼtóken, tánon iáh tehonthóntats nahontewénnahrakwe nakerihwatatʼtséras.”

Ezekiel 14:10

Thatetsarónhkwen ne rotó꞉kenhse tánon ónhka akénhake ne ronhwahthirihwanonhtónhnis kwáh ne sáhka tsi enhontréwahte.

Ezekiel 23:35

Nónhwa kén nahó꞉ten ne Ronhnontí꞉io Roiá꞉ner ratónhnions, “Tsioríwa tsi wastsiatanikónhren tánon waskatswahthénien, ensharonhiákente ne naskanékʼtshera tánon ne sariwahiathathóntshera.”

Ezekiel 4:6

Tánon nónenh iatenshóhk꞉ten nètho, shasatiatakarátʼtho ne nónhwa ne sehsenekwáhti nohkwáhti tánon ne nónhwa sasharonhiákent ne Judahró꞉nons raothinítshera ne꞉ne kaiéri-niwáhsen niwenhnisehráhke—ne꞉ne sewenhnísehra ne tiosehrátʼtions ne raothirewahthátshera nikaríwes.

Daniel 9:24

“Tsá꞉ta niiorì꞉wake ne tsá꞉ta niwáhsen niiohserá꞉ke nikarí꞉wes ne Rawenni꞉io roteʼnienténhston ensehshakohnerénhsi ne sonkweʼtaʼshón꞉ʼa tánon ne sanatatokénhti tsi nihotirihwané꞉ren tánon tsi nihonnonkweʼtahétken. Enskaʼnikonrhén꞉en ne karihwané꞉ren tánon enskakwatákwen ne karihwakwarihshóntshera tsi nén꞉we, eʼtho naontá꞉we ne atetshénhsera tánon ne iekarí꞉waken né naiá꞉wenʼne, ó꞉ni ne ononhsatokenhtiʼkó꞉wa enskarihwatokénhston.

Hosea 9:12

Ské꞉kon tó꞉ka nahonwanehiá꞉ron ne ratitsaokónha, kwáh kí enkhehiathónhten tsi nió꞉re iáh ónhka tsatahonsahonathaténhronke. Kwáh í꞉ken tsi rotithentáhsere nó꞉nen enkhehiatsatonhtákwahse!

Leviticus 20:19

Tó꞉ka ne rónhkwe skát꞉ke enhiáraʼte ne rahoʼmaténht, tenitsáronh kíʼ ónenk tsi enhnironhiáken tsi nienhiáwenhne ne kanikonhrahetkénton.

Zechariah 11:10

Ethò꞉ne ne kániah ne iʼkháwe ne “atanitén꞉ron” wakenahthónkwen wahtkeniáhke, né꞉ne ahonsahkariwahrí꞉shionke tsi nahó꞉ten ne Roiá꞉ner róhshon tsi tatehóntereh nonhkweshón꞉ʼa.

Numbers 13:25

Nó꞉nen shaʼhonthonhontsiátkenhse né꞉ne kaiéri-niwáhsen niwenhniseráke, né ronhterihwató꞉rats thóh hionhsahónhne

Numbers 18:23

Kénhen ienwatáshawen nekhók ne Levites tenhatirihwásniene natóhsehra tánon kwáh enkananónhake tsi enhonterihwastériste. Né kí꞉ken ne iehiotkonhtákwen kaianerénhsera né ó꞉ni iakóton tsi ienhsatwatsírihne. Ne Levites kwáh nènhne iehiotkonhtákwen tsi iáh thahotiʼienthatsheraiénhtake NÍsraerʼró꞉nonke,

Numbers 32:13

Ne Roiá꞉ner washakonákwahse nonhkweshón꞉ʼas tánon washakahónhnien wahotinatenhawíson ne karakonhkówa né꞉ne kaiéri niwásenh nihiosehráke nikaríhwes tsi nióre ne kwáh kanenhrakwékon ne ronwanikonhrakʼsháton ronenhéion.

Acts 13:18

Tánon káti kaiéri-niwásen niʼioseráke nikaríwes sakonikonraráhtieskwe ne kahentakekówa.

Deuteronomy 2:7

“Sehwehiá꞉rak tsi ní꞉ioht ne Roiá꞉ner sewaNí꞉io tsi eʼtsisewahiataʼteríston né kwák tsi nahisehwatiérake. Waʼtsisewatenhnikònhraren tsi watesewatawénhrie tsi niahí꞉sehwe ne kén꞉en ne tehiotenonhianì꞉ton ahonwenhtsiathèn꞉ke. Sehwakwekonʼhátieskwe né꞉ne kaiéri-niwáshen nihioserà꞉ke nikarí꞉wes, tánon akwé꞉kon niesehwaiéntaʼkwe tsi natesehwatonhontsóni.

Hebrews 4:1

Nónwah, Rawenni꞉io wahshonkwáhtatshe ne karahrátʼtsera nahónton aitewahiéna natorihsénhtshera tsi nihotʼró꞉ri. Ánion tewahtennikonráhren, káti, tóhsa ónkah tsi nítion naisewahrihwahnóron né iáh taisewahienásere nètho kahrahrátsʼton.

Joshua 14:10

Ók nón꞉wa, Satkátho. Ó꞉nen kaié꞉ri-niwáhsen-wísk nihioserá꞉ke tsi náhe ne Roiá꞉ner thoró꞉ri ne Mahís. Thóh shikahá꞉wi ne Israerʼró꞉nons iahonwentsathèn꞉ke niehoné꞉non, tánon ne Roiá꞉ner, tsi ki nihorarátston, tonáhe sihakónhnetie. Tatkenhénhion! Shaʼté꞉kon-niwáhsen-wísk naʼtewakoserià꞉kon

Revelation 11:3

Tánon enkhé꞉ion ne teniiá꞉se ne ionkeriwanirá꞉tis kakweʼniá꞉tshera nianirí꞉waken né꞉ne énskat tewenhniaweheʼtsheráhsen tékeni tewenhniáwe iá꞉iak niwáhsen niwenhniserá꞉ke nenkariwésonke, ne enhonatseronhniáton ká꞉iare.”

1 Samuel 2:30

Ne kiʼ aoríhwa ne Roiá꞉ner ne Sakoní꞉io Israerʼró꞉nons rorihowanáton: ‘Í꞉i wakará꞉ratsʼte nétho sawá꞉tsire tánon ne raotiwá꞉tsires ne seshotʼtonkonkénhen ienhontawehiá꞉thaʼke ó꞉ni thenthatiʼiakénhseʼke nakʼkhénton ne tsi nénhwe enkénhake’; ók nón꞉wa ne Roiá꞉ner waharihówahnate: ‘Ahí꞉non ít꞉ken tsi nó꞉kwah ní꞉i; asèken tsi niʼiá꞉kon nenhiontʼkwéniensʼte kwáh kiʼ ní꞉i enkekwéniensʼte, tánon tsi niʼiá꞉kon nenhiontʼkénron kwáh kiʼ thóh nenhotiʼiátawenh nahotiʼnontá꞉nake.