Numbers 14:23 - Ohiatonhseratokénti

²³ Kwáh iáh nonhwénhton tshiahontáweiaʼte nètho nónhwe tsionhontsáien tsi nikhehiararatsténhni ne sakotiʼsotʼthonkonhkénʼen. Iáh ónhka nonhwénhton tsi niháti tshiahontáwehiate né ionhtkenhronhníhon.

Numbers 14:23 ပူးပေါင်းရင်းမြစ်များ

Nehemiah 9:23

Ne washehionhniá꞉te ne raotinekenteronhtsherashón꞉as Toh nahonatiókwasʼke tsi iotsistohkwarónhnions ne tsi karonhiá꞉te, tánon ní꞉se thóh niashehiaténhawe tsi tiohontsá꞉ien tsi niká꞉ien ne sheró꞉ri ne shakotinihó꞉kons tehiotonhontsó꞉hon thóh niahón꞉ne tánon ronhtié꞉nawast né꞉tho.

Psalms 106:26

Né kíʼ waʼkarihónhni waʼhanentʼtsakétsko tánon waʼsakorihwaʼníratʼtse tsi ne ensakahónhnien nahonhní꞉heʼie ne iahonwenhtsiatʼthénke nón꞉we.

Psalms 95:11

Wahkenakwénhenʼne ó꞉ni iorihwahníron wakarahrátsʼton: “Iáh nonwénton tiahatiráhtaʼne nonwentsáke tsi nónwe nikhehionhontsáwi nahonthoríhsen!”

Jeremiah 18:10

ók ethónʼne nètho ónkwe iáh tehionkewenhnaráhkwen tánon kariwáksen tsi nahontiéreh, iáh kíʼ eh thatiéreh tsi niwáhken.

Ezekiel 20:15

Sók kíʼ wakaráhratsʼte thóh ne kahentakekówa tsi iáh tiakhehiaténhawe ne tsi tiohontsáien tsi nikhehiáwi, né꞉ne iohontsarénhsen ó꞉ni ne iohontsí꞉io, né꞉ne kwáh tsiohontsí꞉io.

Numbers 26:64

Kwáh iáh ne saiáta tshiateshotaténronʼne tsi nikáien ne Mahís ó꞉ni ne Aaron sakotisenhnarónhnions ne Sinai Ahonwenhtsa꞉thénhke nónhwe.

Numbers 26:65

Ne Roiá꞉ner ráwenh tsi kwáh ratikwékon enhonhníheie ne karakonhkówa nónhwe, tánon nék khók ne Caleb ne roiénha ne Jephunneh tánon ne Joshua né꞉ne roʼní꞉ha ne Nun.

Numbers 32:11

‘Waʼkaráratste né aoríhwa tsi iáh tiehothikonhtákwen tehotirihwatóken nakonháke, kwáh iáh ónhka ne tewá꞉sen natahahoserihiákon khès ne sénha ahonthahóhionke né Egypt natethawénon tsi iáh tsiá꞉re ne tsi tsohontsáien né khehiararatsʼténhni ne Abraham, Isaac, tánon ne Jacob.’

Deuteronomy 1:8

Akwé꞉kon ne kí꞉ken nohóntsa ne Í꞉i, ne Watiá꞉ner, wakarahrátston tsi entekhéion ne sewasótsheras, Abraham, Isaac, tánon ne Jacob, tánon tsi nienhontwatsirì꞉ne. Wás tánon iaʼsewaná꞉taien.’”

Hebrews 4:3

Tsi nítion ne tionkwetákwen, káti, entewahiéna natorihséntshera tsi nihorahrátsʼton ne Rawenni꞉io. Kwáh thoʼní꞉ioht tsi niháwenh, “Wahkenakwenhenʼne ó꞉ni iorihwahníron wakarahrátston: ‘Iáh nonwénton tiahatiráhtaʼne nonwentsá꞉ke tsi nónwe nikhehionhontsá꞉wi nahonthoríhsen!’” Né kiʼwahénron iawehrohátien ne raʼoiohténsera ónen sikáshon ne shontakaháwi ne sharonhontiónni.