Numbers 13:29 - Ohiatonhseratokénti

²⁹ Ne Amalekró꞉nons entiéne né nokwáhti iotohetstákwen nónwe nihatinákere; ne Hitró꞉nons, Jebusites, tánon ne Amorʼró꞉nons tsi iononhtarónhnion né tsi kanakeraseráien né nónhwe nihatinákeres; tánon ne Canaanites ákta nènhne ne Mediterranean Kaniatarakhekówa nónhwe nihatinákere tánon aktóntie ne Jordan kaniataratátie.”

Numbers 13:29 ပူးပေါင်းရင်းမြစ်များ

Genesis 14:7

eʼthó꞉ne tonsahontkahrhaté꞉ni tánon iahón꞉newe Enmisphat (ne ne Kadesh nón꞉we), tánon wahshakotiʼshén꞉ni tsi nihotinakeráhsera ne Amalekró꞉nons tánon ó꞉ni ne Amorʼró꞉nons ne ne Hazazon-Tamar nón꞉we nihatinákerehkweʼ.

Nehemiah 9:8

Tánon wasetsénri ne rawé꞉ri ne sahénton tánon ní꞉se skátne wetsateriwasherón꞉ni nahontashátʼkawe ne rahononhóntsa ne Canaanró꞉nons, ne Hitró꞉nons, ne Amorʼró꞉nons, ne Perizró꞉nons, ne Jebusró꞉nons, tánon ne Girgashró꞉nons, thóh tsi wahawatsirathátie; tánon ní꞉se washerihwaié꞉rite ne sawenhnaó꞉kons asè꞉ken ní꞉se saiá꞉nere.

Psalms 83:7

Gebalró꞉nons tánon Ammonró꞉nons tánon ne Amalekró꞉nons, Philistiaró꞉nons tánon ne skát꞉ne ratinákere ne Tyreró꞉nons;

Exodus 3:17

Iaʼtewakeriwahiéntahse tsi tentekhehiaʼtínekenʼwe ne Egypt nónhwe, tsi nónhwe nihonwanateniakatsʼténhni, tánon thóh nónhwe nienkhehiaʼténhaʼwe tsi nónhwe ne tsohontsàrehsen ó꞉ni ionhontsí꞉io—tsi thononhontsáien ne Canaanites, ne Hitró꞉nons, ne Amorʼró꞉nons, ne Perizró꞉nons, ne Hivró꞉nons, tánon ne Jebusites.

Exodus 3:8

Tánon káti takátsʼnenhthe nahonsakʼkheniáʼkenthe tsi nòkwah ne Egyptró꞉nons tánon ne tahontaʼkhehiaʼtínekenʼwe ne Egypt nónhwe thóh nienkhehiaténhaʼwe tsi nónhwe tionhontsowáhnen, tsi nikáien ne ionhontsàreʼsen ó꞉ni ionhontsí꞉io tánon tsi nónhwe né Canaanites, ne Hitró꞉nons, ne Amorʼró꞉nons, ne Perizró꞉nons, ne Hivró꞉nons, tánon ne Jebusites ó꞉nen nihatináhkere.

Numbers 13:17

Nónen ne Mahís shiasakoténiete, wasakawénhase, “Wáhs kén꞉en iasewatáhshawen othoréke niahásewe ók entiène nó꞉kwah hionhsásewe iatsonhontsóren ne Canaan tánon ethòne ne tsi ionhnonhtarónhnions ne tsi kanakeraseráien.

Numbers 13:30

Ne Caleb washakóristhe nonhkweshón꞉ʼas tsi ronhwarihwakatáti ne Mahís, tánon wahénron, “Ónenh kíʼ iahiethiʼhiatiatónti tánon tewatiénawast nonhónhtsa; iatekaiéri tsi nitewashátste naietʼthisénhni.”

Numbers 14:25

né꞉ne Amalekró꞉nons tánon ne Canaanites rahonáwenk nahonráhkwahkons né thóh nónhwe nónhwa nihatinákere. Onàken shaʼsaténhtsiat ne thetènhre tánon karakhonkówa nionsáse tsi nieiawénon tsitʼkanétʼtsker ne Aqaba.”

Numbers 14:43

Nó꞉non ne Amalekró꞉nons tánon ne Canaanites iatenhietshinenhrónhko, kwáh ensewénheie tsi waterí꞉io; ne Roiá꞉ner iáh tahisewakwekónhake, tsioríhwa tsi iáh tesewathontáton natsisewásehron.”

Numbers 14:45

Ethòne ne Amalekró꞉nons tánon ne Cannanites né nónhwe nihatinákere iahonwanatsiatónhti tánon wahonwatisénhni, tánon sahonwatísehre kwáh tsi nióre ne Hormah.

Numbers 24:20

Ethòne rahotetshenhserákon ne Balaam waʼshakóken ne Amalekró꞉nons tánon wahatróriate kíʼ kén iekarihwáken: “Ne Amalek né tshiahonháʼa thatishátstekwe ne tsi ionhontsáte, Ók kíʼ tsi hieiótokʼte kwáh kíʼ enhatirihwahiatáton tsi nénhwe enkénhake.”

Deuteronomy 20:17

Kwáh tokén꞉en sehiá꞉tont ratikwé꞉kon nonhkweshón꞉a: né꞉ne Hitró꞉nons, ne Amorʼró꞉nons, ne Canaanites, ne Perizró꞉nons, ne Hivró꞉nons, tánon ne Jebusites, kwáh ki tsi nihianáhon ne Roiá꞉ner tsi nenhshié꞉re.

Deuteronomy 7:1

“Ne Roiá꞉ner saNí꞉io akwáh ieniahiaʼténhawe ne tsi tiohontsá꞉ien nakwáh ienshatiaʼtakweʼní꞉ioste, tánon kwáh iakotiohkowá꞉nen enshakohiaʼtínekenhwe ne nón꞉we. Tsi neinhénsewe, tsáta nihononhontsá꞉kes enshakohiaʼtínekenhwe ronatiohkowá꞉nen ó꞉ni sénha ratiʼshátstes tsi ní꞉se ní꞉ioht: né꞉ne Hitró꞉nons, ne Girgashró꞉nons, ne Amorʼró꞉nons, ne Canaanites, ne Perizró꞉nons, ne Hivró꞉nons, tánon ne Jebusites.

Joshua 10:5

Kí꞉ken NE Amorʼró꞉nons ne wísk nihotinonhtihiotsherá꞉kes, ne ronhnonhtí꞉io ne Jerusalem, Hebron, Jarmuth, Lachish, ó꞉ni ne Eglon, iathonnitsiokwáiesthe, watkonwawá꞉nake ne Gibeon, tánon iakonhwatiaʼtón꞉ti.

Joshua 10:6

Ne ronhnónkwe ne Gibeon iahonwaterihwaniéten ne Joshua tsi thóh tená꞉taien ne Gilgal: “To꞉sa takwahtewénhtet, Shé꞉shion! Ó꞉nenk táse tánon takwaié꞉nawas! Saskwaniákenk! Ratikwé꞉kon ne Amorʼró꞉nons ahonnonhtihió꞉tsheras ne tsi ionhnonhthaʼrón꞉nions kanakerahserakérons iathonhniʼtiokwáiesthe tánon tahionkihiatiaʼtón꞉ti!”

Joshua 3:10

Tsi iensewahténhti, kwáh oriwihiohón꞉we tsi enshakotekwáhthe ne Canaanites, ne Hitró꞉nons, ne Hivró꞉nons, ne Perizró꞉nons, ne Girgashró꞉nons, ne Amorʼró꞉nons, ó꞉ni ne Jebusites. Kwáh ki ensewaterienʼtará꞉ne ne ronhnhehón꞉we Ní꞉io tsi kén꞉en í꞉res tewahiataʼtónhtie

Joshua 5:1

Ratikwé꞉kon ne Amorʼró꞉nons ronhtinonhtí꞉ios né꞉ne entiè꞉ne nokwáhti iotiéton ne Jordan ó꞉ni ratikwé꞉kon ne Cannanites ronhtinonhtí꞉ios ne aktónhtie ne Mediterranean Kaniatarakeʼkó꞉wa wahatiriwarónhke né꞉tho Roiá꞉ner tsi rostatʼtháton ne Jordan kaniataratátie tsi nió꞉re nonhkweshón꞉ʼas Nisraerʼró꞉nonke iathatihiá꞉iake. Wahonateronhiénten ó꞉ni wahonnikonhrókten né꞉ne Israerʼró꞉nons rahotiríhwa.

Joshua 9:1

Ratikwé꞉kon ne ronhtinonhtí꞉ios ne tsi iaʼtewatsénthos nokwáti ronathohetsthákwen ne Jordan wahatiriwà꞉ronhke tsi ní꞉ioht nonkweshón꞉as ne Israerʼró꞉nonke shakotisénhnion ne tehontaʼtsons. Ne ronhtinonhtí꞉ios ne tsi ionontahrón꞉nions ó꞉ni nononhtaʼthónties ne satekanakeraserí꞉hen ne Palestine nón꞉we wahatirihwà꞉ronhke nónhne. Tánon ó꞉ni ne ronhtinonhtí꞉ios ne iowenokwáseron ne tsi watonhwenhtsá꞉ien ne Mediterranean Kaniatarakeʼkó꞉wa wahatiriwà꞉ronhke nónhne. Iekaníhare ne Thontinonhtí꞉ios tsi nió꞉re ne othorè꞉ke nòkwah ronatohetsthákwen ne Lebanon wahatiriwà꞉ronhke tsi nihonatkweniónhkwen ne Israerʼró꞉nons. Kí꞉ken ronhtinonhtí꞉ios ne wahatiriwà꞉ronhke tsi nihonatkweniónkwens ne Israerʼró꞉nons né꞉ne sakotinonhtí꞉ios ne Hitró꞉nons, ne Amorʼró꞉nons, ne Canaanites, ne Perizró꞉nons, ne Hivró꞉nons, ó꞉ni ne Jebusites.

Judges 3:5

Tánon kíʼ nonhkweshón꞉as Nisraerró꞉nonke thóh wahontenáthaien tsi ratinákere ne Canaanró꞉nons, ne Hitró꞉nons, ne Amorʼró꞉nons, ne Perizró꞉nons, ne Hivró꞉nons, tánon ne Jebusró꞉nons.

Judges 6:3

Né nó꞉nen Nisraerʼró꞉nons enhatiʼientʼthósehron ne rahotiʼientʼthótsheras, ne Midianró꞉nons entʼthónhne skát꞉ke ne Amalekró꞉nons tánon ne iahonwentsiathénken ratitsiókwahien tánon ienhonwanatsatónhti.

1 Samuel 14:48

Tsi nenháiere kwáh thoʼnikonrahkontákwen, tánon washaʼkononwarhiaʼkhónhnion ne Amalekró꞉nons, tánon shaʼsakoniákente NʼIsraerʼró꞉nons tsi tonshaʼsakoshiotarísi tsi nihá꞉ti ne ronwatiʼnénskwasʼkwe.

1 Samuel 27:8

Nón꞉wa ne Táwit tánon ne raonkwetashón꞉ʼahs iahónhne tánon ne wahonhnón꞉niate nahonwatiʼnenhrénhten ne Geshurites, ó꞉ne ne Girzites, tánon ne Amalekró꞉nons, asèken ronónha khók kí꞉ken ne thók tihonanataién꞉takwe tsi nieiáwe nónhne Shur tánon kwáh tsi nió꞉re ne tsi tiohontsá꞉ien ne Egypt, ne ne Telam nitonénon.

1 Samuel 30:1

Nó꞉nen ne Táwit tánon ne raonkwetashón꞉ʼahs iahón꞉newe ne Ziklag nasénhaton siweniserátekwe, ne Amalekró꞉nons kowánenh tsi sakotinenrénton ne Negeb ó꞉ni ne Ziklag nón꞉we. Iekonwatsatónhtion ne Ziklag, Ronatenatatékʼton,

1 Samuel 7:14

Ne kanatowá꞉nenhs nètho Philistines ronwaʼtíkwen ne Israerʼró꞉nons Roiá꞉ner thontaʼsakáwen NʼIsraerʼró꞉nons, thóh tontá꞉sawen Ekron iaʼhón꞉we ne Gath; tánon ne Israerʼró꞉nons sahatiʼiéna ne raotiʼnakerá꞉sera thonsahonwatiʼshiotarísi ne Philistines. Kwáh kiʼ skénnon shón꞉ton tsi natehón꞉tere ne Israerʼró꞉nons tánon ne Amorʼró꞉nons.