Numbers 13:28 - Ohiatonhseratokénti

²⁸ Ók kíʼ nonhkweshón꞉ʼas né nónhwe nihienákere kwáh íken tsi ratishátste, tánon ne rahotinatashón꞉ʼas kwáh íken tsi kanatowánens tánon kwáh íken tsi iorihwaníron tsi tewakwahtaséhton tsi watenhénra꞉ien nosténhra. Tánon sénha iesehwahétʼken, wahakhíken tsi nithonatwatsiríhnon ne ratiʼkowánenhs né nónhwe.

Numbers 13:28 ပူးပေါင်းရင်းမြစ်များ

2 Samuel 21:16

Ishbi-benob, rahónha ne saiá꞉ta ne tahaʼwatsiratátie ne ratikowanénskwe, ne raoshí꞉kwara tsá꞉ta tsatesewasénhnon nikaʼkontseráke niʼiókste ne ne otsínekwar nikaristó꞉ten, tánon raónha ronwasheronhniáton náse ioteriʼiosthákwas, wahén꞉ron kwáh raónha enhonhnonwarhiákhon ne Táwit.

Numbers 13:33

tánon iekaníhare wahaʼkhíken ne ratikowánens né nónhwe, né꞉ne Anak nónhwe nithonatwaʼtsiríhnon. Thóh nahontsiónhnawenh tsi ní꞉ioht ne tsistárare, tánon thóh tó꞉ka ní꞉ioht tsi wahonkhikenhʼénhion ne roʼnónha.”

Deuteronomy 1:28

Nonhtiéren tsi étho iahiákwe? Hionhkwaterónhni. Ne ronhnónkwe ne ieiethiʼiatoriónhne wahonkhiró꞉ri nétho nonhkweʼshón꞉a tsi sénha ratishátstes ó꞉ni ratinenhiésons tsi ní꞉ioht nonhkwahtsiákes, tánon tsi kanatowánens nónhwe nihatiʼterónhtons ne tekanatanáktons tsi tekensténrotes iéwas ne tsi tsotsikerarónhnions. Kwahiken tsi ratikowá꞉nenskwe thóh nónhwe iahonwathíken!’

Deuteronomy 2:21

Thóh nihatiʼnenhié꞉sonhskwe tsi ní꞉ioht ne Anakim. Ronatioʼkowanénhne, tánon ratiʼshátstekwe. Ók ki Roiá꞉ner shakotòn꞉ton, ne káti nahónton ne Ammonró꞉nons ahatiʼié꞉na ne raononhóntsas tánon thóh nónhwe nahontená꞉taien.

Deuteronomy 3:5

Akwé꞉kon kí꞉kens kanatowá꞉nens ne tekanatanáktons ne tiotonshontaté꞉nions, iotenhenrentónnion, tánon tekenrenʼwánions nakanienʼtá꞉roke tsi iotenhenrenʼtón꞉nions, tánon wé꞉so ne tsi kanataiéntons iáh othé꞉nen tewatenhenró꞉tons.

Joshua 11:22

Iáh ne saiáta tsiatesothaténron ne Anakim ne tsi ionhontsá꞉ien ne Israerʼró꞉nonhke; tó꞉khara khók niháti, ethosà꞉ne, thóh nón꞉we iatonathátere né꞉ne Gaza, Gath, ó꞉ni ne Ashdod.

Joshua 14:12

Ó꞉nenh káti, ne táskon ne tsi iononhtharónhnion kanakerahserá꞉ien né꞉tho Roiá꞉ner rakarahratstén꞉ni ne tewenhniserá꞉teʼkwe nakonhkweʼtashón꞉as tánon ní꞉i saiakwatró꞉ri. Waʼkwahró꞉ri né꞉tho ronhnónkwes ronhwatinaʼthónkwa Anakim thóh ratiʼterónhthakwe ne kowá꞉nens watenhénrotes tekawanáktons ne tsi kanatowá꞉nens. Tó꞉ka nón꞉wa ne Roiá꞉ner enhiakeʼnikwekónhake nakhehiaʼtí꞉nekenhwe, kwáh ki tsi niháwen ne Roiá꞉ner.”

Joshua 15:14

Ne Caleb washakorekwáhthe tsi rathiwatsiratátie ne Anak ne tsi kanatowanénhke—tsi ratiʼtharaién꞉tons ne Sheshai, Ahiman, tánon ne Talmai.

Judges 1:20

Tsi kíʼ nihorihwíson ne Mahís, Ne Hebron Caleb nènhne ronhwáh꞉wi, tsi rahón꞉ʼa shakoʼhiatinekénʼen ne kanatowanénhke ne áhsen nihothitárake ne Anak.