Numbers 13:21 - Ohiatonhseratokénti

²¹ Káti ne ronhnónhkwe othorèke niahónhne tánon iahonthonhontsiátʼkense ne karahkonhkówa nokwáhti ne Zin né꞉ne entiéne kwáh tsi níó꞉re ne Rehob, ákta ne Hamath Iotohetstáhkwen nothó꞉reke nokwáhti.

Numbers 13:21 ပူးပေါင်းရင်းမြစ်များ

2 Samuel 8:9

Nó꞉nenh ne Ronnontí꞉io ne Toi ne ne Hamathró꞉non waharihwáhronhke nètho Táwit tsi sakosénhnion ieshakosaháton ne Hadadezer raotsió꞉kwa ronterí꞉io,

Jeremiah 49:23

Kén nahó꞉ten ne Roiá꞉ner ráwenh tsi nòkwah ne Damascus: “Nonhkweshón꞉a ne tsi kanatowáhnenh ne Hamath nónhwe nihienáhkere ó꞉ni ne Arpad tehonataʼtenikónhrahreh tsioríhwa tsi iáh tekarihwí꞉io wahathiriwáhronhke. Ne kahterónhtshera iothohrhiáneron tsi nónhwe nihónnes tsi ní꞉ioht ne kaniatarahkekówah, iáh tehonhorisénhtas.

Jeremiah 52:9

Ethóhʼne Ronhnonhtí꞉ioʼke niaʼhonwahiaténhaʼwe ne꞉ne tsít kanatowahnénhke ne Riblah thóh nónhwe iéresʼkwe ne Nebuchadnezzar ne꞉ne tsi wathonwénhtsiaien ne Hamath, tánon thóh nónhwe ne Nebuchadnezzar tahoriwénhte.

Ezekiel 47:16

ne tsit kanatowánens ne Berothah ó꞉ni ne Sibraim (thóh nónhwe nikanátaiens tsi natetsátere nahotonhwenhtsáke ne kanakerahseráien ne Damascus tánon ne tsi kanakeraseráien ne Hamath), tánon ne tsit kanátaien ne Ticon (ehʼnónhwe tsi karisthatátie nahothonwenhtsáke ne Hauran).

Amos 6:2

Iatetsá꞉hiat ne Calneh, tánon satkáto; thóh hionhsahsathénti kanatowanénhke ne Hamath nionhsáse; ethò꞉ne thóh hionhsahsathénti Gath nionhsáhse né꞉ne Philistiaró꞉nons ratotinatowanénhke. Sénha ken ne ioiáneres tsi ní꞉ioht kí꞉ken kanakeráhseras? Khés í꞉se ken sénha sanakerahserowá꞉nen tsi ní꞉ioht ne rahotinakeráhsera,

Numbers 20:1

Né tiotenhnithatierénhton kwáh kanakeraserakwékon nʼIsraerʼronónke karakonhkówa nonhtáien né꞉ne Zin nónhwe tánon wahonthatohsehronhtónhnion ne Kadesh nónhwe. Thóh nónhwe ne Miriam wakénheie tánon wakonhwahiatáta.

Numbers 27:14

ne aoríhwa tsi tesehnitsáron wetsatewenhnónhti nakerihwatáʼtsheras ne karakonhkówa ne Zin nónhwe. Nónen ne kanakeraserakwékon sahonkerihwakátaʼtshe ne Meribah nónhwe, iáh tesatʼthontáton nahisehnirihwanirátonke nakeshaststenseratokénti ne rahotihénton.” (Ne Meribah né꞉ne ionawerotehónhwe ne karakonhkówa ne Zin nónhwe.)

Numbers 34:8

tánon thóh thentewatásawen tsi nióre ne Hamath Pass. Kwáh ienkakónhthakwe Zedad niénhenwe

Deuteronomy 1:24

Tsi tiononhtaʼrónhnions niahón꞉ne tsi nió꞉re ne tsiostéhon kaniataratátie ne Eshcol Ahonráhkwakon tsi wathontawénhrie.

Deuteronomy 32:51

ne tiorì꞉wa tsi tesehnitsáron iáh tetsateriwatokénston nakonhà꞉ke ne rahotihénton nonhkweshón꞉as ne Israerʼró꞉nonhke. Ne nó꞉nen ne tsi tsoné꞉kote ne Meribah nón꞉we shesenéskwe, ákta tsi kaná꞉taien ne Kadesh né꞉ne karakonhkó꞉wa ne Zin, iáh thesekweniénston rahotihénton nonhkweshón꞉a.

Joshua 13:5

ne rahononhontsà꞉ke ne Gebalró꞉nons; ohontsakwé꞉kon ne Lebanon né꞉ne tsitkarahkwí꞉nekens nokwá꞉ti, tánon ne Baalgad nitiawé꞉non, né꞉ne entiè꞉ne nokwá꞉ti ne tsi Ionónhte ne Hermon, tsi nió꞉re ne Hamath Iehiotohétston.

Joshua 15:1

Ne kahwá꞉tsires ne rahotitióhkwakons ne Judah wahatiié꞉na ostónha nonhóntsas ken kahiatónhnion tsi nonhwésons: Nohóntsa ié꞉was nentiè꞉ne nón꞉we nentieʼnésons nokwahtí꞉son ne tsi ieiotʼthe ne kará꞉kons ne Zin, né꞉ne tsi tkaristatátie ne Edom.