Numbers 12:8 - Ohiatonhseratokénti

⁸ Káti ne tenhiakenithá꞉ren kwáh kíʼ tehiatsiaʼtatkonhsakánere, tshiehióken tánon iáh tekarihwaséhton; kwáh ó꞉ni rotʼkháton tsi nitieronhtó꞉ten! Tsi nishaʼnikonhraʼtsháni tsi nitsiatkónte nakenáhtsera Mahís!”

Numbers 12:8 ပူးပေါင်းရင်းမြစ်များ

Genesis 32:30

Katí ne Jacob neh watená꞉taien Peniel wahaná꞉tonhkwe, ratónnions, “Aseʼkénh Wahí꞉ken ne Rawenni꞉io ó꞉ni kwáh waʼtiatiatatkonhsatká꞉neren, ók kíʼ shé꞉kon neʼ tsi kónhnhe kanonhstá꞉ton.”

Psalms 17:15

Ók ní꞉i, sewaká꞉teriwakwahtakwèn꞉ni kwáh enkòn꞉konhsá꞉ken; nó꞉nen enhstie, kwáh enwakerientí꞉io ne tsi kén꞉ʼen í꞉ses.

Psalms 49:4

Thóh nó꞉kwa ienkatahónsathate tsi nokwáne karihonhnienhnítsheras; tánon enkenikonhraiénthate tsi nikéntons tsi niwaʼkaterenhnó꞉te ne karensotarókʼkons onowaʼkówa.

Exodus 19:19

Tsi nikawénhnothe ne iehonrahwátstha sénha takanerahkwahʼtàne tsi nihiorahkaréni. Mahís wahatáti, tánon ne Rawenni꞉io waʼkàwere tsi ní꞉ioht tsi watoʼriwaseráhkwahse.

Exodus 20:4

“Tó꞉sa othènnen sewatatiaʼtonhniserón꞉nien ne thènnen tahonsaʼkaieronhtaràhke ne karonhiáke tó꞉ka ó꞉ni nonhwenhtsàke tó꞉ka ó꞉ni tsi nikaneʼkónhnions noʼhontsionʼkónhson.

Exodus 33:11

Ne Roiá꞉ner tehiatatkonhsakánere tsi tenhnitháre ne Mahís, kwáh kíʼ tsi ní꞉ioht nónhkak ronaténro tehothíthare. Ethòne ne Mahís tsi ronatenátaien niénsre. Ók ne kèn nithoʼhiónha ne rohienawáse, né꞉ne Joshua né roiénha né꞉ne Nun, eknènhne thénteron.

Exodus 33:19

Ne Roiá꞉ner watariwaseráko, “Kwáh enkónhni akwékon naʼtsiatanerakwáhtsera sahénton enwatohétsthe tánon tsi nónhwe níses kwáh enkerihó꞉wanathe naksenhnató꞉kenti. Í꞉i ne Watiá꞉ner, tánon kenéstha ne kentènrat ó꞉ni ne kenténhron tsi niháti enkhehiataráro.

Exodus 33:23

Ethòne tentkónhneke ne katshaná꞉ke, tánon kshónhʼne ensatkátho ók iáh kíʼ ne khonshá꞉ke.”

Exodus 34:30

Ne Aaron tánon nonhkweʼtakwékon Mahís wahonwakenhénhion tánon wahontkátho ne rahkonhsáke tsi nateiostharáʼthe, tánon rahtitʼtsániskwe ne rahiaʼtákʼta niahónʼne.

Proverbs 1:6

Ne ká꞉ti nahotiʼnikonhraién꞉taʼne tsi nahò꞉ten wahsehtánion kén꞉ton ne karihonnienníhtshera nahonnéhsake tsi nahò꞉ten enhatirihwà꞉ren ne wentó꞉reʼs ne rotiʼnikonhrowá꞉nenʼs.

Isaiah 40:18

Ónhka ká꞉ti tahontatsiaʼteniénhtenste ne Rawenni꞉io, khés onhnahiotón꞉hake tsi tashé꞉ron ne rahónha?

Isaiah 46:5

Ónhka ní꞉se tahontaskateniéntenste tánon sathaʼhontahiontsiát꞉teke, tánon taskéron, tsi shí꞉ken ní꞉ioht ne tahonsahiaʼtsatiérenhke?

Ezekiel 17:2

“Rónhkwe iaiénha,” wahénron, “Sehróri ne Israerʼró꞉nons ne tekariwahkentónhkwen

Ezekiel 20:49

Ethòne wakíron, “Ah Saiá꞉ner Ní꞉io hiontthaʼráhkwen, Iáh kén rahónʼa terónhnis ne tekariwahkenthónkwen?”

Hosea 12:13

Ne Roiá꞉ner rotokénhse iahotó꞉ri né꞉ne tahontasakohiaʼthénhawe nʼIsraerʼró꞉nons ne Egypt iehón꞉nes, tánon tashakorihwasniése.

Numbers 14:14

enshaʼkotiroriánion nonhkweshón꞉ʼas ne ienákere ne kénʼen ionhóntsaien. Kí꞉ken onhkweshón꞉ʼas ónenk roʼtirihwarónhken ní꞉se, Saiá꞉ner, tsi tewakwékon, kwáh tshiewéne tsi waheshá꞉ken nó꞉nen né shaʼtsíkera èhneken watʼkátane tsi nónhwe nihiákweskwe, tánon tsi í꞉se ohénton nienhénse tsi iotsikero꞉te notsíkera ne tsi niwenhnísehres ó꞉ni tsi niʼiotsiro꞉te nótsire nokarasnéha nikaháwi.

Numbers 7:89

Nónen ne Mahís atohsehrákon niaháre ne Roiá꞉ner thaʼnitháren, wahothóntene ne Roiá꞉ner rotharáni thóh èhneken ne tsi iotenonhtékon Naterihwaʼseronhniátshera oneró꞉kwah, né tsi natehiátere ne teníhiase ne teninerahónhtsonhton tenironʼhiakeronnonhkówa.

Matthew 13:35

Ne naontahoȣennaierite ne Rotokense, tsi raȣen: tenkastskȣeksi nok tenkeriȣakentonȣe: enkerihotasionko neneh sontontonȣentsionni siioteriȣaseton.

Luke 10:16

Onka ehtsihseȣataonsatasts, rakataonsatasts; Nok ne ehtsiseȣaȣennonties, rakeȣennonties; nok ne rakeȣennonties roȣennonties ki ne takatennieton.

John 1:18

Iah nonȣenton onka tehonȣaken ne Niio; neh nakȣa Ronineha tsioiakenhon neh oni nenskat ok Roienha sonkȣarori neh nikarihoten.

John 15:15

Iah kannhatsera teskȣanatonkȣa, aseken ne rannhatsera iah tehoterientare tsini hatierha ne raiatakȣeniio: onkȣatenro tanon kȣanatonkȣen, aseken akȣekon niiekȣanatonni tsinikon Rakenineha teȣakaronken.

John 15:24

Ne ne iah eh taontieranionke rahotihenton tsinahoten ne iah onka nakoren eh teioieren, iah tahotiriȣaneraakseraientake; onen sane nonȣa ronatkathon nok sane sekon niionkhisȣens, ii nok oni ne Rakeniha.

1 Corinthians 13:12

Tsi nahóten nónwa tewatʼkáthos kwáh né teskaieróntare iáh tiaʼtethewakaraiéntas natatʼkentseráke: ehʼthóhʼne káti tenʼtewahtatʼkonsakánerake. Tsi nahóten nónwa wakateriéntare né꞉ne kwáh thiʼiokwenráhron; tsi iehiotók꞉the kwáh kíʼ oriwahkwékon enwahkateriéntarahne kwáh nónhwa tsi ní꞉ioht tsi rahtsientéri ne Rawenni꞉io.

2 Corinthians 3:18

Káti ne tewakonhsaʼkéhshon iáh teiotehrhó꞉ron. Iaweʼnéston tsi naʼteioswáthe ne Roiá꞉ner raoiaʼtateríhtshera, tsi ní꞉ioht tsi shontión꞉nis ne Roiá꞉ner Roʼnikonhratokénhti ne sénha taonsakaierón꞉tarake ne Shonkwaiá꞉ner raoiaʼtanehrakwáhtshera.

Deuteronomy 18:15

Khékok, enthoténiehte ne rotokénhse tsi ní꞉i ní꞉ioht ne kwáh ne sehsewahià꞉ta, tánon ki kwáh entsisewawénhnaraʼkwe.

Deuteronomy 34:10

Kwáh iáh nonhwénton ne ónhka akénhake ne rotokénhse thóh nahahiatoténhake tsi ní꞉ioht ne Mahís; ne Roiá꞉ner tenhitháren kwáh tehiatatkonhsakánere.

Deuteronomy 4:15

“Nó꞉nen ne Roiá꞉ner shaʼtsisewathárahse ne tsi ioʼtónkote ne tsi ionónhte ne Sinai, iáh tetsisewá꞉ken ne raónha. Asè꞉ken ní꞉se sewariʼwà꞉ke, káti, orihwihioʼtsón꞉ni

Deuteronomy 5:8

“‘Tó꞉sa sewatatiaʼtonhniserón꞉nien ne thé꞉nen akénhake ne karonhià꞉ke tó꞉ka ni ó꞉ni nonwenhtsà꞉ke tó꞉ka ni ó꞉ni ne awénhke ne nà꞉kon ne tsi ionwenhtsá꞉te.

Colossians 1:15

Kerístos ne kwáh rohiatáken teskaierontáre ne iáh tehohiatáken Ní꞉io. Raónha ne tohenton rawenhnakeraton tsi nahoʼténsons kasahánion.

1 Thessalonians 4:8

Kwáh káti, nónka neniekénron kí꞉ken karihonniennítsheras iáh seh ónhkwe tahonwahkénron, nok Rawenni꞉io, tsi rahónha thiʼáwis ne Raonikonratokénti.

1 Timothy 6:16

Kwáh rahonhatsíwa khók ne ronnhehónwe; kaskwatʼthetserákon nónwe nihénteron ne꞉ne iáh ónhka taiekwéni ne aktahaiénthe; Kwáh iáh nonwénton ónhka tehonwáken; tánon iáh ó꞉ni nonwénton tahónton nónka ahonwáken. Rahónha tahonwarénsaron ó꞉ni tsi ionnheʼónwe ne kashatsʼténsera! Éhʼtho naiáwenʼne.

Hebrews 1:1

Tsi nitsawénon Rawenni꞉io wéso iorihwáhke sakotaráni ne ietʼtisotthonkonhkén꞉en tánon ó꞉ni wéso tsi nitsawéhnon ne rotitokenshéhakwe ó꞉ni shakotahráhni,

Hebrews 1:3

Renésta tsi naʼteioswátʼte ne Rawenni꞉io raohiatanerakwátshera tánon kwáh teshiatiéren ne Rawenni꞉io tsi niʼrónnhe, ne tsi nihioshatstenserowánen ne raowennashón꞉ʼa ne iotsenawastánion tsi orihwakwé꞉kon. Sahariwaié꞉rite ne kaʼnikonrénhtsera tsi nihiakoriwáneren nokwetaʼkwékon, karonhiá꞉ke ionsahátien shaweientetákwen nokwáti ne Ní꞉io, ne Rohshatsʼtenserowáhnen.

2 Tiér 2:10

Kwáhʼsénha tsi niháti né꞉ne ratísere tsi natehiótion ne rahotiʼierónta ahoskanéktsheras tánon ronataróntion ne Rawenni꞉io rahohianerénsera. Kí꞉ken rohtinówens sakotirihonniénnis kwáh rohtikonsanírons ó꞉ni rontatónni, tánon kwáh iáh othènen karíwa tehonnónni ne rohtihiatanerákwas ne éneken tonnónnhes; kékenk, ronwatinikonrakarewátha.

Jude 1:8

Ne nónhne ne kwáh eʼtho ní꞉ioht, ki nónkwe rontehnikonrónnis ne ronnónhak khók rontathonniénnis nahatiriwanérake ne rathiʼiatakesons; Rohnataróntion tsi nokwáh ne Rawenni꞉io raoianerénsera oni sakotinikonratsátha ne rotiʼiatanerákwas ne Karonhiáke.