Numbers 12:6 - Ohiatonhseratokénti

⁶ tánon ne Roiá꞉ner wahénron, “Ónen tsathahónshaʼtat tsi nahó꞉ten enkíron! Nónen ne rotitokénhse skát꞉ke ísehwes, tsi khehiatotashiénhnis ateʼtshenhserákon tánon rahonatetshenhserákons tsi khetaránis.

Numbers 12:6 ပူးပေါင်းရင်းမြစ်များ

Genesis 15:1

Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

Genesis 20:7

Ó꞉nen ká꞉ti, ionsasató꞉ri né rón꞉kwe ró꞉ne; asèken rotokénhse nahaiaʼtó꞉ten, tánon ká꞉ti enhiaterennaién꞉hahse tánon kíʼ enhsónhnheke. Ók kíʼ tóka iáh tshiaonsahsató꞉ri, kwáh kíʼ saterién꞉tarak kwáh orihwiioʼón꞉we tsi enhsíheie, ní꞉se tánon kwáh swatsirakwé꞉kon tsi ensewénheie.”

Genesis 28:12

Tánon onekó꞉tah. Wahotétshen onhwentsà꞉ke kanekó꞉tote, ne kanekotakèn꞉iate tshieió꞉ken karonhiá꞉ke; tánon ne raoronhiaʼkerononhó꞉konʼs né Rawenni꞉io thóh tahonatsnenhtonhátie tánon sahotirathenhátie?

Genesis 28:16

Eʼthó꞉ne ne Jacob sahá꞉ie tánon wahén꞉ron, “Orihwiioʼón꞉we ne Roiá꞉ner tsi kwáh kén꞉ʼen nón꞉we ní꞉reʼs; tánon iáh thé꞉nen tewakaterièn꞉tarahkwe!”

Genesis 37:5

Iahónteratste ne Só꞉se wahotétshen, tánon nó꞉nen shashakohró꞉ri ne rontateʼkoʼokón꞉ʼa, ó꞉nen sénha wahonwáhswen.

Genesis 37:9

Shé꞉kon ó꞉ia sahotétshén꞉én, tánon sahshakohró꞉ri ne rontatekoʼokón꞉ʼa, ratónnions, “Sewatkáhtho, shé꞉kon ó꞉ia sonkatétshen: ne karáhkwa, nahsonthenhnékha karáhkwa, tánon énskat iawén꞉re nikatsistóhkwake kwáh teionatshá꞉kton nakhén꞉ton.”

Genesis 46:2

Ne Israel tsi ní꞉ioht ne waʼthotierónnionʼse ne tsi niwahsón꞉tes ne Rawenni꞉io tsi wahohtháhrhahse, tánon wahén꞉ron, “Jacob, Jacob.” Tánon tsi waʼtharihwaʼserá꞉ko, “Kén꞉ʼen í꞉keʼs.”

2 Samuel 7:4

Ók kwáh ne shosónhta ne raowénhnah ne Roiá꞉ner wahoiatórenhne ne Nathan:

1 Kings 3:15

Ne Solomon sahá꞉ie tánon wahát꞉thoke ne Rawenni꞉io tsi atetʼtsenhsehrákon tsi wahotháraʼse. Ethòne kíʼ Jerusalem niaháre tánon ohénton waʼthátaʼne ne tsi kanerókwahien ne Roiá꞉ner rahoterihwasehronhniátsera í꞉wa tánon né wahaterihwathénhtsaʼte katʼtshénen wahoteskónhten tánon ne skaríhwa íken wahótatsʼtse ne Roiá꞉ner. Ethòne ónen ratikwékon ne rahonkwetashón꞉ʼas ne ratirihwakweʼní꞉ios washaʼkhokwahéraʼse.

1 Kings 3:5

Né sihiokarasné꞉ha ne Roiá꞉ner atetʼtsenhserákon tsi wahothotháshiaʼse tánon wahorihwanónhtonhse, “Ónh nahó꞉ten tesathonhontsóni ní꞉i akónhion?”

Job Tánon ne Raoronhiakensera 33:15

Atetsenhserá꞉kon, aiakoteriotáshien noʼkarasnéha, nó꞉nen kwáh teioserenhtanótes tsi iakó꞉tas nón꞉kwe, tsi nikarì꞉wes ratiiatiónhni ne raotináktake;

Job Tánon ne Raoronhiakensera 4:13

Énska tsi niwashòn꞉tes onhkesenhrentát꞉senhne, nó꞉nen kwáh shiahonhkí꞉taʼwe tsi ní꞉ioht nahiakonikonhratónhon,

Psalms 105:15

waʼton, “Tó꞉sa iasehiéna ne kehiatará꞉kwen; tó꞉sa sehkaréwat nakonkwetaʼshón꞉has ne rotitó꞉kenʼse.”

Psalms 89:19

Waʼsathotási tánon wahsehthá꞉rahse ne rotirihwaʼtó꞉kenʼne sanhátsheras ne waʼhónhnise tkènʼne, tánon waʼshí꞉ron: “Wahiʼiénawaseh ne rasenhnowá꞉nen raterí꞉ios; waʼhiʼianitskwahrá꞉tsheron tsi nikáien nónkwe ronwaʼiatará꞉kwen.

Exodus 7:1

Ne Roiá꞉ner wahénron, “Thóh nenh konhiaʼtótensʼthe tsi shíʼken ní꞉ioht ne Rawenni꞉io á꞉kenhake rahonhàke ne Ronhnonhtí꞉io, tánon ne iatsíha Aaron rahónʼa tennhitháren tsi ní꞉ioht ne sonhkwéta rotó꞉kenʼse aʼkénhake.

Jeremiah 23:25

Wakateriéntahre thíken rotitokénhse tsi nahoténsons rónenh tsi ronahthatíhon noʼnhówenh naksénnakon ó꞉ni rónton rahonatetʼtienseráhkonhs tekhehiáwi naʼkaterihwahnhotátsheras.

Jeremiah 23:28

Ne rotó꞉kenhse ne rohteʼtshénʼen aówenhk nahénron nék khók thíken naʼtetshénsehra, ók ne rotó꞉kenhse ne rotthontéhon naʼkateriwahnhotátshera ahówenhk ne kwáh ahontaʼhawehthakwénhaʼke tsi ahakró꞉ri nètho ateriwahnhotátshera. Nahó꞉ten kástha ne kawáhe taiéron ne onátsia íken?

Ezekiel 1:1

Ne ásen-niwáhsen shiʼioserahkéhaton, ne kaieríhaton siwenhnitakéhaton, ne꞉ne wísk-khaton siwenhniserahkéhaton, skátʼke iákweskwe ne tionkhihianahkerahkwáhton ne꞉ne tsi kaniatarahtátse ne Chebar, ne tsi karonhiáte onhtenhothónko, kwáh ne ne ahonkatetʼtsénseke Rawenni꞉io waí꞉ken.

Daniel 10:8

Akonhà꞉ak khók iaʼtesewakatatén꞉ron, wakerihwanehrakó꞉on tsi tekká꞉nere. Kwáh iáh thé꞉nen teséksta, tánon watkatskennennatón꞉ten iáh tó꞉ka ónhka thaonsaiontién꞉tereʼne.

Daniel 2:19

Eʼthó꞉ne né shonhsónta ne ioteriʼwahséhton wahonwarihótahsien né Daniel tsi nahò꞉ten wahotétshen, tánon ó꞉ni wahohsénnaien ne karonhià꞉ke thén꞉teron Rawenni꞉io:

Daniel 7:1

Shontontohseratiérenhte ne eʼtho Belshazzar shahonontíioʼne ne Babylonia, onkatétshen ó꞉ni tsi nahò꞉ten onkatahsatárhase ne tsi niwahsón꞉tes. Waʼkhiá꞉ton ne atetshénhsera, tánon né kí꞉ken ne kahiatónhkwen

Daniel 8:2

Eʼthóʼne tsi wakatkáhto thontaiawénstsi tsi tekanátannhen né Susa né tsi watonhwentsá꞉ien ne Elam í꞉kes, kaniatarákta ne Ulai eh ík꞉tahkwe.

Hosea 12:11

Ne Gilead thóh nón꞉we tká꞉ien ne karihwanéren, kwáh kí orihwiiohón꞉we tsi iáh othé꞉nen takariwasthátonke. Ne Gilgal nón꞉we ronwanateskóntha ne tionhnónskwarons ratí꞉tsi, káti ne tsi ratitienharáhkwas thóh nenhiá꞉wenhne tsi ní꞉ioht nonénhia iotonhió꞉tons ne tsi kentarakarát꞉tons ne kahentá꞉kes.

Joel 3:1

Asè꞉ken eʼthò꞉ne ne thóh enwenhniseraténionkes tánon ne thóh nenhkahá꞉wike, kwáh téntke enshekhehiaʼtatewenhniióseron ne Judah tánon ne Jerusalem,

Zechariah 1:8

Wakhéken ónhkak iakoshaténtie onekwénhtara nihashokó꞉ten ne koshá꞉tens. É꞉tho nón꞉we nahthatáhne tsi karontaienthóhseron ne myrtle norónhwakon, tánon ne rahshón꞉ne thikanaskwaténions kón꞉nes—onekwénhtara, iothirahkwahrón꞉nions, tánon konthiráhken.

Numbers 24:4

Né rakwénies nahothóntene tsi nahoténsons ne Rawenni꞉io ratónhnions. Né tshiatewatkharotáhons atetʼtshenhserákon tsi wakatkátho Honhkatashatáhrase ne Roshatstenserowánen Rawenni꞉io.

Matthew 1:20

Nok tanon sekonok nehe nihanontonnionskȣe, Raronhiakeronon ȣahotehtsaten, nok ȣahaȣenhase: Sose, David iaienha, tosa tesanonhianik ne taesoniiasehake ne teseniteron: Kahtiken onkȣe eh niiakoieren, Rotkonse Roiatatokenti roiatonni ne kaiatakon raiatat.

Matthew 2:19

Sarenheie nʼerod, oksaok ne Raronhiakeronon ionsahorori ne Sose Egyptke iehenteron.

Matthew 23:31

Oriȣiio kati tsi seȣaterientare tsi ise seȣasotsera ne Sakonaȣenthon ne Rotitokense.

Matthew 23:34

Aseken naontakȣatennietase, Rotitokense, thononkȣetaieri oni ratiiatons, aietsiiaȣentho se are, aietsiiasakestsko, aietsisokȣaȣesonnion tsi seȣaterennaientakȣa, nok aietsisereson aietsinaskȣenhaȣison tsi seȣanataienton.

Matthew 23:37

Jerusalem, Jerusalem, ise ne Sherios ne Rotitokense nok ietsinenhioiaks ne tekheiatories! Toh niioriȣake ȣakatenienten aonsakheiataroroke ne Sheienhokonha tsiniiot ne kitkit kaneraontsokon iakoiatasetha nakoienhokonha, nok iah teseȣathontaton.

Matthew 27:19

Nok tsinikariȣes renstskȣahere tsi tehaiatoretakȣa, ioteriȣanietonhatie ne rone, ȣaton: Tosa othenon sasterist ne kenh Tronkȣetaieri rahoriȣake, Aseken oriȣiio onte tsi ȣateȣakateserentatieronnionse nonȣa ȣasontatekȣe raonha raiatatake.

Luke 1:11

Niio Raoronhiakeronon etho ȣahoken, akta tsi oni Kaȣeientetakȣen tsi iontienkȣaronniatakȣa eh ihrate.

Luke 1:22

Nok nonen sontahaiakenne iah tehokȣenion nasakotatike neok ne tehanisnonsaieronnionhatonskȣe, oksaok ȣahenre nonkȣesonha, ȣathotieronnionse kati ȣahi tsini Kariȣes iehenteron.

Luke 20:6

Nok nenhiakȣenron onȣentsiakekha, onkȣeokon nehne enhionkhinenhioiake; aseken akȣekon ok tiakaȣetakȣenne tsi Rotokense ne San.

Acts 10:11

Tsi ní꞉ioht wahatʼkátho watewateronhiakʼkhási tánon tsi ní꞉ioht ne wenʼniatarowánen tahiotsʼnentonhátie kwáh tehiotekerónte tsi wakaiéntaʼne nonwentsiáke.

Acts 10:17

Tsináhe ne Tiér neh ranonthonniónkwasʼkwe tsi nahóten kéntons ne rotʼkáton, neh ronnónkwe ne Cornelius tesakothórion wahonwatiróri tsi nónwe nihonónsote ne Simon, tánon ónen kwáh ohénton rónʼnete ne tsi iotenhenrakáronte.

Ephesians 4:11

Rahónha wáhi iatékon tsi ní꞉ioht tsi sakoiatarakwenháton nonkwesónha; ótiakes natiriwakarenieseke, ótiakes niahatiriwakénseke, ótiakhes tahonteriwaré꞉niate, ótiakhes rathitsihénstatsis tánon ó꞉ni sakothiriʼhonniénnis.

Deuteronomy 18:15

Khékok, enthoténiehte ne rotokénhse tsi ní꞉i ní꞉ioht ne kwáh ne sehsewahià꞉ta, tánon ki kwáh entsisewawénhnaraʼkwe.

Deuteronomy 18:18

Kwáh iekheiaʼteniéhtase ne rotokénse tsi ní꞉se ní꞉ioht ne kwáh ne sahatihiá꞉ta enkénhake; kwáh enhiró꞉ri tsi nahoʼténson enhenrón꞉nion, tánon kwáh orihwakwé꞉kon enshakohró꞉ri nonhkweshón꞉as tsi niwá꞉ken.

Hebrews 1:1

Tsi nitsawénon Rawenni꞉io wéso iorihwáhke sakotaráni ne ietʼtisotthonkonhkén꞉en tánon ó꞉ni wéso tsi nitsawéhnon ne rotitokenshéhakwe ó꞉ni shakotahráhni,

Revelation 11:10

tánon ne ratiná꞉kere ne tsi ionwenhtsá꞉te kwáh enhonerientí꞉io tánon enhontenhnikonhró꞉ri tánon tenhonthatáwion, tiorì꞉wa kí꞉ken teniiáse rotitokenséhakwe tsi nisakotironhiakéntakwe ne ienákere tsi ionwenhtsá꞉te.

Revelation 11:3

Tánon enkhé꞉ion ne teniiá꞉se ne ionkeriwanirá꞉tis kakweʼniá꞉tshera nianirí꞉waken né꞉ne énskat tewenhniaweheʼtsheráhsen tékeni tewenhniáwe iá꞉iak niwáhsen niwenhniserá꞉ke nenkariwésonke, ne enhonatseronhniáton ká꞉iare.”

1 Samuel 28:6

Nó꞉nen ne Saul sahoriwanóntonhse ne Roiá꞉ner, nr Roiá꞉ner iáh tahtehoriwaserakwénhni, iáh naʼtetsenhsehrákon, khéhs ne ratsihénstatsi, khéhs ne rotitó꞉kenhse.

1 Samuel 3:15

Samuel thóh raiatiónhni tsi nió꞉re iahiórenhne; ehʼthóhne ónenh wahthononhónti ne tsi ronónhshoʼte ne Roiá꞉ner. Samuel roteronhienténhni nahoró꞉ri natsianerón꞉sera ne Eli.

1 Samuel 3:21

Ne Roiá꞉ner iehokontákwen tsi ratotáshionsʼkwe ne Shiloh nón꞉we, asèken ne Roiá꞉ner kwáh raónha wahothotáshien ne Samuel ne Shiloh nón꞉we thóh raoʼwénhnake ne Roiá꞉ner.