Numbers 10:9 - Ohiatonhseratokénti

⁹ “Nónen tsionhontsáke nónhwe nihiakoterí꞉io, tisehwatatèhnes tsi nó꞉kwah ne tesehwatáʼtshons tsi nikáien ne tsitʼieietʼtsihiatsiatónhtion, sehwatátis ne ionhteriʼiostákwah kíken kenihonrawatskówas. Í꞉i ne Watiá꞉ner ne Sewaní꞉io enkwahiénawase tánon enkwahiatanónstate tsi nó꞉kwah ne tesewatáʼtshons.

Numbers 10:9 ပူးပေါင်းရင်းမြစ်များ

Genesis 8:1

Eʼthó sá꞉ne iawehnó꞉tonkwe énska tewenʼniáwe tanon wísk niwáhsen nón꞉ta nikarí꞉weʼskweʼ ók kiʼ ne Rawenni꞉io rawehiá꞉rahkweʼ kíʼ ne Noah ó꞉ni kontikwé꞉kon ne kontírioʼs ó꞉ni ne ienáhskwahiens ne skátne ratiiaʼtí꞉tahkwe ne kahón꞉wakon. Tánon ne Rawenni꞉io waʼthaweratásehte ne tsi ionhwentsá꞉te, tánon nohné꞉kanos ehtà꞉ke nionsá꞉we;

2 Chronicles 13:12

Rahonhatsíwa ne Ní꞉io tsi sonhkwenhéntenhse tánon ne rahotsihenstatsihókons kénʼen rónhnes ronathateweienhnenhtáhon nahatihonráhwate tánon ne iahiontkhínonhke nahitewaterí꞉io. NʼIsraerʼró꞉nons, iáh né tehonhtirí꞉ios ne Roiá꞉ner, ne Sakoní꞉iokwe ne ietsisokthonkonkénʼen! Iáh tahisewatkwéni!”

2 Chronicles 13:14

Né Judahró꞉nons watontkathónhnionwe tánon wahontkátho tsi tehonwatihonwarónhni. Iathotihénrete rahonháke ne Roiá꞉ner nasakoiénawaʼse, tánon ne ratiʼtsihénstatsis wahatihonrawaʼte.

Psalms 106:4

Takehiá꞉rak, Ó Saiá꞉ner nó꞉nenh ensehiénawaʼse ne shonkwetaʼshón꞉has; thowaʼtiatawénhtet nó꞉nenh ensehsehiatáko;

Psalms 106:42

Né ronhwaʼtíshons waʼhonwatironhiákenʼte, tánon né waʼhonwanátsten ne kaniakatsténhsera raotiʼshaststénhsera.

Psalms 136:23

Kwáh seh rahónha ne iáh tesonhkwahiatanikonhrénhen nó꞉nenh sihionkhisénhnion; asèken ne iorihwatóken raonoronhkwáhtshera tsi nénhwe enkátake;

Isaiah 18:3

Sewakwékon ne tsi ionwentsá꞉te sewanákere, í꞉se ne ohontsàke sewanákere, nó꞉nen enkaniatarakétskwen ne tsi iononhtáhere, sewatʼkátho! Nó꞉nen ne iehonrawáts꞉tha enkonwatátiste, sewatahónsatat!

Isaiah 58:1

Tesewahénret, tó꞉sa sewatatiéna! Sewaʼtewenhnakétsko tsi ní꞉ioht ne iehonrawáts꞉tha! Serihowanáthen nakonkwetaʼshón꞉has tsi nihonteriwiʼioseranónhwe, thóh rahonónskon ne Jacob tsi nó꞉kwah ne raoʼtirihwaneraháktsheras.

Jeremiah 4:19

Ne karonhiakénsehra! Iáh tatkwéni nakathakátsthate ne karonhiakénsehra! Nakwéri! Nakwéri kwáh iosthóre tsi ní꞉ioht tsi tehiahonrhiákwa! Iáh tatkwéni ne thatakahtó꞉thaʼte; Wakátʼthonte ne iehonrahwátstha tánon tsi nihioronkwénhsthare ne wahtherí꞉io.

Jeremiah 4:21

Tohʼnikaríwes tentʼkánerahke ne watherihioserowáhnen tánon wakatʼthónte tehiothónhare ne iehonrahwátstha?

Jeremiah 4:5

Sehwahthátists ne iehonrahwátstha nonhwenhtsiakwékon! Iohrahkarehníhak tsi tesehwahénret tánon ioronkathónhak! Ietʼtsiró꞉ri nonhkweʼshón꞉a ne Judah ó꞉ni ne Jerusalem iasehwahkwísron tsi tetkanathanákthon nosténrah ne kanahtowáhnenh.

Jeremiah 49:2

Ók táwe ne kawistáheks nónenh kwáh enkhehiónʼnenh nonhkweshón꞉a ne tsi kanatakweʼní꞉io ne Rabbah nahonatʼthóntheʼne tsi nihioronhkwéntstahre tsi wahterí꞉io, tánon kwáh káiaʼse enwáhton tánon nahonahtaʼshónʼas okenráhke enhionhníhake tsi enwatʼtsahátonke. Ethòne ne Israerʼró꞉nons enshatiʼiéna ne raononhontsaʼshón꞉a enshonwahtíkwah tsi nikáien ne ronhwahthiʼnénhskwenʼne.

Jeremiah 6:1

Ne Benjaminró꞉nons, iasehwahkwísron sehwahthasehtáhna! Sehwahiáken ne Jerusalem! Sehwatátis ne iehonrahwátstha ne Tekoa nónhwe tánon sehwattsennónni sehwatsienkwarónniat nahwenéhake ne Beth Haccherem nónhwe. Kakahronniátshera tánon kariwahiesáhtshera tóh꞉wa ahónwe nothoréhke nénhtewe.

Jeremiah 6:17

Ethóhʼne ne Roiá꞉ner wahshakohiataráhko ne ronterí꞉ios nahonthahónsahthate nahonthakawenhnóthaʼne ne iehonráwatsthe. Ók wahonníron, “Iáh tahiakwahtahónshathaʼte.”

Ezekiel 7:14

Ne iehonrawátsta wahontátiste, tánon onhkwetakwékon wahontateweiennénhtaʼne. Ók iáh kíʼ ónhka nateriʼioseráke tseiéntha, asèken ne Rawenni꞉io rahonakwáhtshera kwáh kíʼ onhkwetakwékon tsi eniakórahne satenhiotónhake.

Hosea 5:8

Sewatátist nonákare ne Gibeah nón꞉we, ne iohonrawátsta Ramah ne nón꞉we nasewatátist. Sewatátsist ne watewenhnót꞉tha ne Beth-aven nón꞉we; ionsasewatkáto ne sewashón꞉ne, Benjamin!

Amos 3:6

Rontatístha kenh ne iehonrawátstha ne kanatowanén꞉ke, tánon nonkwehó꞉konʼs iáh thaiakóhteronʼne? Ne karihwaiesáhtshera kaièn꞉tas kenh ne tsi kanatowanén꞉ke, nek khok tó꞉kaʼ ne Roiá꞉ner thóh nenháhsa?

Zephaniah 1:16

ne enwenhniserontákwen nahiehonhráwate tánon sotar ateriiosera ratiwenhnote ne wathenhénrote ne tekanatanákton kanatowanénhhke tánon ne tsi tekahiosakérons kanikató꞉tons.

Numbers 31:6

Ne Mahís iashakoténiete nahonteriʼiósehra né꞉ne Phinehas né roiénha ne Eleazar ne ratsihénstatsi íken ne enteshaʼkoniarotároke, rahónha roterihóntaʼkwe ne iotokéntis nahoténsons tánon ne kahonrawatskówa ensakónaʼne nó꞉nenh enwatewenhnóten.

1 Corinthians 14:8

Tánon tóhkaʼ tsi nikáien ne iakoterénnothe ne iehonrahwátsʼta iáh tahontahaiérihthe tsi ní꞉ioht tsi enhaterénnothe onhʼní꞉ioht tsi ahontatheweiennéntaʼne nahonterí꞉io?

Deuteronomy 20:1

“Nó꞉nen enshaterihiósera tsi nokwáh ne tetsatà꞉tsons tánon ensatkátho ne otsónhkwas ó꞉ni ne koshá꞉tens tánon ne ronterí꞉ios ne ieshentioʼkwakén꞉nion, tó꞉sa shetshà꞉nik. Ne Roiá꞉ner saNí꞉io, tsi raónha shaniakénton ne Egypt nón꞉we, kwáh ensenikwekónhake.

Joshua 6:5

Ethòne énska kwáh éhthoh tsi nihions tsi enwá꞉tewenhnhoten ne kahonrawatskowa. Kwáh tsi niiostó꞉re ensatʼthontene, kwáh onhkwetaʼkwékon ónenk tsi tenhíakohenrethe, tánon ne watenhenró꞉the ne tekanathanakton tsi tenhwarehni. Ethòne ki kwáh kanenhrakwekon ne ronhterí꞉ios ienhontʼthakwarishiate ienhatiná꞉tarane ne kanató꞉wanenhne.”

Judges 10:12

ne Sidonró꞉nons, ne Amalekró꞉nons, tánon ne Maonró꞉nons ietsironhiakénton ne tsi nitsawénon, tánon akonháke iatisewahénrethe. Iáh kén teskwahniakénton tsi nòkwah ne roʼnónha?

Judges 10:8

Asèken shatèkon iawénhre nihioseráke nikaríhwes wahonwatironhiákente tánon wahonwanateweienhnatsáten ratikwékon nʼIsraerʼró꞉nons né ratinákerekwe ne Amorʼró꞉nons rahotinakeraserákon né꞉ne nàkon nòkwahti ne Jordan Kaniataratátse né Gilead nónhwe.

Judges 2:18

Kát꞉ke ne Roiá꞉ner nashakahonkwéton nʼIsraerʼró꞉nons nahonwatihéntenhse, ne Roiá꞉ner enhosniénon nètho shakohéntenhse tánon enshakonónsthate nonhkweshón꞉as tsi nòkwah ne tehontátʼtsons kwáh kíʼ tsi nikaríhwes enhrónhnheke nètho shakohéntenhse. Né Roiá꞉ner kwáh ensakoténhre tsioríhwa tsi nihononhsèhna ne rahothironhiakensehrákon ó꞉ni tsi nihotiwísens.

Judges 3:27

Nónen thóh nónhwe iahá꞉raʼwe ne tsi tsionhniarónhnions kanakerasehráien ne Ephraim, wahahonráwate hiasakonónhkʼkon nonhkweshón꞉as Nisraerró꞉nonke nahonteriʼiósehra; ethòne shasakohéntenhse sahonhnontátsnenhte.

Judges 6:34

Né rahonikónhra ne Roiá꞉ner tahoniarotharó꞉ke ne Gideon, tánon wahahonhráwathe tsi hiashakonónhkon ne rahotitsiókwas ne Abiezer nahatikwekónhake.

Judges 6:9

Shakwahniákente tsi nòkwah ne Egyptró꞉nons ó꞉ni nonhkweshón꞉as ne sewateríʼioskwe ne kénʼen ionhontsáien. Wakhehiatínekenhwe tsi niahí꞉sehwe, tánon í꞉se thakwáhion ne rahononhóntsa.

1 Samuel 10:18

Tánon wasakawénhase, NʼIsraeró꞉nons, “Asèken ráton ne Roiá꞉ner, ne sakoʼNí꞉io NÍsraerʼronónke, ‘Tekwahiaʼtínekenʼen ne Egypt, tánon wakwaniákenʼte tsi nó꞉kwah ne rontsaʼnákes ne Egyptró꞉nons tánon tsi nòkwah ne rontsaʼnákes akwé꞉kon ne tsi kanontiʼiotseraʼkérons nètho ietsironhiaʼkénton.’