Numbers 10:33 - Ohiatonhseratokénti

³³ Nó꞉nen nonhkweshón꞉ʼas sonhsahonhténhti ne Sinai nónhwe, ne iononhtatoʼkentíke, áhsenh nónhta nióre niahónne. Ne Roiá꞉ner Rahoneró꞉kwah Naʼteriwasehrionhniátshera tiókonhte ne ohentónhson wá꞉he naʼkaʼtshénhri tsi nónhwe nahonhnátaien.

Numbers 10:33 ပူးပေါင်းရင်းမြစ်များ

Psalms 95:11

Wahkenakwénhenʼne ó꞉ni iorihwahníron wakarahrátsʼton: “Iáh nonwénton tiahatiráhtaʼne nonwentsáke tsi nónwe nikhehionhontsáwi nahonthoríhsen!”

Exodus 19:3

tánon ne Mahís ohnotoʼharàhke niaháre ne tahiatátken ne Rawenni꞉io. Ne Roiá꞉ner ohnoʼtoharàke nónhwe tahoʼnáton tánon wahó꞉rori nasakoró꞉ri lsraerʼró꞉nons, né꞉ne tsi nitoʼtwatsirí꞉non ne Jacob:

Exodus 3:1

Ènska wenhniseráhteʼkwe tsi nikaríwes ne Mahís sakoʼnikonhrahrá꞉tiesʼkwe ne raweʼnónhsa Jethro raotsenenhó꞉kons teiotinakaronhtón꞉ʼa ó꞉ni ne kahiaʼtàkeras, né꞉ne rohkháreskwe ne Midian nónhwe, iasaʼkosáhriʼne ne konhtiʼtshé꞉nens waʼthaʼtihentíhiaʼke ne kahentaʼkekó꞉wa tánon iahonnéwe tsi tionònhte ne Sinai, né iononhtatoʼkénti.

Isaiah 11:10

Nétho enwenhniseráteʼke ne raoterá ne Jesse kwáh enkátake tsi ní꞉ióth noniatará꞉ha ne nahiontkátho nonkweshón꞉has; niaʼkahontsakeró꞉nons kwáh enhonwahiatísake, tánon tsi nón꞉we nihotorí꞉sen kwáh enhioiatanerakwáts꞉tonʼke.

Isaiah 28:12

ronnón꞉hake tsi ráʼwen, “Né kí꞉ken natorishéntshera í꞉ken; taietsíhion natorishéntshera ne iakonikonkátste; tánon né kí꞉ken nahtahkarihtétshera í꞉ken”; nek kík sá꞉ka iáh thaonathón꞉teʼne.

Isaiah 66:1

Né aoríwa rá꞉ton ne Roiá꞉ner: Né tsi Karonhiáte né nakanitskwáhra í꞉ken tánon né tsi ionwenhtsáte né꞉ne tsi tekarashiʼtarákwah í꞉ken; nakanonshó꞉ten ní꞉se askenonsón꞉nien, tánon nakanatʼtóten tsi nón꞉we nakatorisenhtá꞉kwahke?

Jeremiah 3:16

Ethóhʼne nó꞉nenh ensehwenhtiokowáhna né nónhwe nihiowénhtsiaien, nonhkweshón꞉a iáh ónenh tahonsahathithárahkwe nahkenoróhkwatsera naterihwahsehronniátshera. Kwáh iáh othènen tahonshahonnonhtónnionwe iáh ó꞉ni tahonshahonnehiárahke; kwáh iáh thaʼtahonshahonahthonwenhtiónike, iáh ó꞉ni ó꞉ia tahonshahonnónhni.

Jeremiah 31:2

Ne kahráhkonhs wakhenésten nètho ronhnónkwes tsi nikáien ne shonhatotharísion ne kenheiátʼne. Nónenh ne Israerʼró꞉nons wahonskáneʼke nahonnonhrisénhthaʼne,

Jeremiah 6:16

Ne Roiá꞉ner washakawénhase ne rahonkwetaʼshón꞉a: “Tsi thetsiathahásehre iatesehwáhtanh tánon tesehwatʼkathónnionf. Sehwahrihwanónhton ne ohahakáhion tánon kanónhwe ne kwáh tsiohahí꞉io. Thóh nónhwe nashaténti, tánon skénnen tsi enshón꞉nheke.” Ok wahonhní꞉ron, “Iáh, kwáh iáh thahiakwatónhtate!”

Ezekiel 20:6

Ethòne káti wakhehiarahrátsten tsi entekhehiatínekenhwe ne Egypt tánon ienkhehiasárihne tsi tsiohontsáien ne kherahkwénhni, iohontsaréhsen ó꞉ni ionhontsí꞉io, né꞉ne kwáh tsiohontsí꞉io.

Numbers 10:12

tánon Nisraerʼró꞉nons tahontáshawen waʼthontʼtháhakwe èhren shaʼhónhnete ne iahonwenhtsaʼthènke ne Sinai. Notsíkere thóh iatʼkátane né kaʼrakonhkówa ítken ne Paran nónhwe.

Deuteronomy 1:33

ethosàne tsi tiókonhte raónha ohénton niehawé꞉non nahtsisewanaktatsénhriaʼse kaʼnónhwe nahisewanáhtaien. Naʼtsisewanahtónhase tsi niehiothahí꞉non, sewahénton íhre tsi nihiotsiro꞉te noʼkarasnéha ók ne tsi niwenhníseres ahé꞉ren nénhne nihiotsikero꞉te.

Deuteronomy 31:26

“Iaʼsewáhaf kí꞉ken kahiatónhsera né꞉ne Rawenni꞉io Raohianerénhseras tánon kanerokwákta sehwá꞉ien ne Ateriwaʼseronhniá꞉tshera aoneró꞉kwa né꞉ne Roiá꞉ner sewaNí꞉io, rahó꞉wenk, ne káti ne é꞉tho akaiéntake nakariwaniraʼtseke tsi nokwáh ne rahonkweʼtashón꞉a.

Deuteronomy 9:9

Iáh kenonhtaráhne natié꞉na nosténras ne thó꞉nonh nikahiaʼtón꞉nion ne ateriwaʼseronhniátsheras né꞉tho Roiá꞉ner ne tsi sehwasenhén꞉ni. Thóh iekiʼteróntakwe né꞉ne kaié꞉ri niwenhniseráhsen tánon niwahsontá꞉sen iáh ó꞉ni thé꞉nen tewakékon iáh ó꞉ni tewatnekí꞉ren.

Hebrews 13:20

Rawenni꞉io shoketskwenh ne kenheiátʼne ne Sonkwahʼiáner Ié꞉sos, rahónha ne Rohshatsʼtenserowáhnen Shakonónhne ne teiotinakarontónha ne tsi niaʼteionénon ne raonekwénhsa, ehnónwe tsi nénwe nahterihwahseronniátshera tsi kanakentóron. Aiáwens ne Rawenni꞉io né skén꞉nonk tíken ahontáhion kwáh tsík nahoténsons ne ioiánere tahishatonwenhtió꞉nike nahishaióten tsi nitonikonriʼióʼon, tánon aiáwens ne rahónha, rahonháke ne Ié꞉sos Kerístos otionháke ahoióten tsi nitohnikonriʼióʼon. Tánon rahonháke ne Kerístos nón nikáien ne kahiatanerahkwáhtshera tsi nénwe ó꞉ni tiókonthe! Éʼtho naiá꞉wenhne.

Joshua 4:7

tánon kwáh ensehró꞉ri né꞉tho kaniataratátie ne Jordan wakká꞉taʼne tsi watnekí꞉ne ne nó꞉nen ne Roiá꞉ner Roneró꞉kwa Naterihwaʼseronhniá꞉tshera thóh í꞉wah watkaniaʼtarihiáke. Kí꞉ken onenhiaʼsón꞉as kwáh tió꞉konte tsi enhiakawehiarakweníheke nonhkweshón꞉as Nisraerʼró꞉nonhke tsi nihiawénhen ne ken nón꞉we.”

Judges 20:27

Thóh siwenhnisehrathénionsʼkwe né Rawenni꞉io rahoneróhkwah naʼterihwasehronhniátshera thóh nónhwe nikaiénthakwe ne Bethel, tánon ne Phinehas, né roienkénʼen ne Eleazar tánon né roterehá꞉kwe ne Aaron né ratsihénstatsi kènhne né nónhwe. Nonhkweshón꞉as wahonwarihwanónhtonhse ne Roiá꞉ner, “Shé꞉kon onhtèken iahonsahiakwahiákenhʼne nahonsahiakwahterí꞉io nonhkwahtatekénhsehras Benjaminró꞉nons, ká꞉tonh kén ahiakwaniatarakétsko?” Ne Roiá꞉ner watharihwasehráko, “Sehwaterí꞉io. Nenhiórenhne enhtkwáhion natesehniéntseras nahietʼtsisénhni.”

1 Samuel 4:3

Nó꞉nen ne ronterí꞉ios shonsahónhneʼwe tsi watoseróhton, ne rotiʼtstonhonkónhas NʼIsraerʼró꞉nons wahonníron, “Onhnihiotiéren ne Roiá꞉ner tsi waʼshonkwénteron nón꞉wa wenhniserá꞉te ne naionkishén꞉ni raotiʼhén꞉ton ne Philistine? Háo éhʼthoh iéteʼwe Shiloh kén꞉ʼen thiʼtewáhaf noneró꞉kwah ne raoʼteriwaʼseronniátshera ne Roiá꞉ner, káti ne naʼónton ahitewaʼteró꞉sen tánon ashonkwanónsthaʼte tsi nó꞉kwah ne raoʼtishaststén꞉sera ne ionkhíshons.”