Numbers 1:18 - Ohiatonhseratokénti

¹⁸ kanakeraserakwékon washaʼkotihiataróhroke né꞉ne tioʼtenhniseratierénhton ne tekeníhaton wenhnítare tánon washaʼkotisenhnarónhnion onhkwetakwékon né꞉ne tsi nihothiʼtarótens tánon tsi nihatiwatsiró꞉tens. Tsi nihothisenhnótensons rathikwékon ne ronhnónhkwe né꞉ne tewásenh natehonosehrihiákons tánon ne ronathawenhráton wahonwathisénhnaren tánon wahonwanásehte,

Numbers 1:18 ပူးပေါင်းရင်းမြစ်များ

Ezra 2:59

Tánon 652 nihá꞉tikwe ne tsi kenhtá꞉raien ne Delaiah nón꞉we nihatihiaʼtá꞉rakwe, Tobiah, tánon ne Nekoda thóh ne nón꞉we nathethonè꞉non tsi kaná꞉taiens ne Tel-Melah, Tel-Harsha, Cherub, Addan, tánon ne Immer, ók iáh ki tehothikwénion nahothirihwaniráthonke tsi Israerʼró꞉non nón꞉we nithonatʼwatsirí꞉non.

Nehemiah 7:61

Tánon ne ki ken ne ronón꞉ha neh thóh nón꞉we nitó꞉nenon Tel-Melah, Tel-Harsha, Cherub, Addon tánon Immer; ók iáh ne tehó꞉tikweʼnion nahó꞉naterientarahon ne ronwaní꞉ha raonóns꞉kon khehs tsi nithó꞉natwatsirihnon, tó꞉ka ken Israerró꞉nonhke nithó꞉nenon.

Exodus 6:14

Né꞉ne Reuben, Jacob thoʼnatierénton sakoʼhiohoʼkónha, kaiéri nihoʼwirahiéntaʼkwe: né꞉ne Hanoch, Pallu, Hezron, tánon ne Carmi; né꞉ne sakotiʼsotʼthonkonhkénʼen né raotiʼtarahshón꞉as né꞉ne raotiʼsenhnasón꞉has konhwatiʼsenhnawíhon.

Numbers 1:1

Ne tiotenhniseraʼtsherénhton ne tekeníhaton wenhnítare né tekeníhaton ioseráte nó꞉nen nonhkweshón꞉ʼas NIsraerʼronónke èhren shonhsahónnete ne Egypt, ne Roiá꞉ner wahothárase ne Mahís thóh rahothohserákon tsi nónhwe nihenténhron ne Roiá꞉ner né꞉ne iahonwentsaʼthènke ne Sinai nónhwe. Wahénron,

Numbers 1:17

Tsi enhonsniénon kí꞉ken tékeniʼiawénhre niháti ronhnónhkwe ne Mahís tánon ne Aaron

Hebrews 7:3

Iáh kanèka tekaiáton nahonteweiéntonke ne Melchizedek roʼníha tóhka ó꞉ni ne ronisténha tóhka ó꞉ni ne shakhosoʼtonkonhkén꞉en; iáh ó꞉ni tekahiáton tsi nihonakeráhton tánon tsi nihawenhéion. Kwáh né teskaieróntare ne Rawenni꞉io Roiénha; raónha ratsihénstatsi tsi nénwe.

Hebrews 7:6

Ne Melchizedek iáh thóh nón꞉we tetotwatsrí꞉non rononhà꞉ke ne Levi, ok thoró꞉ron ne oierí꞉haton ieká꞉te noʼwísta tsi nitsawè꞉non rahonhà꞉ke ne Abraham tánon wahohiataté꞉riste, rónkwe Abraham né꞉ne roienà꞉on ne Rawenni꞉io raoraráhtsera.