Nehemiah 9:8 - Ohiatonhseratokénti

⁸ Tánon wasetsénri ne rawé꞉ri ne sahénton tánon ní꞉se skátne wetsateriwasherón꞉ni nahontashátʼkawe ne rahononhóntsa ne Canaanró꞉nons, ne Hitró꞉nons, ne Amorʼró꞉nons, ne Perizró꞉nons, ne Jebusró꞉nons, tánon ne Girgashró꞉nons, thóh tsi wahawatsirathátie; tánon ní꞉se washerihwaié꞉rite ne sawenhnaó꞉kons asè꞉ken ní꞉se saiá꞉nere.

Nehemiah 9:8 ပူးပေါင်းရင်းမြစ်များ

Genesis 12:7

Ethó꞉ne ne Roiá꞉ner wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne Roiá꞉ner, ne ne rototahshién꞉ni.

Genesis 15:6

Tánon nʼAbram tahawéhtahkwe ne Roiá꞉ner; tánon né Roiá꞉ner tsi wahokénʼenhion ne Abram tsi tronkweʼtaié꞉ri í꞉ken.

Genesis 22:12

Wahén꞉ron, “Tóhsa iaʼtetshanihsnonhsà꞉ren nétho raksá꞉ʼa tóhsa ó꞉ni othé꞉nen naʼtshié꞉raʼs; asèkenh ó꞉nen onkaterièn꞉taraʼne tsi nitshetshá꞉nis ne Rawenni꞉io, tsik sénhaʼk iáh thetehtshiaʼtón꞉ʼne né tshièn꞉ʼa, nénskaʼk khók sanekenhteronʼtsherá꞉ien nakonhá꞉ke.”

2 Samuel 22:31

Kí꞉ken Ní꞉io—ne raoweién꞉na kwáh tkarihwaiéri; ne raorarát꞉tsera ne Roiá꞉ner kariwanírats tsi iotokenskeʼónwe; rahón꞉a ne iontrenhostákwah í꞉ken ratikwé꞉kon ne rahonháke nón꞉we nenhiotaséhtakwe.

1 Chronicles 1:14

Né Canaan rahón꞉a ó꞉ni né sakosotʼthonkonkénʼen ne Jebusites, ne Amorʼró꞉nons, Girgashró꞉nons,

1 Chronicles 16:16

né naʼterihwasehronniátshera tsi ró꞉son skát꞉ke ne Abraham, tsi niʼorahratsʼténhni ne Isaac.

Ezra 9:15

Ne Roiá꞉ner Rawenni꞉io ne Israerró꞉nonhke, thisarihwaié꞉ri, ók waskwahrí꞉hon nahiatsónhnheke. Iáh kwahrihwaní꞉rats nonhkwáh nítsera ne shonhà꞉ke; iáh othé꞉nen tehionhkwaianerenhserá꞉ien ne sahénton niahiákwe.”

Nehemiah 9:33

Ní꞉se tisaieríhton nakwé꞉kon tsi nahonkwahrá꞉ne, asè꞉ken ní꞉se tsi nashá꞉tiere né꞉ne iorihwató꞉ken tsi ná꞉he thóh nihionkwahtié꞉ren ne karihwahetkénhsera.

Psalms 116:5

Thorihwaʼiéri séh ne Roiá꞉ner tánon rorihwaʼkwahríshion; nonkwahʼNí꞉io kwáh seh rotanithenráts꞉kon.

Exodus 3:17

Iaʼtewakeriwahiéntahse tsi tentekhehiaʼtínekenʼwe ne Egypt nónhwe, tsi nónhwe nihonwanateniakatsʼténhni, tánon thóh nónhwe nienkhehiaʼténhaʼwe tsi nónhwe ne tsohontsàrehsen ó꞉ni ionhontsí꞉io—tsi thononhontsáien ne Canaanites, ne Hitró꞉nons, ne Amorʼró꞉nons, ne Perizró꞉nons, ne Hivró꞉nons, tánon ne Jebusites.

Exodus 3:8

Tánon káti takátsʼnenhthe nahonsakʼkheniáʼkenthe tsi nòkwah ne Egyptró꞉nons tánon ne tahontaʼkhehiaʼtínekenʼwe ne Egypt nónhwe thóh nienkhehiaténhaʼwe tsi nónhwe tionhontsowáhnen, tsi nikáien ne ionhontsàreʼsen ó꞉ni ionhontsí꞉io tánon tsi nónhwe né Canaanites, ne Hitró꞉nons, ne Amorʼró꞉nons, ne Perizró꞉nons, ne Hivró꞉nons, tánon ne Jebusites ó꞉nen nihatináhkere.

Ezekiel 33:24

“Rónhkwe iaiénha,” wahénron, “Nonhkweshón꞉ʼa ne ienahkeréhnion ne tsi ioriwenhtásehron kanatowáhnenhs né꞉ne Israel ahotonhwenhtsáke ionhtónhnions: ‘ne Abraham rahonhatsíwa khók kènhne, tánon ohontsakwékon rahónha thonwáhwi. Hionkwentiokowáhnenseh, káti nohóntsa í꞉i onhkwáhwenhk.’

Numbers 13:29

Ne Amalekró꞉nons entiéne né nokwáhti iotohetstákwen nónwe nihatinákere; ne Hitró꞉nons, Jebusites, tánon ne Amorʼró꞉nons tsi iononhtarónhnion né tsi kanakeraseráien né nónhwe nihatinákeres; tánon ne Canaanites ákta nènhne ne Mediterranean Kaniatarakhekówa nónhwe nihatinákere tánon aktóntie ne Jordan kaniataratátie.”

Numbers 23:19

Ne Rawenni꞉io iáh né thóh tehahiatóʼten tsi ní꞉ioht nonhkweshón꞉ʼas, tsi nihotinówenhs; Iáh né ónhkwe tèken ne tahonshaʼhoterihwaténien. Tsi nahó꞉ten nenharárasthe, ehʼnihaiérha; Enhthatáti, tánon thóh nenhiáwenhne.

Acts 13:22

Nónen ne Rawenni꞉io Shonsahorihontáko ne Saul, Sók ne Rawenni꞉io Táwit sahonontí꞉ioste. Kén nahóten ne Rawenni꞉io wahénron tsi nòkwa ne raónha: ‘Waketʼtsénri nètho Táwit nehne Jesse roién꞉a nehne thóh niʼionkwethoten kenónwes, ne rónkwe akwékon thóh nenháiere tsi nenʼínaʼne.’

Deuteronomy 26:3

Thóh niahasewe né꞉ne ratsihénstatsi ne roterihónte ne nenhkahá꞉wi tánon tsi sewahró꞉ri, ‘Ó꞉nen wahiriwaniratʼtse ne Roiá꞉ner Akení꞉io tsi ó꞉nen wahakwahtáwehiaʼte ne tsi ionhontsá꞉ien ne iakisoʼthonkonhkén꞉en shakorahratstén꞉ni henteshón꞉tion.’

Deuteronomy 32:4

“Ne Roiá꞉ner se ne roshatstenhserowá꞉nen thiá꞉nes, toriwaié꞉ri tánon rohiá꞉nere akwé꞉kon tsi nihaweienhnó꞉tens; Ne sewaNí꞉io roriwató꞉ken tánon orihwí꞉io í꞉ken; eʼnihaié꞉ra nahó꞉ten ne tkariwaié꞉ri ó꞉ni ioiánere.

Deuteronomy 7:1

“Ne Roiá꞉ner saNí꞉io akwáh ieniahiaʼténhawe ne tsi tiohontsá꞉ien nakwáh ienshatiaʼtakweʼní꞉ioste, tánon kwáh iakotiohkowá꞉nen enshakohiaʼtínekenhwe ne nón꞉we. Tsi neinhénsewe, tsáta nihononhontsá꞉kes enshakohiaʼtínekenhwe ronatiohkowá꞉nen ó꞉ni sénha ratiʼshátstes tsi ní꞉se ní꞉ioht: né꞉ne Hitró꞉nons, ne Girgashró꞉nons, ne Amorʼró꞉nons, ne Canaanites, ne Perizró꞉nons, ne Hivró꞉nons, tánon ne Jebusites.

Deuteronomy 9:5

Iáh ne tetiorí꞉wa tsi sewaiánere tánon thóh nisewahiéra né꞉tho Roiá꞉ner tsi sewariwá꞉wis nahisewatié꞉nawatste ne rahononhóntsas. Akwáh enshakohiaʼtínekenhwe ne tiorí꞉wa tsi nihonhnonkweʼtahétkens tánon ne tiorí꞉wa tsi ihré꞉re nahatié꞉nawatste tsi nishakorahratstén꞉ni ne sewasoʼtsheraokonhkén꞉en, nʼAbraham, Isaac, tánon ne Jacob.

Titus 1:2

Tsi ne kakenserákwen ne karahrátshera ne ionnheʼónwe. Rawenni꞉io raónha ne iáh nonhwenton tahanowénthe, sonkwarahratsʼténni kíʼ tsi tsiónnhe nohénton nakwékon sonthontásawen,

Hebrews 11:17

Kwáh seh tewehtákwenh wahahónnien ne Abraham wahotewénhthete ne roiénha Isaac nahononwahriákon nónen ne Rawenni꞉io shaotheniéntʼthaʼse. Rahónha seh ne Abraham ne Rawenni꞉io rorahratsʼthé꞉ni, nók kíʼ rohtathewehiennentáhonʼne nahothewénhtethe ne énskak khók rohnekenterontseráien nahononwahrià꞉kon.

Hebrews 6:18

Né kí꞉ken ne tehiorihwáhke, káti, ne iáh tahónton tahonsakathénionke tánon ó꞉ni tsi iáh tahakwéni nahanówenhthe ne Rawenni꞉io. Káti tsi nítsion ne ionkwatʼtshénrion ne rahonháke nónwe naitewahtekwáhsen kowáhnen tsi ionkwahnikonrahníron ioníron tsi ahionkwahtienahwastónhake tsi ne ionkwáhrahre nonkwahénton ká꞉ien.

Joshua 11:23

Ne Joshua kwáh ohontsakwé꞉kon wahatié꞉nawatste, tsi ki nihoró꞉ri ne Roiá꞉ner ne Mahís. Ne Joshua Israerʼró꞉nons thasaká꞉wen nahonawenhkónhweke tánon tenkahiakhónhnionke, énska ne sohthitioiókwah enhatiienà꞉seron. Káti nonhkweshón꞉as wahonorihsénhthane tsi waterí꞉io.

Joshua 11:3

Tánon ó꞉ni iashakoteriwaniéten ne Canaanites né꞉ne tetsarónhkwen nokwá꞉ti ne Jordan, ó꞉ni ne Amorʼró꞉nons, ne Hitró꞉nons, ne Perizró꞉nons, ó꞉ni ne Jebusites ne tsi ionhnontharón꞉nions kanakerahseraké꞉rons, ó꞉ni ne Hivró꞉nons né꞉ne tsi iononhthaienthàhon ratinákere ne tsi ionhnónte Hermon né꞉ne tsi wathonwenhtsá꞉ien ne Mizpah.

Joshua 23:14

“Nón꞉wa ó꞉nen hiaʼkáhewe nakí꞉heie. Kwáh tsi niatétion sewaterièn꞉thare ne sewerianésons ó꞉ni ne tsi tsónnhe né꞉tho Roiá꞉ner Sewaní꞉io orihwakwé꞉kon thetsisewá꞉wi ne ioiáneres né꞉tho rohraratsthánion. Kwáh tsi nahoʼténhsons rorahratsthánion tsi akwé꞉kon thóh nihiawéhen; iáh nénhska tehiosénhse.

Joshua 9:1

Ratikwé꞉kon ne ronhtinonhtí꞉ios ne tsi iaʼtewatsénthos nokwáti ronathohetsthákwen ne Jordan wahatiriwà꞉ronhke tsi ní꞉ioht nonkweshón꞉as ne Israerʼró꞉nonke shakotisénhnion ne tehontaʼtsons. Ne ronhtinonhtí꞉ios ne tsi ionontahrón꞉nions ó꞉ni nononhtaʼthónties ne satekanakeraserí꞉hen ne Palestine nón꞉we wahatirihwà꞉ronhke nónhne. Tánon ó꞉ni ne ronhtinonhtí꞉ios ne iowenokwáseron ne tsi watonhwenhtsá꞉ien ne Mediterranean Kaniatarakeʼkó꞉wa wahatiriwà꞉ronhke nónhne. Iekaníhare ne Thontinonhtí꞉ios tsi nió꞉re ne othorè꞉ke nòkwah ronatohetsthákwen ne Lebanon wahatiriwà꞉ronhke tsi nihonatkweniónhkwen ne Israerʼró꞉nons. Kí꞉ken ronhtinonhtí꞉ios ne wahatiriwà꞉ronhke tsi nihonatkweniónkwens ne Israerʼró꞉nons né꞉ne sakotinonhtí꞉ios ne Hitró꞉nons, ne Amorʼró꞉nons, ne Canaanites, ne Perizró꞉nons, ne Hivró꞉nons, ó꞉ni ne Jebusites.

1 Sawátis 1:9

Nók tóhka entewariwanírate nonkwariwaneraháktshera rahohénton ne Rawenni꞉io, etnenháiere tsi nahóten rorahrátston tánon ne thóh nenháiere ne tkariwaiéri: ensesonkwanikónrense nonkwariwanerahákʼtsheras tánon ensesontionnakwatáko tsi nahoténsons tahionkwaterientawénreke.