Nehemiah 9:32 - Ohiatonhseratokénti

³² “Tánon nón꞉wa, ne Ní꞉io, né꞉ne teotenonhianì꞉ton tánon rashátste tánon teotenonhianitonhkó꞉wa Ní꞉io, raónha rohnóns꞉te naterihwasheronhniá꞉tshera tánon torihwaié꞉ri, tó꞉sa ne shón꞉ni ne kenk nakonhà꞉ke ne karonhiakénhsera akwé꞉kon ne karonhiakénhsera ionkwahrá꞉hon, ó꞉ni ne rotirá꞉hon nonkwahnontí꞉ios. Ó꞉ni rotitokénhses, ó꞉ni ne ionkinihó꞉kons tánon rotirá꞉hons ratikwé꞉kon ne shonkweʼtashón꞉as tsi ná꞉he tiotáhsawe shiohnhatenhniseraténionskwe ne rontinontí꞉ioskwe ne Assyria nón꞉we tsi niió꞉re nón꞉wa wenhniserá꞉te.

Nehemiah 9:32 ပူးပေါင်းရင်းမြစ်များ

1 Kings 8:23

tánon wahaterénhnaien, “Saiá꞉ner Sewenní꞉io NʼIsraerʼrónons, kwáh iáh othènen nó꞉ia tekaniʼiosehráien tsi níse ní꞉ioht ne é꞉neken ne tsi karonhiáte khés nehthàke ne tsi ionhwenhtsáte! Sheʼiateweientónhni ne sateriwaseronhniátshera skát꞉ke ne shonkwetaʼshón꞉as tánon shenatónhnis ne sanonhronhkwáhtshera nó꞉nen thóh ní꞉ioht tsi enhonhnónh꞉nheke kwáh ronhnerhiasakwékon tsi eniesawénhnarakwe.

2 Kings 15:19

Né Tiglath Pileser, né rononti꞉iokwe ne Assyria nón꞉we, waʼshakonenhrénhten Nisraeʼró꞉nons, tánon ne Menahem tsáta-niwásen iá-iak nikakontseráke kawistaráken wahá꞉wen né nahónton nahontahó꞉ne ahosastenhseraiénthaʼne ne Menahem akwékon ne tsi kanakeraseráien.

2 Kings 15:29

Kwáh tsi nikaríhwes ne Pekah ronnontí꞉iokwe nètho Tiglath Pileser, né ronhnonhtí꞉io ne Assyria, wahatiénawaste ne kanatowánens ne Ijon, Abel Beth Maacah, Janoah, Kedesh, tánon ne Hazor, ó꞉ni ne raoʼtinakeráseras ne Gilead, Galilee, tánon ne Naphtali, tánon Assyria niashakoiatenháseron nonkweʼshón꞉as tsi ní꞉ioht ne ratinótons.

2 Kings 17:23

kwáh tsi nióre ne Roiá꞉ner éhren washakoiatenháwite ne rahohénton, kwáh kíʼ tsi nihorarátston rahonháke ne rahonkwéʼta rotó꞉kense tsi kwáh thóh nenháiere. Ká꞉ti nonkweʼshón꞉ʼas Nisraeʼró꞉nonke Assyria nón꞉we iahonwananahkerákwahte, tánon shé꞉kon thóh nón꞉we thatinákere.

2 Kings 17:3

Né Rakó꞉rakwe Shalmaneser ne Assyria wahateriʼioserónhni tsi nòkwah ne rahónha; Hoshea wahatiakwahrísi rahonháke ne Shalmaneser tánon iaʼteioseráke thóh iesténhniskwe.

2 Kings 17:6

né꞉ne tiotónhaton siʼioserakehátie shiʼhonontí꞉ioʼkwe ne Hoshea, né꞉ne Assyriaró꞉non ronhnontí꞉io wahaiéna ne Samaria, Assyria niashakoiaténhawe Nisraeʼró꞉nons nahonwatinó꞉ton, tánon ótiakes tsi kanatowanénhke ne Halah nón꞉we nashakóteron, ótiakes ó꞉ni tsi Konrarós꞉tha Kaniataratátie né tsi watonhontsáien ne Gozan tánon ótiakes tsi kanatowánens ne Media.

2 Kings 23:29

Tsi nikaʼríhwesʼkwe ne Josiah ronontí꞉iokwe, né Ronontí꞉iokwe Neco ne Egypt nón꞉we iahanenhríhsere tsit kaniatarathátse ne Euphrates nahosniénon ne Rakó꞉raʼkwe ne Assyria. Ne Ronnontí꞉iokwe Josiah waʼhateniénten ne thasakótaste ne Egyptró꞉nons ronterí꞉ios ne Megiddo nón꞉we ók tsi waʼterí꞉iokwe nón꞉we nahonwaʼnonwariákon.

2 Kings 25:7

Tsi nikaʼríh꞉wes ne Zedekiah tehakánerahkwe, né roiénha wahonwanonwaríhkon; ethó꞉ne ne Nebuchadnezzar wahathénʼnane ne Zedekiah tahonwaʼkarahtháko, waʼonwaronkwahsánerenhke, tánon Babylon niahonwahiaténhawe.

Ezra 4:10

skátke ne ronátiaʼkes nonhkweshón꞉as tsi niká꞉ien ne tehotenonhianì꞉ton ó꞉ni roshatstenhserowá꞉nen Ashurbanipal shakohiatinekén꞉en tsi ronhtinonhsóh꞉tons tánon thóh nón꞉we hionshasakotéron tsitkanatowá꞉nen ne Samaria tánon akthéson nonhwé꞉son ne tsi iaʼtewatsénhtos ne Euphrates wathonhontsá꞉ien.”

Ezra 4:2

Káti wahonwatkénhsera ne Zerubbabel tánon ne ononhtsikowatʼtsions ne tsi rathitióhkwaiens tánon wahonhní꞉ron, “Áhion thakwahrí꞉hon nakwahtsathárase tsi enskanonhsonhníhake Nononhsatokentihkó꞉wa. Ne sahahiátha sakwahshén꞉naiens ne Rawenni꞉io tsi ki ní꞉se ní꞉ioht tsi tsisewashén꞉naiens, tánon ki tsi shakwá꞉wis tsi shakwahteskonhtháni kwáh tsi nikarì꞉wes ne rakó꞉ra Esarhaddon ne Assyria nón꞉we kén꞉en tesonhkwahthó꞉rion nahiakwahnákereʼke.”

Ezra 9:13

Ók ki ó꞉ni nó꞉nen orihwakwé꞉kon tsi nahonkwahiathawénhseron tsi nokwáh ne karewathatsherarakónhson nonhkwahrihwanerahakʼtserá꞉kons ó꞉ni tsi natehionhkwahterenhthawenhréhon, ionhkwahterienʼthá꞉rakwe tsi í꞉se, nonhkwáh Ní꞉io í꞉ken, tsi káron niskwahrewáthon tsi nathahionhkwahthenhtsónke tánon waskwahrí꞉hon nahiatiónhnheke.

Nehemiah 1:5

Waʼkí꞉ron, “O Saiá꞉ner, rahónha ne Rawenni꞉io ne tsi karonhiá꞉te, teotenonhiatí꞉ton tánon roshatstenhserowanenʼkó꞉wa Rawenni꞉io, Rahónha rateweién꞉tons naterihwaseronhniá꞉tshera ne kenténron tsi nihiá꞉kon ne ronwanorónhkwa tánon iontewenhnaráhkwa ne raorihwatátʼtshera.

Psalms 47:2

Asèken ne Roiá꞉ner, né꞉ne kwáh tót꞉te, tsi rohiatanerákwat, ohontsakwékon tsi ronontiʼiotserowánen.

Psalms 66:3

Tsisehwaʼró꞉ri ne Rawenni꞉io, “Tsi niioriwanerakwaténion tsi nihaié꞉ra! Né aoríhwa tsi nisashaststenserowánen ne iesáhshons waʼhontʼtókerihke ne sahénton.

Psalms 66:5

Káts tánon sewatkátho tsi nahoténsons ne Rawenni꞉io rohioténhen: tsi niʼiorihwaʼnerákwah tsi nisahkotseráse nonkweshón꞉ha.

Exodus 18:8

Ne Mahís oriwahkwékon wahoró꞉ri ne Jethro nètho Roiá꞉ner tsi nihohieràse ne Egypt ronhnonhtí꞉io ó꞉ni ne onhkweshón꞉ʼas ne Egypt né nahónton nahonshaʼsakoniákenʼte nIsraerʼró꞉nons. Tánon ó꞉ni wahoró꞉ri tsi nahaʼtironhiáken nonhkweshón꞉á ne tsi nihioháhes tánon ó꞉ni tsi ní꞉ioht ne Roiá꞉ner tsi sashakonónsthaʼte.

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Daniel 9:4

Wakaterénnaien raonhá꞉ke ne Roiá꞉ner Akeʼní꞉io ó꞉ni waʼakwarihwahní꞉rate tsi niionkwarihwané꞉ren. Waʼkí꞉ron “Saiá꞉ner Ní꞉io, tesatenonhianíhton, tánon kwakweniénhstha. Iorihwatóken ne sahrharatstátshera, ó꞉ni ne sanonronhkwáhtshera tánon tsi niiá꞉kon ne iesanorónhkhwa ó꞉ni iesawennaráhkwa.

Daniel 9:6

Iáh teiakhiiatahonhsatá꞉ton ne sanhaʼtsheraʼó꞉kons ne rotitokenhséhahkwe, sahsén꞉nakon tsi tehatihthárhahkwe ne ionkhinontí꞉ioskwe, ó꞉ni ne ratikó꞉ras iakhishotonkonkénhens, tánon akwé꞉kon ne ón꞉kwe nʼetho nón꞉we niʼienákere.

Daniel 9:8

Ne onkwanontiióʼtsheras, ó꞉ni ne ionkihéntenʼse, tánon ne iakhisothokonʼkénhens thitkáhere naʼtehénhsera tsi nihotiieránion tánon wahatirihwanéraʼke tsi nokwá ní꞉se, Saiá꞉ner.

Leviticus 26:18

“Tó꞉ka nó꞉nen orihwakwékon enhiothohétsthonke ské꞉kon kíʼ iáh teskewenhnarákwah, kwáh kíʼ tsáta nihiorihwáke tentsiásere ne sharewatátshera.

Leviticus 26:21

“Tó꞉ka ienskóntaʼkwe ne taskerihoráraʼke tánon iáh tesatʼthóntats naskewénhnaraʼkwe, kwáh kíʼ shé꞉kon Iensétreʼke ne sarewatátsheras tsáta natestiásere.

Leviticus 26:24

ethòne kíʼ enskonhiatkaraténi tánon enskonhréwaʼte tsáta nihiorihwáke sánha enhioníronhke tsi nitsiotónhne.

Leviticus 26:28

ethòne kíʼ akenakwatsherákon kwáh kíʼ enkonhiatkónhten tánon shé꞉kon tsáta naʼtestsiáseren sénha enkonhréwaʼte tsi ní꞉ioht ne tsiotserénhton.

Deuteronomy 7:12

“Tó꞉ka enshatahónshatate kí꞉ken kariwatà꞉tsheras tánon ensatewén꞉narahkwe naioriwatokénhake, ethò꞉ne ki ne Roiá꞉ner saNí꞉io ienhakón꞉taʼkwe enhateweién꞉ton ne ateriwaʼseronhniá꞉tshera tsi naʼtetiátere tánon enhianatónhase ne ioriwató꞉ken rahononronhkwá꞉tshera, tsi ki nishakorahratstén꞉ni ne ietsisoʼthonkonhkén꞉en.

Deuteronomy 7:13

Akwáh enhianó꞉ronhkwe ó꞉ni enhiaiaʼtaté꞉riste, káti né꞉ne akwáh ahisewentiohkowá꞉nen ó꞉ni wé꞉so ahisewawiraién꞉taʼne; enhaiaʼtatériste tsi sahenthaké꞉rons, ne káti nahónton nahishanatsaiéntaʼne, onenharataʼsehontsherá꞉keri, tánon ne iakeniewáhtha kénhies; tánon tsi enhiaiaʼtaté꞉riste ne tsi nénhthion ne tionhnónskwarons ó꞉ni ne teiotinakaronhtón꞉a. Akwé꞉kon énthion kí꞉ken kaiataterí꞉tsheras ne tsi nishakorahratstén꞉ni ne ietsisoʼthonkonhkén꞉en tsi énthion.

Deuteronomy 7:21

Káti tó꞉sa ietshiʼtshà꞉nik kí꞉ken onhkweshón꞉a. Ne Roiá꞉ner sewaNí꞉io sewakwé꞉kon ki; rashatstenserowá꞉nen Ní꞉io tánon iatehahiá꞉ti ahó꞉wenk nahonwatiaʼní꞉sheke.

Deuteronomy 7:9

Sewehiá꞉rak né꞉tho Roiá꞉ner sewaNí꞉io tsi rahonhatsí꞉wak kók ne Ní꞉io tánon tsi roriwató꞉ken. Enhateweiénton ne raohianerénhsera tánon enrè꞉neste ne ioriwató꞉ken raonoronhkwátshera ne tewenhniaweheʼtseráhsen natewaterehsehránes ne tsi niʼiá꞉kon ronhwanorónhkwa tánon iontewenhnaráhkwa ne raoriwaʼtá꞉tsheras,