Nehemiah 9:30 - Ohiatonhseratokénti

³⁰ Asè꞉ken wé꞉so ioserá꞉ke sehiatenikonrí꞉ioston tánon sherihowanhathénhni thóh sanhakwatsherá꞉kon ne rontsá꞉nakes ne rotitokénhse; ne kit sá꞉ka iáh teonathahonsatháton, ne káti aoríhwa ní꞉se tashé꞉ion thóh rontsá꞉nake nonkweshón꞉a ne tsi ionhontsá꞉ien.

Nehemiah 9:30 ပူးပေါင်းရင်းမြစ်များ

2 Kings 18:11

Né Assyriaró꞉non rakórahkwe Assyria niashakoiaténhawe Nisraeʼró꞉nons tsi ní꞉ioht ne ratinó꞉tons í꞉ken tánon ótiakes tsi kanatowanénhke ne Halah nón꞉we nasakó꞉teron, ótiakes ó꞉ni ákta ne tsi Konrahrós꞉tha Kaniatarahtátie né tsi watonhontsáien ne Gozan, tánon ótiakes tsi kanatowanénhke ne Media.

2 Kings 21:10

Rononhá꞉ke ne raʼonhatsherashón꞉ʼas ne rotiʼtokenʼséhakwe ne Roiá꞉ner tsi rá꞉wen,

2 Chronicles 24:19

Né Roiá꞉ner iashakoteniethánion ne rotitokenhséhakwe nahonwanaronhkáten rahónha nòkwah niesónhne, ók kíʼ nonhkweʼshón꞉as iáh tehiakáweron nahionhtahónsathate.

Ezra 9:10

“Ók ó꞉nenh ki nón꞉wa, O Sewenní꞉io, onhʼnahó꞉ten ahonsahiakwahkwé꞉ni nahonsahiakwénhron nó꞉nen akwé꞉kon é꞉tho niiawénhen? Shé꞉kon ki á꞉re iáh tetsonkwatewenhnaráhkwen ne karihwatatʼtseras

Nehemiah 9:20

Ní꞉se tashé꞉ion ne sanikonrí꞉iosera ne nashehiónhnien aotinikonraién꞉tahne tánon ní꞉se iáh thitishón꞉ne ne karonhiakhé꞉ka kákhwa ne tsi ratishakáronte, tánon washenekanónte ne tsi nihotiniataʼténskwe.

Nehemiah 9:26

“Ók iáh tehontewenhnaráhkwa tánon rotinontsistahní꞉ron tsi nokwáh ní꞉se tánon í꞉se iehonátses ne sahianerénhsera thóh ratishón꞉ne tánon sakotinonwarhiaʼkhónhnion s rotitokenséhakwe né꞉ne ronónha rotirihwaní꞉raton tsi nokwáh ne ronónha ne nahónton tahonsahontkarahté꞉ni isé꞉ke niahonsahón꞉ne tánon tsi nihonahtié꞉ren kowá꞉nen rotirihwaiesá꞉ton.

Nehemiah 9:29

Tánon ní꞉se washerehtsá꞉ron ne káti nahónton thóh niahonsahon꞉ne saianerenhserá꞉kon. Ók ronthathónhnikwe tánon iáh teonathahonsatháton ne sarihwataʼtsheras, ók wahatirihwané꞉rake tsi nokwáh ne shatiawenráhsera, tó꞉ka ne rónkwe thóh nenhá꞉iere kwáh kíʼ thóh nón꞉we nenhatonhnhathénti. Wahonswaté꞉ni tánon wahontenontsistaní꞉rahte tánon kwáh iáh teonatahonsatáhton.

Psalms 86:15

Ók í꞉se, Ó Sewenní꞉io, né꞉ne sanithenráts꞉kon tánon thiʼsarihwaiéri, iáh tesenakwastó꞉re tánon titkahé꞉re ne iorihwaʼtó꞉ken kanoronkwáhtshera tánon karihwaʼtokentítshera.

Psalms 95:10

Asèken kaiéri niwáhsen niʼioseráke kenakwáhsene nètho onkweshón꞉has waʼkíron, “Né꞉ne onkweshón꞉has né iáh tehiakorihwaʼtóken, tánon iáh tehonthóntats nahontewénnahrakwe nakerihwatatʼtséras.”

Isaiah 28:10

Asèken kwáh nek kok ne rokskwentatonwé꞉ton, asè꞉ken tsi nihatónhnions iáh othénne tekariwástha, asè꞉ken nek kok tetashasfáfa tsi nihatónhnions.”

Isaiah 42:24

Ónhka iehonwatʼkáwen ne Jacob rahonhàke ne rahetkéntha, tánon ne Israel rononhàke ne ratinénskwas? Iáh kén Roiá꞉ner tèken, ne tsi ionkwahrihwáneren tsi nòkwah ne rahónha, ne tsi nihaweienó꞉ten iáh ehʼthohnónwe thaʼteonatekhahákwen, tánon né raoianerénhsera iáh teonatewenhnarákwen?

Isaiah 48:9

Asèken aksénhna aorihwá꞉ke tsi sakenískwahte naʼkenakwáhtshera, Asèken ne aorihwá꞉ke naʼkenonweratón꞉tshera tsi sakatatènese ní꞉se sewarihwáke, né ká꞉ti ne tó꞉sa akwathónhte.

Isaiah 63:10

Ók iáh teonatewenhnará꞉kwen tánon wahonwaʼnikonhrakaréwaʼte né raoʼnikonratokentítshera; né káti wahónhni wathontáʼtsion; kwáh kí rahónha wahonterí꞉io ne ronónha.

Jeremiah 25:4

Kwáh iáh thaʼhisehwathahónshathaʼte iáh ó꞉ni karíhwah thahitiónni, shé꞉kon kíʼ ó꞉ni ne Roiá꞉ner iehokonhthákwen teshaʼkotheniétha ne raonhatsherasónha ne rotitokénse.

Jeremiah 44:22

Ne kwáh kénʼen wenhnisehráhte ne tionhontsashón꞉a ekahkérons iahontsahiesáhon tánon iáh ónhka thóh tetienáhkereh. Waʼtewahnithakwátʼtho, tánon nonhkweshón꞉a rahosénnha ióntstha tsi ieriwahieshá꞉tha ne ahoríhwa ne Roiá꞉ner iáh ónenh thahónthon nahonshaʼhathaʼkátsʼthaʼte tsi nitionkwethaʼhétken tánon kariwáksen tsi nisehwahtiérah.

Jeremiah 44:4

Iewatʼkhontáhkwenh ieʼkhehiateniéthaʼkwe nahkenhatsherahókons ne rotitokénʼse, ronónha ietʼtsiró꞉ri ne tó꞉sa éhtho nahisehwá꞉iereh kí꞉ken tehioriwahnónhiani ne íksons.

Jeremiah 44:5

Ók iáh tesewahthahonshaʼtáhton iáh ó꞉ni karíhwa tetiónhni. Iáh tesehwahtiakwahríshion ne kariwáksen tsi nisehwahtiérah tsi ietʼtsihiatsienʼkwahronhniaténhni ne ó꞉ia niʼiohonkónhas.

Jeremiah 7:25

Ne tewenhnisehráhthekwe ne ietʼtsisotʼthonkonhkénʼen shontahathihiákenʼne ne Egypt tsi nióre nónhwa wenhnisehráte kwáh tiókonthe tsi iekhehiateniéthakwe nakenahtsheraókons, ne rothitó꞉kense.

Lamentations 2:17

Ónen ne Roiá꞉ner thóh naháiere tsi nihoterónkwen; Kwáh iáh kanèka ne kenténron tsi ní꞉ioht tsi wasonkwasénni, tsi nihthotʼróri ne wahónnise tsi náhe. Tasakáwen neh hionkíʼshons natesenniétsera, tasakáwen natʼtsenónniat tsi wahonkhisénni.

Daniel 9:6

Iáh teiakhiiatahonhsatá꞉ton ne sanhaʼtsheraʼó꞉kons ne rotitokenhséhahkwe, sahsén꞉nakon tsi tehatihthárhahkwe ne ionkhinontí꞉ioskwe, ó꞉ni ne ratikó꞉ras iakhishotonkonkénhens, tánon akwé꞉kon ne ón꞉kwe nʼetho nón꞉we niʼienákere.

Zechariah 7:12

tánon wahonterhiashaní꞉rahte tsi ní꞉ioht nonén꞉ia. Tiorì꞉wa tsi iáh tehonahtahonshatáhton ne karihonnienhní꞉tshera iewahkatheniénton rononhà꞉ke ne rotitokenséhakwe ne rohnónhnhekwe wahón꞉niseh tkèn꞉ne, kwáh í꞉ken tsi onhkenhákwen.

Zechariah 7:13

Tiorì꞉wa tsi iáh tehonatahonshatháton nó꞉nen enkathá꞉ti, iáh thatekherihwasherahkwén꞉ni nó꞉nenh enhonterén꞉naien.

Numbers 11:26

Tenihiáse ne tsáta nihatihiatáhsen ne sakotihenténhse, né꞉ne Eldad tánon ne Medad, tót꞉khók ienhíteron tsi nónhwe nihonanahthaiéntakwe tánon iáh tshiehotihiakènʼen ne tsi tewatóhsehrote niahoné꞉nonhke. Thohnónhwe tsi nónhwe nihonanáhtaien Rawenni꞉io raonikónra wahonatsiénhase, tánon tahiatásawenh wathoʼtihénrete tsi ní꞉ioht ne rotitókenhse.

Acts 13:18

Tánon káti kaiéri-niwásen niʼioseráke nikaríwes sakonikonraráhtieskwe ne kahentakekówa.

Acts 28:25

Sók kíʼ sahonténti, tehothiriwatíronte tsi natehóntere, Nónen ne kíʼ tsoríhwa sahénron ne Kór: “Tsi nitkaiéri tsi niháwen ne Ronikonratokénti sahoróri ne roʼtiatat꞉tonkwe Isaiah rononháke ne ietʼtsiʼsotʼthonkonkén꞉en!

Acts 7:51

“Tsi nisanontsistaníron!” ne Stephen hiahatasónteren tsi róhtare. “Tsi niseweriasák꞉sens, tsi naʼtesewahontakwékon tsi nòkwa ne Rawení꞉io rahoteriwanothátsera! Kwáh tsietʼtsiʼiéren ne ietʼtsisottonkonkén꞉ens: í꞉se ó꞉ni iáh nonwénton thetsisewawenʼnarhákwen ne Ronikonratokénti!

Romans 2:4

Kátonkén skenrón꞉ni tsi niʼiókwas neh rahononronkwátsera, ronikonrí꞉io, ronikonkátsʼte. Oriwiʼiohónwe sateriéntare ne Rawenni꞉io tsi nitoriwaiéri Asèken rahtheniéntʼtha nahonsaiasárine nahonsahsatatréwate.

1 Tiér 1:11

Ne Rahonikónra ne Kerístos tsi neh ronatsiénni ohénton tontʼróri ne rahoronhiakénsera ne Kerístos tánon ne kahiatanerakwátseras enhiononterátie.

2 Tiér 1:21

Asèken iáh nonwénton ne iekariwáken nateriwanotátsera ne ónkwe ehnaiakonontonniónʼon, nók kíʼ nónkwe Ronikonriʼióston tesakoniarotarónʼne tsi nahonteriwanóten tsi nontáwe ne Niʼió꞉ne.

2 Tiér 3:9

Ne Roiá꞉ner iáh tehohiatakenhéion ne thóh naháiere tsi nihorahrátston, tsi ní꞉ienre nótiakes. Kék, iárare, tsioríhwa tsi iáh tatehotonwentióni nónka aiehiatáton, nók neh tehotonwentióni ne tahonsahiontkaraténi tsi nihiakoriwáneren.