Nehemiah 9:10 - Ohiatonhseratokénti

¹⁰ Tánon ní꞉se thisatkáwenhs tsi nisehnéstons tánon ne iorihwanerakwahténions tsiatkontáhon ne Pharaoh tánon sehiatkontáhon ratikwé꞉kon ne raonhatsherashón꞉as tánon seiatkontáhon ratikwé꞉kon nonkwehó꞉kons ne rahonhontsà꞉ke, tiorì꞉wa ní꞉se saterienʼtá꞉rakwe né꞉tho tsi nahatí꞉iere kanaieshé꞉ra wahakhokʼkónhten. Káti ní꞉se ne wahshón꞉niate ne sashén꞉na né꞉tho akatáhke ne kén꞉en wenhniserá꞉te.

Nehemiah 9:10 ပူးပေါင်းရင်းမြစ်များ

Nehemiah 9:16

“Ók neh ronón꞉ha tánon neh iakhinihó꞉kons tsi nahatí꞉iere wahonthatónhnine tánon rotinontsistaní꞉rons tánon iáh tehonatahonsatháton ne sharihwataʼtsheras.

Nehemiah 9:29

Tánon ní꞉se washerehtsá꞉ron ne káti nahónton thóh niahonsahon꞉ne saianerenhserá꞉kon. Ók ronthathónhnikwe tánon iáh teonathahonsatháton ne sarihwataʼtsheras, ók wahatirihwané꞉rake tsi nokwáh ne shatiawenráhsera, tó꞉ka ne rónkwe thóh nenhá꞉iere kwáh kíʼ thóh nón꞉we nenhatonhnhathénti. Wahonswaté꞉ni tánon wahontenontsistaní꞉rahte tánon kwáh iáh teonatahonsatáhton.

Psalms 83:18

Tánon sehtokáhten tsi kwáh séh shonháhak khók í꞉ken, né sasénhna né꞉ne Roiá꞉ner í꞉ken, né꞉ne kwáh ohontsakwékon tisaʼshaststenhserowánen.

Exodus 18:11

Ónenh kíʼ onhkateriéntarahʼne nètho Roiá꞉ner tsi sénha roshaststenseroʼwá꞉nen tsi ní꞉ioht nakwékon ne ratiní꞉ios, tsoríwa tsi thóh kí ken nahá꞉iere nónenh ne Egyptró꞉nons wahonwanaʼtewenienʼnakʼsá꞉ten ne lsarerʼró꞉nons tsi nióre tsi ronahʼtenontsisʼtaniráhton.”

Exodus 3:20

Ók kíʼ akeshatsʼténsera ènkatsʼte tánon kwáh enkheréwahthe ne Egyptró꞉nons tsi nihonahtié꞉ren ne ioteriwákʼtherons né nónhwe. Ethòne kí entsisewaríhon né thoʼniahísewe.

Exodus 5:2

“Ónhka nènhʼne ne Roiá꞉ner?” ne Ronhnonhtí꞉io wahariʼwahnónhton. “Ónhʼnonhtié꞉ren tsi né nahiʼhiatahónshataʼte tánon nakatʼthóntate akhehiáʼtkawe ne lsraeró꞉nons? Iáh tehiʼientéri ne Roiá꞉ner; tánon iáh kíʼ takhehiátʼkaʼwe nʼIsraerʼró꞉nons.”

Exodus 7:1

Ne Roiá꞉ner wahénron, “Thóh nenh konhiaʼtótensʼthe tsi shíʼken ní꞉ioht ne Rawenni꞉io á꞉kenhake rahonhàke ne Ronhnonhtí꞉io, tánon ne iatsíha Aaron rahónʼa tennhitháren tsi ní꞉ioht ne sonhkwéta rotó꞉kenʼse aʼkénhake.

Exodus 9:16

Ók né kíʼ nakènesthe nakeshastsʼténsera waʼkonhríhon nahshón꞉nheke né káti nahónton tahonré꞉ni tsi nihiohóntsa tsi niksenhnowáhnen.

Isaiah 42:20

Wé꞉so iorihwàke ratkáthos, ók iáh kí tehatenikonráh꞉ra; né rahóntake iotenontónhkwen, ók iáh kí tahothónhtene.

Isaiah 63:12

ónhka iaʼkorihonhníhon ne raoʼnenhtsanerá꞉kwat né thóh ahonthénhti né tsi raʼweientethá꞉kwen nahanénhtsati ne Mahís, ónhka teiakonekhatʼkáshion né raoʼtihénton nahatatónhnien né iaʼtehahiá꞉ti ahasenhnaʼtátie né tsi nénhwe enkénhake,

Isaiah 63:14

Kwáh né꞉ne tionhnónskwahrons iahonaʼnonhtasnenhnonhátie nahonrákwahkon, né rahonhnísera ne Roiá꞉ner taiakáwenh natorihsénhtshera. Tsi ní꞉ioht tsi sehenthénhse ne shonkwetaʼshónhas, né ní꞉se asatatónhnien né iosenhnanerákwat.

Jeremiah 32:20

Ne wahonníseh tkènʼne iorihwahnerahkwahténions ó꞉ni ioneráhkwaht tsi nisahiéren ne Egypt nónhwe, tánon ieshakontákwen shahióte shé꞉kon nónhwah wenhnisehrahténions, tetsáron ne Israeronónhke ó꞉ni nakʼtésons nónhwe

Ezekiel 20:9

Ók iáh kíʼ étho tewahtiéren, tsi nátiere né꞉ne ahontákene natkwénienste naksénhna, asèken rahotihénton ne skátʼne ratináhkerekwe nonhkweshón꞉ʼa tsi kherihowahnahténhni ne Israerʼró꞉nons tsi enkhehiasárihne tsi entekhehiatínekenhwe ne Egypt.

Daniel 4:37

“Ó꞉nen káti, í꞉i, Nebuchadnezzar, enhihsénnaien, tenhirénhsaron, ó꞉ni enhiiatanehrákwahte né Ronnontí꞉io né Karonhià꞉ke Thèn꞉teron. Kwáh tsik nenhá꞉iere akwé꞉kon tkarihwaié꞉ri ó꞉ni thoriwaié꞉ri, tánon ó꞉ni enhakwé꞉ni ne tahshakawentshó꞉ten ónhka ne iontatón꞉ni.”

Daniel 5:23

Wahsatathará꞉tate tsi nonkwá꞉ti ne Roiá꞉ner Rawenni꞉io ne karonhiá꞉ke thén꞉teron tánon táhsionʼte ne kátshe ó꞉ni ne akehraʼshón꞉a ne thotíha ne raononhsatokenhtiʼkowáhne. Í꞉se tánon ne sonkweʼtaʼshón꞉ʼa ne ratihsennowá꞉nens, sewaniákhons, sahskareʼó꞉kon, ne wésewatste tsi wesewahnekí꞉ra ne notsì꞉tsa ó꞉ni wesewahsénnaien ne kaiaʼtón꞉ni ne ionniá꞉ton ne ohwistanó꞉ron, kahwistará꞉ken, ne kahwistárhon ne otsì꞉nekwar nikaristó꞉ten, karístatsi, ó꞉iente, tánon ne onén꞉ia—kaiaʼtón꞉nis ne iáh tekontí꞉ken tánon iáh teionathón꞉te iáh ó꞉ni thé꞉nen teionaterién꞉tare. Nok iáh tehtskweniénhston ne Rawenni꞉io tsi niká꞉ien thoniarotárhon ne tsi sónnhe ó꞉ni tsi satónrie ó꞉ni kwáh tsi ní꞉ioht tsi satoriá꞉nerons.

Daniel 9:15

“O Saiá꞉ner, onkwá꞉wen Ní꞉io, seʼnéhston ne saʼshatsténhsera tsi tahsheiaʼtínekenhwe ne sonkwé꞉ta ne Egypt, tánon ne saʼshatsténhsera shé꞉kon niiakwé꞉iare. Ionkwarihwané꞉ren; teionkwaterientawenrié꞉on.

Acts 7:36

Wasakohéntense nonkwesónha tsi tahathihiáken꞉ne ne Egypt, roteriwatentiathonhatie nʼóriwanerakwaténions ó꞉ni ionerakwaténions neh nónwe Egypt ó꞉ni neh tsi Tkaniatáro ne Onekwéntara tánon ne kaiéri-niwásen nihioseráke nikaríwes thóhnon ne Egypt ranákereʼkwe.

Romans 9:17

Asèken nowenʼnatokénti rohróris ne Egypt ronnontí꞉io, “Í꞉i wakonnontí꞉ioste neh nahontáwe nakonʼniáhese nakéneste nakesatsʼténsera tánon tahonréni naksénʼna nonhontsiakwékon.”

Deuteronomy 4:34

Ónhkak kén ne ní꞉io nonhwénton roteʼniénten niá꞉re tánon iashakoʼnónhke nónhkwe ne thihononhontsá꞉te tánon raónha rahonkwè꞉ta ashakaʼón꞉ni, tsi né nihoié꞉ren ne Roiá꞉ner sewaNí꞉io ne Egypt nón꞉we? Kwáh tesewakaʼnerá꞉kwe tsi wà꞉ratste ne raoshatstenhserowaná꞉tshera ó꞉ni ne kaʼshatsʼténshera; tahá꞉hawe ne kanaratarinétsheras ó꞉ni aterihiósera, tsi wahohiò꞉ten neioriwaneraʼkwaténions ó꞉ni ne ionerákwahs, tánon wahronhniá꞉nion ne kaʼteróntsheras tsi naiawénhseron.

Deuteronomy 7:19

Sewehiárak akwé꞉kon thí꞉ken tehiotenonhianì꞉tons kannratarinétsheras né꞉tho sewatkathó꞉serons ne kwáh í꞉se sewakahrà꞉kes, ne ioriwanerakwahténions, tánon ne kaʼshatstenhserowá꞉nen ó꞉ni kaʼshatsténhseras tsi nihótston ne Roiá꞉ner tsi tsisewanerénhshion. Kwáh thóh ní꞉ioht tsi shakoʼtòn꞉ton ne Egyptró꞉nons, akwáh enshakothón꞉te kí꞉ken onhkweshón꞉as ne nónhwa ietshiʼtshà꞉nis.

1 Tiér 5:5

Kwáh ne saoríwa ne nitisewahiónsas ietʼtsikweniénstak ne thoʼtí꞉ions. Tánon kwáh sewakwékon teʼiothonwentióʼon naisewatenihiónten ne tkariwaiéri, tesewatateriwáhwas, Asèken wáhton nʼoriwatokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”