Nehemiah 8:3 - Ohiatonhseratokénti

³ Tánon thóh nón꞉we wahawenhnanó꞉ten ohénton ne kanahthakweʼní꞉ioke nétho né꞉ne ohénton nohnékanos tsi iotenhenraká꞉ronhte, ne noronhkè꞉ne kwáh tsi niió꞉re nénhtie niká꞉re, raotihénton ne ronhnón꞉kwe tánon ne konhnón꞉kwe, tánon tsi niiá꞉kon nenhiekwé꞉ni nahiakoʼnikonraiéntahne; tánon nonkwehokóns wahontahonsáthate kwáh tahionteweién꞉ton tsi nikahorotahkwenón꞉ni ne kaianerénhsera.

Nehemiah 8:3 ပူးပေါင်းရင်းမြစ်များ

Nehemiah 10:29

kí꞉ken tsi nikéntons iatiakwatséste ne ionkihenténhse tsi wahakwariwaní꞉rate, thoʼioron ne karawathátsera tóka shí꞉ken taiakwahiá꞉ke, né꞉tho tsi nenhiatiónhneke ne entioianénhawe ne Ní꞉io raoianerenhserá꞉kon, ne tsi Rawenniio tho꞉wi Mahís, né꞉ne Rawenniio raonhá꞉tshera í꞉ken; né꞉tho tsi kwáh asakwawennaráhkwe oriwakwé꞉kon ne Roiá꞉ner, ne Onkwahiá꞉ner sonkwahianerenhseronhniénhni, tánon kwáh oriwakwé꞉kon enhiakwatewenénton tsi nihariwanóntons.

Nehemiah 13:1

Ne thóh nenhniserá꞉tekwe, ne wahatiwenhnanhó꞉ten akohénton nonkweʼokón꞉ʼs tsi nikahiá꞉ton ne Mahís raohiatonserá꞉kon. Tánon thóh nón꞉we nahathitsénhri né꞉tho Ammonró꞉non tánon ne Moabró꞉non né tó꞉sa nonhwén꞉ton ahonwatirí꞉hon nashakonatsathárahse tsi rotitióhkwaien ne Ní꞉io.

Nehemiah 8:1

Ratikwé꞉kon nonkwehó꞉kons wahonhnitsiokwahró꞉roke skátne tsi ní꞉ioht ne tionkweʼtákhok í꞉ken thóh ne kanatakweʼní꞉ioke thóh ohénton nohnékanos tsi iothenhenrakáronhte tánon wahonwénhase ne Ezra né꞉ne rahiatónskwe, ne nahontaháhawe ne teiothiatonhserakwenónhni ne raoianerénhsera Mahís né꞉ne tsi nisakoná꞉hon ne Roiá꞉ner Nisraeró꞉nonʼs.

Nehemiah 8:18

Káti wahawenhnanhóten ne tehiothiatonhserakwenón꞉ni ne raoianerénhsera ne Ní꞉io kwáh niatewenhniserá꞉ke, Tánon wahonterihwathentsáte ne watenikonhró꞉ri né꞉ne tsá꞉ta nón꞉ta niwenhniserá꞉kes tánon ne shatekonhá꞉ton siwenhniserakéhaton, né꞉ne iotokénti tsi ní꞉ioht tsi wahontkenhní꞉sa, tsi thóh nikarihó꞉ten.

Nehemiah 8:4

Tánon ne Ezra né꞉ne rahiá꞉tons thóh í꞉rate ne waskwenhnón꞉te né꞉tho ne ionhniá꞉ton ne kí꞉ken aorihwá꞉ke. Tánon ne rahiatáktah, Mattithiah tánon Shema tánon Ananiah tánon Uriah tánon Hilkiah tánon Maaseiah thóh rónhnete saweientethákwen ók ne Pedaiah tánon Mishael tánon Malchijah tánon Hashum tánon Hasbaddanah, Zechariah, Meshullam thóh rónhnete ne sanekwá꞉ti.

Nehemiah 8:5

Tánon né꞉ne Ezra wahthahiatonhserakhási thóh akohénton nonkweʼtakwé꞉kon è꞉neken rá꞉rate; tánon nó꞉nenh sahahiahthonseranontónko, onkweʼtakwé꞉kon watié꞉tahne.

St. Mark 12:37

Oh kati nekenh naiaȣenne ne Roienha akenhake, ratonse Rakeȣenniio? Akȣekon ok iakaonȣeskȣanihakȣe naiakothonteke tsi rothare.

Luke 19:48

Iah tanon othenon tehatiriȣastsenrieskȣe nahostonte; aseken akȣekon ok nonkȣeokon ronȣaȣennanoronkȣakȣe.

Luke 8:18

Seȣanikonrarak kati tsiniiot tsi seȣathonte: aseken onka roien, sekonse enhsonhion; nok niah othenon tehoien, sekon oni tsinikonha roienha enshonȣakȣa.

Acts 13:15

Sontewennaʼnotháko ne Mahís rahoʼianerénsera ó꞉ni tsi nihothihiatónnion ne rothitokenséhawe, nohénton iehonnéton nononsatokentíke wahonwatiriwanóntonse: “Tewatenrosónhas, tehionkwatonwentióni naietʼtsiretsáron nonkwesónhas tóhka thènen sení꞉ien ne kanikonrahnirátʼtsera ne rahotiriwá꞉ke.”

Acts 13:27

Nonkwesónha ne thóh ratinákere ne Jerusalem ó꞉ni neh sakotihéntense iáh tehonaterientarakwe tsi raónha ne Sakohiatákwas, iáh ó꞉ni tehotinikonraientáʼon ne rotitokenséhakwe rahotiwennahókons tsi nihiotewenʼnánote nononsatokentíke niaʼtewentathokentiʼtseráke. Kwáh káti ó꞉ni neh wakarihónni ne rotitokenséhakwe raotiwennaʼókons ne thóʼkenske ahónton ne tsi wahonwaréwate ne Ié꞉sos.

Acts 15:21

Asèken ne Mahís raoianerénsera wahónnise shiʼiotewennanóte nononsatokentíke kwáh niaʼtewéntake nawentathokentíke, tánon ne raowennaókons kwáh tsi niaʼtekanátake tsi wateriwanóte.”

Acts 16:14

Tiehiáta ne wahonkhiwennáronke Lydia hiontátsiats nehne Thyatira nitiakawénon, neh iontʼkéronskwe ne ariwakonnéha niwashokótens noniataráhas. Nétho hiakónkwe ronwasénnaiensʼkwe ne Rawenni꞉io, tánon ne Roiá꞉ner wahanonthónko nakaweriáne nahiontennikonráren tsi nahóten ráton ne Kór.

Acts 17:11

Neh nónwe, nonkwesónhas sénha ne rontenikonrakthókhas tsi ní꞉ioht ne Thessalonica. Kwáh thoʼthinikonrakontákwen tsi rontahónsahtats nateriwanothátsera, tánon kwáh niaʼtewenniseráke tsi ronteweiénstha noiatonseratokénti neh nahothithókenʼse tóhka kén thóʼkenske tsi nahóten ráton ne Kór.

Acts 20:11

Thóne kanotioharáke nionsáre, watanatáriake, tánon wahanataráke. Ionsahatasónteren sahateriwahnóten tsi nióre iahórenne, thóne sahaténti ne Kór.

Acts 20:7

Nenthákʼtha okarasnéha skátke wahakwatsiataróhroke naiakwahiátaraʼne. Kór wasakoteriwahnót꞉thase nonkwesónha kwáh tsi nióre nashóntʼten, neh tsi entiórenʼne enshaténʼni.

Acts 28:23

Sók kíʼ wahonwenniserahrákwase ne Kór, tánon iakotsokowánen táien neh siwenniseráte tsi nónwe nihotawehiáthonne ne Kór. Oronkéne tsi nióre nokarasnéha wahsakonikonraientáten ne rahoteriwanothátsera ne Rawenni꞉io rahonakerásera, tánon wahateniénten niasakonikonrénhawe tsi nòkwa ne Ié꞉sos tsi nahatárakwe ne Mahís raoianerénsera tánon tsi nihothihiatónnions ne roʼnatiatatkonʼkwe.

Deuteronomy 31:9

Káti ne Mahís wahahiatón꞉nion ne Rawenni꞉io raoianerénhseras tánon né꞉ne Levitical rotikhá꞉res thashaká꞉wen, ne tsi ronónha ratiʼnikónhrare ne nonerówa Roiá꞉ner raoteriwaʼseronhniá꞉tshera í꞉wa, ó꞉ni ne shakotihéntenhses ne Isaerʼró꞉nonke.

1 Thessalonians 2:13

Tánon séhkon óia nahorihóten nontiéren tsi tehtsitewahnonweráhtons ne Rawenni꞉io. Shontakwahawíh꞉ten ne Rawenni꞉io raoterihwahnothátshera, wesewáhronke tánon wesewahtiénawaste, naterihwahnotátshera iáh onkwé꞉ne tetsiawénon ónk ne tsi Rawenni꞉io raoterihwahnotátshera, ne tsi kwáh neh íken. Aséhken ne Rawenni꞉io tionháke nón nihohʼiotáties tsi níh꞉tion ne tisewetákwen.

Joshua 8:35

Kwáh orihwakwé꞉kon ne rahotsawenhrátsheras ne Mahís tsi washakowenhnanóthase ne Joshua ne kanenhrakwé꞉kon ne iakonhitiokwaró꞉ronhne, thóh konhtihiáthare ne konhnónhkwe ó꞉ni ne ratitsaokónhas, ó꞉ni ne tihononhontsá꞉tes ne skátke ratinákeres.

Revelation 2:29

Áhnion ónhka ne teionhontaká꞉ronhte iontahonsátat tsi nahó꞉ten ne Roʼnikonrí꞉ioston ratónhnions ononhà꞉ke nononsatokénhtis.

Revelation 3:22

Ánion nónhka tehionhontakaron꞉te naiakothonhtè꞉ne tsi nahó꞉ten ne Ronikonriióston saʼkawénhnis ne tsi ionterenhnaientáhkwas.”