Nehemiah 8:10 - Ohiatonhseratokénti

¹⁰ Tánon washakawénhase, “Wáhs tánon í꞉sewak ne kakhwáhereh wathenhnikonhró꞉ri tánon sewahnekí꞉ra! Tánon iahetsiiatenié꞉ten ostón꞉ha asè꞉ken ne ronónha iáh ne othé꞉non tehonwatikwahtakwén꞉ni! Asè꞉ken kén꞉en wenhniserá꞉te ne iotokénhti í꞉ken rahonhà꞉ke nón꞉kwa Iá꞉ner. Tánon tó꞉sa sewaktiónhnion, asè꞉ken ne raotsenhnonhniá꞉tshera ne Roiá꞉ner né꞉ne sewá꞉wenk iothenhenraní꞉ron í꞉ken.”

Nehemiah 8:10 ပူးပေါင်းရင်းမြစ်များ

1 Kings 8:66

Né satekonháton siwenhniserakéhaton ne Solomon shasakotékwahte nonhkweshón꞉as nahonsahonthénhti. Kwáh kíʼ ratikwékon tsi wathonwarénhsaron tánon shonatsenhnonhnihátse tsi sahonthénhti tsioríhwa akwékon ne Roiá꞉ner rahohiathateríhtseras thó꞉wi ne rahonhátsera Táwit ó꞉ni nonhkweshón꞉a Nisraerʼró꞉nonhke.

1 Chronicles 16:27

Kaiatanerahkwá꞉tshera tánon kaswatʼthétshera tehotiatháton, kashastsʼténhsera tánon atʼtsennonhniátshera kaná꞉non ne Raʼononsatokentiʼkówaʼne.

Nehemiah 8:11

Tánon ne Levite sak washakahón꞉ni ratikwé꞉kon nonkwehó꞉kons ratónhionʼs, “Tahtesewathó꞉tat! Asè꞉ken ón꞉wa wenhniserá꞉te ne iotokénti í꞉ken tánon ní꞉se kwáh ensewanikonrát꞉sen.”

Nehemiah 8:12

Eʼthò꞉ne ratikwé꞉kons nonkwehó꞉kons iahónhne tánon watonskáhon tánon wahatinekí꞉ra tánon iahonwanateʼnié꞉ten ostón꞉ha tánon wahonteʼnikonhró꞉ri, tiorì꞉wa tsi wahotinikonraién꞉tahne nowenhnashónhas tsi nahonwanaronhká꞉then ne ronónha.

Esther 9:19

Ne ká꞉ti tiorí꞉wa ne Sitaeró꞉non tsi nón꞉we kenʼnikanatá꞉sa ratinákere kaieriʼiawenréhaton shiwenhniseratátie tánon Adar tsi shiwenhní꞉tare rotirákwen ahonteʼnikonhró꞉ri tahontskáhon tánon tahontatawíhon natenná꞉tshera.

Esther 9:22

Thó꞉non ká꞉ti shiwenhniseratátie ne Sitaeró꞉non wahshakonáhtonʼte ne ronwatíhswenhs; kenʼ ká꞉ti shiwenhní꞉tare ne waʼtewatté꞉ni tahotiʼnikòn꞉renʼne, sók ne kaʼnikonhraksénhtshera tonsontté꞉ni atonhnhahráhtshera tánon atshennonniáhtshera. Wahonwatihró꞉ri tho niwenhniserà꞉te nahontenʼnikonhró꞉ri, ahontekhwá꞉ren, tahontatawíhon natenná꞉tshera tánon aontahshakó꞉non ne rotí꞉ten.

Psalms 149:2

Ánion Israerʼró꞉nons ronatʼtsenhnonhníhak rahonháke ne sakohiatíson; ánion nakohiohokónhas ne Zion ronatonnárat rahonháke ne sakononhtí꞉io í꞉ken.

Psalms 89:17

Asèken í꞉se ne raotiʼshaststénhsera í꞉ken tsi thóh nón꞉we nihotiʼiatanerákwat; Né꞉ne sashaststenhseroʼwanenhkó꞉wa waʼhonkwasniénon tsi waʼhakʼkhisénhni ne hionkhíshons.

Proverbs 17:22

Satonhnhá꞉rak ne entkáhawe ensataʼkarí꞉teke. Tókaʼ tió꞉konteʼ saʼnikonhrèn꞉ton skenén꞉ʼa tsi enhsíheie.

Ecclesiastes 11:2

Tóh꞉ka nihiokwénrahre nónhwe iasathakweʼniáien tsi nisakarahtheniáton ne sahwísta—wéso iokwénhrahre ahkénhake—asèken iáh nónhwenhton tesateriéntare onhʼní꞉ioht nateraswakʼsénhtshera nenhshèna kíʼ kénʼen ionwenhtsáte.

Ecclesiastes 2:24

Né kwáh tkariwaiéri tsi nahitewáhtsere né꞉ne tahitewastsʼkáon ó꞉ni ahitewahnekira tánon tewatenikonhró꞉ri tsi nahoténsons tehionkwahtention. Tánon ki ó꞉ni, wakatʼthó꞉ke shé꞉kon kíʼ nonhʼnéʼe kí꞉ken Rawenní꞉ioke seh nitewétha.

Ecclesiastes 3:13

Kwáh tewahkwékon tehiotonhontióʼon ne taetewastsʼkáʼon ó꞉ni naʼetewahnekírah ó꞉ni nahitewatsenhnónhniaʼte tsi nahoténshon ne ionkwahiotén꞉en. Né seh ne Rawenni꞉io rahotathawítshera.

Ecclesiastes 5:18

Kén nahó꞉ten wahkeriwaʼtshénri: né kwáh tsiohiá꞉nere né꞉ne tahitewaskáhon tánon tewanekíra tánon tewahthonnáh꞉ren tsi nahó꞉ten hionkwahioténʼen tsi nikaríwes khók tesonkwáhwi ne Rawenni꞉io nahitiónnheke; né kí꞉ken ne tenhionkwahteriwahsehráhkwahse.

Ecclesiastes 9:7

Wáhs satatʼthén꞉test—tesatskáhon tánon satonnhárak; snekíra ne sanèka otsiatsa tánon satʼtsenhnonhnihák. Thóh seh nihotenikonhrónhni ne Rawenni꞉io nashé꞉re.

Song of Songs 5:1

Táke nakhétakon, tiatenósen, aktsikhéta, waʼkatateróʼrohkse ne wenhienaʼnórons skane ne wenienaʼkonhonson, wáʼkehke nakáʼwenk ohtskeréwak skátʼne naʼkahónha nakʼtsikéta, wakʼnekíra naʼknéka onenharákeri skátʼne nonónhta. Tesewatskà꞉on, O ateróhseras, tánon sewanekí꞉ra; sewanekí꞉ra wesóhak, O sewaténros!

Isaiah 49:5

Tánon ó꞉nen ne Roiá꞉ner rá꞉ton, ónhka iontsatónhni ne tsi watewiʼrahrákwa ne raonhá꞉tsera aká꞉ton, tsi tahontahiʼiaténhawe ne Jacob rahonhá꞉ke, tánon nètho Israerʼró꞉nons nontiérenk rahonhá꞉ke niaʼhonsahónhne, aséken tekerénhsaron raohénton ne Roiá꞉ner, tánon né꞉ne Rawenni꞉io naʼkeshatsʼténhsera wahá꞉ton—

Isaiah 61:10

Kwáh í꞉ken tsi kowá꞉nen enkatonnháren rahonháke ne Roiá꞉ner, kwáh akatonnhetsherakwékon iaʼtetsokétoʼte tsi enwatonnháren rahonháke nakeʼNí꞉io; asèken né ratseronhniáton naoʼtsherónh꞉niat ne kaienawaséhtshera, né rakerorókston né wakóses atiátawi ne aterihwakwahrihshón꞉tsheras í꞉ken, tsi ní꞉ioht né roniák꞉khe waharáseste wahatʼtatsitsaráh꞉raʼke, tánon tsi ní꞉ioht ne ioniát꞉khe wakará꞉seste né ionsthá꞉nion naowistanoroshónhas.

Joel 2:23

Tesewahénret natsenhnonhniá꞉tsheras, sewahioʼokónhas ne Zion, tánon sewatonhná꞉rak rahonhà꞉ke ne Roiá꞉ner ne Sewaní꞉io í꞉ken; asè꞉ken thiatenietén꞉ni nokenhnorésera thóh raoriwakwarishiontserá꞉kon; enthiateniéhten niatakaié꞉rike nokenhnorésera ne kanekákene tánon ne kokwitè꞉ne.

Zechariah 14:21

Tánon kwáh ne iatekatsáhkes ne Jerusalem ó꞉ni ne Judah kwáh káti enhiotokenhtí꞉ke rahohén꞉ton ne Roiá꞉ner Roshatstenhserowá꞉nen. Nonhkweshón꞉ʼa ne iétats ne karihwiiosehiohonkón꞉as ne enhiónste tsi tehienekónhtiesthe noʼwá꞉ron. Nó꞉nen ienʼkáhewe, iáh ó꞉nenh tahonsahenteróntahke ne ratenhní꞉nonhs ne Rahononhsahtokenhtí꞉ke ne Roiá꞉ner Roshatstenhserowá꞉nen.

Luke 11:41

Ashetenrate tanon niare tsini saien, ethone onen oriȣakȣekon ensaianereke.

2 Corinthians 8:2

Ehthó꞉saʼne wentorátie tsi ní꞉ioht tsi ronatenhniseraténion, ó꞉ni kwáh í꞉ken tsi rotí꞉ten, nok kiʼ kwáh ronatonhnháhere tsi niiaweʼtowá꞉nen thatiiéstha.

Philippians 3:4

Tánon kíʼne ahónton neh nátiere. Ne roʼnatsiakhéson thokanónwa tahontaterénsaron, nók kisénha í꞉i wakeríwaien neh takathaterénsaron tsi ní꞉ioht nakorénson.

Revelation 11:10

tánon ne ratiná꞉kere ne tsi ionwenhtsá꞉te kwáh enhonerientí꞉io tánon enhontenhnikonhró꞉ri tánon tenhonthatáwion, tiorì꞉wa kí꞉ken teniiáse rotitokenséhakwe tsi nisakotironhiakéntakwe ne ienákere tsi ionwenhtsá꞉te.

1 Samuel 25:8

Sheʼriwanóntons ne kén nithotiʼiónsa, tánon kwáh eniesaró꞉ri. Ne káti aoríhwa ietsirí꞉hon nakonkweʼtashón꞉ʼahs kén nithotiʼiónshas nahotiʼianerenhseriʼióhake ne sahén꞉ton; asèken tsi wahákwahwe kwáh í꞉ken tsi wenhniserí꞉io nonkwahriwáke. Ahshathóntahte tashé꞉ion tsi nahisaién꞉tahke ne sanhatsheraʼókons ó꞉ni ne etʼtshièn꞉ʼa Táwit.’”