Nehemiah 8:1 - Ohiatonhseratokénti

¹ Ratikwé꞉kon nonkwehó꞉kons wahonhnitsiokwahró꞉roke skátne tsi ní꞉ioht ne tionkweʼtákhok í꞉ken thóh ne kanatakweʼní꞉ioke thóh ohénton nohnékanos tsi iothenhenrakáronhte tánon wahonwénhase ne Ezra né꞉ne rahiatónskwe, ne nahontaháhawe ne teiothiatonhserakwenónhni ne raoianerénhsera Mahís né꞉ne tsi nisakoná꞉hon ne Roiá꞉ner Nisraeró꞉nonʼs.

Nehemiah 8:1 ပူးပေါင်းရင်းမြစ်များ

2 Kings 23:2

tánon skát꞉ke tsi niahónʼne Nononsatokentiʼkó꞉waʼne, rón꞉ne ne ratitsihénstaʼtsis ó꞉ni ne rotiʼtokenséhawe ó꞉ni kaʼnenhrakwé꞉kon nonkweʼshón꞉as, iakokwáhtse ó꞉ni ne iakó꞉ten kwáh kíʼ satèiot. Raotiʼhénton akwé꞉kon ne ronnontí꞉io ioraʼkaréni tsi wasakowenhnanó꞉thaʼse kwáh kaiatonhseraʼkwé꞉kon naterihwaseronhniátshera tsi kíʼ nikatʼtsénhrion nononsatokentiʼkó꞉waʼne.

2 Chronicles 34:15

Wahawénhaʼse ne Shaphan, “Waʼkhatonhseratʼtsénhri kénʼen kíʼ Ononsatokentiʼkówaʼne.” Tahá꞉wen ne Shaphan ne kahiatónhsera,

2 Chronicles 34:30

tánon skát꞉ke tsi niahónhne Nononsatokentiʼkówaʼne, ronaterosenhtátie ne ratitsihénsthatsis ó꞉ni ne Leviró꞉nons tánon ratikwé꞉kon ne ronátiake nonhkweʼshón꞉a, aiakokwahtséhake khés naʼiakotenhtónhake. Raotihénton akwé꞉kon ne ronnontí꞉io iorahkaré꞉ni tsi wahawenhnanhó꞉ten ne kahiatónhsera naʼterihwasehronhniátshera, né꞉ne katʼtsherónhrion Nononsatokentiʼkówaʼne.

Ezra 7:1

Wé꞉so iosehráke onákenhke, nó꞉nen ne Artaxerxes shiakoraʼkó꞉wa ne Persia nón꞉we, thóh ranakerè꞉kwe rónhkwe Ezra ronhwá꞉iatskwe. Shasakowatsirí꞉shake ne sakosotkén꞉en tsi nió꞉re ne Aaron, né꞉ne ratsihenstowá꞉nenʼne, ken ní꞉ioht: Ezra ne roʼnikén꞉en né꞉ne Seraiah, ne roʼnikén꞉en né꞉ne Azariah, né꞉ne roʼnikén꞉en ne Hilkiah,

Ezra 7:10

Ezra wahaterihwatokénsthe ne tsi rónhnhe nahatéweiensthe ne Roiá꞉ner rahoianerénhseras, nahahioténsthe, tánon nashakorihónhnien oriwakwé꞉kons ne kaianerénhseras tánon tsi nikaianerenhseró꞉tens nonhkweshón꞉as Nisraerró꞉nonke.

Ezra 7:11

Ne Rakoraʼkó꞉wa Artaxerxes tahá꞉wen ne ken hiotiéhtons kahiatónhseras ne Ezra, ne ratsihénstatsi ó꞉ni roteweiénston, ne raónha kwáh í꞉ken tsi rotherièn꞉tare ne kaianerénhsera ó꞉ni nahotsawenhrákʼtseras tsi niká꞉ien ne Roiá꞉ner thesakó꞉wi nʼIsraerʼró꞉nons:

Ezra 7:6

Ne Ezra kwáh í꞉ken tsi rothiathonseraweiénston kwáh teiahonkhó꞉ton tsi rotherienhtáres ne kaianerénhsera tsi niká꞉ien ne Roiá꞉ner, ne Sakowenní꞉io ne Israerró꞉nonke, tsi nitó꞉wi ne Mahís. Tiorì꞉wa ne Ezra rahá꞉we ne rahohiathateríhtsheras ne Roiá꞉ner Rahó꞉ní꞉io, ne rakoraʼkó꞉wa akwé꞉kon thó꞉wi tsi nihorihwanón꞉ton. Ne tsathá꞉khaton nihioserathátse shihononhtí꞉iokwe ne Artaxerxes, ne Ezra Babylonia tahatén꞉ti Jerusalem niaháre rotsiokwí꞉ne ne Ratisí꞉taerró꞉nons thóh rathihiaʼtarátie ne ratsihénstatsis, ó꞉ni ne Levites, Nononhsatokentihkó꞉wane ronhterenhnó꞉tas, Nononsatokentihkó꞉wane rathinikónhrare, tánon ne rothihiò꞉tens.

Nehemiah 12:26

Thóh kíʼ nón꞉we ken tsi nihotenhniseraténionskwe ne Joiakim, né꞉ne roʼní꞉ha ne Joshua, né꞉ne roʼní꞉ha ne Jozadak, tánon thóh tsi nihotenhniseraténionskwe ne Nehemiah, né꞉ne rakó꞉raʼkwe tánon Ezra né꞉ne ratsihenstatsikén꞉en tánon shakohiatónhnikwe.

Nehemiah 12:37

Tánon thóh tsi Tsoné꞉kote Iotenhenrénhton thóh rahotihén꞉ton, thóh iahá꞉tiratʼthen tsi niehiawé꞉non ne tsitkaná꞉thaien ne Táwit, iahonthakwarihshiá꞉te tsi tewashón꞉thote è꞉neken tsi ronón꞉shote ne Táwit tánon tsi tkarakwí꞉nekens nohné꞉kanos tiotenhenrakáronhte.

Nehemiah 3:26

tánon ononsatokentikó꞉wa ratináskwa thóh nón꞉we Ophel nihatinákere, sahatikwahtakwenhá꞉ton kwáh tsi niió꞉re ne onékanos tiotenhenrakáronhte né꞉ne tsit karahkwí꞉nekens nokwá꞉ti tánon tsi niió꞉re tsi iehioniasakétote ne tsi kanikatóte.

Nehemiah 8:16

Káti nonkwehó꞉kóns iahehiá꞉kenhne tánon tahieháhseron tánon wahakonhniánion ne waskwahkarénhre ne ronónha raotirihwà꞉ke, kwáh tsi niatehá꞉ti ne ronhnónkwe tsi rotihiò꞉te ne rahoʼnhoronhkwená꞉kes ne tsi ronónhshote tánon ne raotenhenrákons, tánon ne raothenhenrákon ne tsi ronónhshote ne Ní꞉io, tánon ne kanatakweʼní꞉ioke ne ohnékanos tsi iothenhenrakáronhte tánon ne kanatakwení꞉ioke ne Ephraimke iothenhenrakáronhte.

Nehemiah 8:3

Tánon thóh nón꞉we wahawenhnanó꞉ten ohénton ne kanahthakweʼní꞉ioke nétho né꞉ne ohénton nohnékanos tsi iotenhenraká꞉ronhte, ne noronhkè꞉ne kwáh tsi niió꞉re nénhtie niká꞉re, raotihénton ne ronhnón꞉kwe tánon ne konhnón꞉kwe, tánon tsi niiá꞉kon nenhiekwé꞉ni nahiakoʼnikonraiéntahne; tánon nonkwehokóns wahontahonsáthate kwáh tahionteweién꞉ton tsi nikahorotahkwenón꞉ni ne kaianerénhsera.

Isaiah 8:20

né꞉ne karihonhnienhnítshera tánon ne tionthateriwiʼiostenhnítha?” Orihwiʼiohónwe, tsi niiákon ne kí thóh ní꞉ioht tsi iontátis kwáh kí iáh tahiakoiéntahne nahiakórenhne!

Leviticus 9:5

Kwáh oriwakwékon ohénton tsi watóhsehroʼthe niahatíhaʼwe tsi kíʼ nihorihwíson ne Mahís, tánon kwáh kanakeraserakwékon thóh nónhwe nahontsataróroʼke nahonwasénhnaien ne Roiá꞉ner.

Malachi 4:4

Sewehiá꞉rak ne raorihonnienníhtshera nakehnhá꞉tshera Mahís, ne kaianerènhseraʼs ó꞉ni ne karihwatáhtsheraʼs tsi nithiiá꞉wi ne Horeb nón꞉we ne nonkweʼtakwé꞉kon NʼIsraelró꞉nonʼs raotirihwá꞉ke.

Matthew 13:52

Nok ȣasakaȣenhase ȣahenron: ne kati ȣahonni ne Raiatons nakȣa rariȣaienteri ne Niio raoriȣasonha, neh teshiatieren tsiniiot ne ronkȣe raorontotserakon tatakȣas noriȣase oni noriȣakaionshon.

Matthew 23:13

Nok ki tanon nise seȣententasere ne Seȣaiatons oni Pharisian Akonȣara! iestsinnhotonse nonkȣeokon naiontaȣeiate ne Karonhiake; iah ki tanon oni nise teseȣataȣeiatane, iah oni teietsiiaȣis niienre iakataȣeiat, nʼiaiontaȣeiate.

Matthew 23:2

ȣahenron: Ratiiatons oni ne Pharisian Moïs raonistskȣarane ratistskȣahere.

Matthew 23:34

Aseken naontakȣatennietase, Rotitokense, thononkȣetaieri oni ratiiatons, aietsiiaȣentho se are, aietsiiasakestsko, aietsisokȣaȣesonnion tsi seȣaterennaientakȣa, nok aietsisereson aietsinaskȣenhaȣison tsi seȣanataienton.

Deuteronomy 31:11

Sewenhnanótas nonhkweshón꞉as nʼIsraerʼronónke nó꞉nen enʼthónhne nahonwashén꞉naien ne Roiá꞉ner sewaNí꞉io né꞉ne tsi nón꞉we nihionterenhnaientáhkwa.

Judges 20:1

Onhkwetaʼkwékon Nisraerró꞉nonhke né꞉ne Dan thontásawen tsi nióre né othoréke nòkwahti ne Beersheba niaháhe thó꞉ne enhtiéne nòkwahti nonhsáwe, kwáh ó꞉ni thóh nihioiánere ne tsi ionhontsáien ne Gilead né꞉ne ná꞉kon nòkwahti, wathatirihwásnieʼne. Énskak khók tsi nónhwe nahonteróhroʼke né rahohénton ne Roiá꞉ner né꞉ne Mizpah nónhwe.

Judges 20:8

Onhkwetaʼkwékon watiétaʼne tánon wahonhníron, “Iáh ónhka tsi nihiátson, né꞉ne atohsehrákon khés ne kanónskon ahieterónhthake, thahonsahathénhti.