Nehemiah 7:5 - Ohiatonhseratokénti

⁵ Eʼthó꞉ne ne ní꞉io wahakenikonráhtha skátne ne ratisennhó꞉wanens tánon ne sakotikó꞉ras nonkweshón꞉as nahiontát꞉tsenhnaren. Tánon wakhetsénhri ne kahorohtahkwehnónhni ne iontatsenhnaráhkwah ne tsi nihiá꞉kon ne tsakotserénhton tsá꞉kawehnon tánon wakheʼtsénhri ne ionón꞉teratse tsi nikahiá꞉ton ne thóh nón꞉we:

Nehemiah 7:5 ပူးပေါင်းရင်းမြစ်များ

Ezra 7:27

Ezra wahèn꞉ron, “Tehonwanonhwerá꞉ton ne Roiá꞉ner, ne sháko Ní꞉io ne iethisoʼthonkonhkén꞉en! Wahahónhnien ne rakó꞉ra ne nahonikonhroténhake tsi thóh ki ní꞉ioht tsi ahakwéniensthe ne rahononhsatokentihkó꞉wa ne Roiá꞉ner ne Jerusalem nón꞉we.

Nehemiah 5:19

Taʼkweʼhiárat tánon tatiatatérist, akeʼNí꞉io, asè꞉ken akwé꞉kon ne ioiánere tsi nikhehiatiérase kí꞉ken onkweshón꞉a.

Nehemiah 6:14

Sehiarák, akeNí꞉io, ne Tobiah tánon ne Sanballat, neh nisehre tsi nihó꞉tihiotenhseró꞉tens tánon ó꞉ni ne Noadiah ne iotó꞉kenhse tánon notsá꞉kes ne rotitó꞉kenhse ronón꞉ha wahá꞉tirihwakwé꞉ni nahonterón꞉ne.

Nehemiah 7:4

Nón꞉wa ne kanatowanénhke kwáh í꞉ken tsi tewathá꞉karon tánon kanahtowáhnen, ók nón꞉kwe né꞉tho ienákereh kenk nihiákon; tánon iáh ne skanón꞉sa tekanonshón꞉ʼni.

Nehemiah 7:64

Ne ronón꞉ha aowenkenhá꞉ke nahón꞉watisenhnarake ók iáh kíʼtehó꞉titsenhrion; tánon sahón꞉watitsihenstarí꞉si tsi ratitsihenstatsikenʼen neh tsi teotihiá꞉thationʼs.

Proverbs 2:6

Ne tsi Roiá꞉ner thatká꞉waʼs attokháhtshera ráonha ó꞉ni thatká꞉waʼs karihonnienníhtshera tánon kaʼnikonhraientáhtshera.

Proverbs 3:6

Tshehià꞉rak ne Roiá꞉ner, akwé꞉kon tsi nenhsatieránion tánon enhianaʼtón꞉hahse tsi nahò꞉ten tkariwaié꞉ri.

1 Corinthians 15:10

Ónk né tsi Rawenni꞉io raoténrat thóh nitiatóten tsi kíʼ nitiatóten, tánon ne kenténrat tahkáwi iáh tehioiesháhon. Khèʼkok, sénha wahkakwísron tsi ontióten tsi ní꞉ioht ne rohnáhtiakes ne ratikwekónne, éhʼtho sáne iáh í꞉i thóh tewákʼshon, ónk né꞉ne Rawenni꞉io raoténrat tsi ioiotáties nahkónhahke.

2 Corinthians 3:5

Iáh teionkwaianerenhserá꞉ien ne aietewathró꞉ri oh nahò꞉ten aionkwaióʼten ne iaʼtetewaiá꞉ti. Rawenni꞉io tehshonkwá꞉wis tsi naʼteiotonhontsó꞉hon ne thé꞉nen naietewá꞉iere.

2 Corinthians 8:16

Kwahʼ í꞉ken tsi tekatenonhwerá꞉tons ne Rawenni꞉io tsi iahó꞉reke ne Titus ne tho ní꞉ioht tsi tatshisewarihwasniéhse tsi ní꞉ʼi ní꞉ioht.

Colossians 1:29

Nakáshon kí꞉ken wahtióte ó꞉ni tewakniotátie, wahkatstónhatie ne kasatstenhserowá꞉nen ne Kerístos takáwis tánon akonhá꞉ke nón꞉we niiohiò꞉te.

Ne꞉ne Sák Rohiaton 1:16

Tóhsa ietʼtsinikonráhten, tekanóron tewatenrosónhas!