Nehemiah 6:9 - Ohiatonhseratokénti

⁹ Aseʼken ratikwé꞉kon wahón꞉khiionhnien nahionkwahterón꞉ne, rontón꞉nionʼs, “Ne rontsá꞉nakes kwáh kíʼ enhiotsiiohá꞉ne tsi nòkwah ne raotiiotensera tánon iáh thóh thá꞉iawenhne.” Ó꞉nenh kíʼseshaststenseron ne katsá꞉nake.

Nehemiah 6:9 ပူးပေါင်းရင်းမြစ်များ

2 Chronicles 15:7

Ók ní꞉se ónenk kíʼ tsi ensheshástsʼteke tánon tó꞉sa tashanikonhró꞉ko. Né kahioténhsera nenhsahióten tsi kwáh kíʼ tenhiesarihwasehrákwahse.”

2 Chronicles 32:18

Né ronaterihóntons Hebrew wahontewenhnónh꞉thaʼkwe tsi waʼtotihénrehte né nahóntonh ashakotiterónhkwen tánon tashakonanikonhrhiáhten nonhkweʼshón꞉as ne Jerusalem nón꞉we né꞉ne tsi tekensténhroʼte ne watenhénrahien ratírahte ne kanatowanénhke, né ká꞉ti nahontsehsénhake nahitiʼiéna ne kanatowanénhke.

Ezra 1:6

Rathikwé꞉kon ne tehononhsanekhánions wahonwatiié꞉nawaʼse tsi nonthahonhwénhnon ne niatekonsónhas: kawistará꞉kens tsi nihonsthasónhas, owistanó꞉rons, tsi natehiothonhontsó꞉hon ne tahonthahákwe, ne konhthitsé꞉nen nahontrienakéthate, noianihiothánions ne kanorónhsons, tánon ne tkaiesthánions nononhsatokentihkówane.

Nehemiah 6:14

Sehiarák, akeNí꞉io, ne Tobiah tánon ne Sanballat, neh nisehre tsi nihó꞉tihiotenhseró꞉tens tánon ó꞉ni ne Noadiah ne iotó꞉kenhse tánon notsá꞉kes ne rotitó꞉kenhse ronón꞉ha wahá꞉tirihwakwé꞉ni nahonterón꞉ne.

Psalms 138:3

Né tewenhniserátekwe shiakonhnáton, wateskerihwasehrákwahse, sénha sahshesasthénseron nakatónnhets.

Psalms 56:3

né nó꞉nen wák꞉terons, thóh wáʼtsien naketakwenhtséra í꞉seke.

Psalms 68:35

Tsi nihohiatanerá꞉kwat ne Rawenni꞉io tsi nontáre ne Raononsatokentikówaʼne, né Sakoní꞉io í꞉ken Nisraeronónke; tatkáwas ne kashasténhsera tánon sahkosastenhseráwis ne rahonkwetashón꞉has. Ronhwaʼsénhnaien ne Rawenni꞉io!

Psalms 71:1

Shonháke, Ó Saiá꞉ner, nón꞉we nikeniahésen; Tó꞉sa nonwénhton satthóntat nahionkatéhate

Isaiah 40:29

Shakoshatsʼtenhseráwis ne tehiaʼkowisehéion, tánon shaʼkosatsʼtenhseráwis ne iáh othènon teiéstha.

Isaiah 41:10

tó꞉sa sáteron, asèken í꞉i tenikwé꞉kon, tó꞉sa sáteron, asèken í꞉i ne Saní꞉io í꞉ken; Kwáh kí enkonsasténhseron, kwáh kí enkoniénawaʼse, Kwáh kí enkonhiatenháwa né watesenhniétha ne tsi keweientetákwen.

Jeremiah 38:4

Ethóhʼne ne ronahterihóntons ronnonhtí꞉ioʼke niaʼhónʼne tánon wahonníron, “Kí꞉ken rónkwe ónenhk tsi enhonwáhrhio. Kíʼ tsi ní꞉ioht tsi róhthareh teshaʼnikonhkonhrhiatʼténnis ne ronterí꞉ios kíʼ kénʼen kanatowáhnen, tánon thóh nishaʼkohiérahse tsi nihiákon iaʼtehiakothaténron ne kanatowáhnen. Iáh tehatheniéntha nashaʼkohiénawahse nonhkweshón꞉a; kwáh nek khók írehre nashaʼkokahréwahthe.”

Ezekiel 30:24

Ethòne ne enkeshastsʼténsehron ne ranenhtʼtsháke ne Babylonia Ronhnontí꞉io tánon ratshanáhke énhkren nakasarehkówa. Ók kíʼ tenhinénhtʼtshiake ne Egypt Ronhnontí꞉io, tánon enhahónsehne tánon enhrénheie raothihénton ne tehontátʼtsions.

Zechariah 10:12

Kwáh enkhéhion nahkonhkweʼtashón꞉ʼa nahathishátsteke; kwáh enhiontsén꞉nahien ó꞉ni enhionkewenhnaráhkwake.” Ne Roiá꞉ner rothatí꞉hon.

2 Corinthians 12:9

Nok tontaharihwaserá꞉ko, “Thok ní꞉kon tesatonhontsó꞉ni ahshá꞉wake ne nakitén꞉rat. Tho nikahá꞉wi akkweniáhtshera kwáh ísi nón꞉we nikáhsatste nó꞉nen ní꞉se iáh tesonhnháhsatste.” Tóka káti ne Kerístos tiókonte tahakwawihátie ne raokweniáhtshera, kwáh akwatshennonniahtsherá꞉kon tsi akatahthá꞉rahkwe tsi niwaktsí꞉ioha.

Ephesians 3:16

Rawenniʼióke nón niwakaterénʼnaien neh tsioríhwa tsi nitʼkowánen ne rahohiataterítsera ne karonhiáke nahontatsítion ó꞉ni sewatʼtháwa ne kasatsʼténsera Asèken rahónha ne Rawenni꞉io theʼtsisewáwis ne kasatsʼténsera ne sewahnikonrakéʼsons.

Ephesians 6:10

Iakáhewe, sewatesatsʼtenserónni tsi tesewateriwasóntere ne Roiá꞉ner tánon tsi nikéntons tsi nihosastenserowánen.

Philippians 4:13

Kwá tsík nakahiotenseróten enkʼkwéni nahontióten tioríwa tsi Kerístos rahkesastenseráwis.

Hebrews 12:12

Sewaharáhtat ne teiowisenhéion sewahtshanákes, tánon sewahshatsʼténseron ne tehiowishiónkwahs sewahkwí꞉tiaʼkes!

1 Tiér 5:10

Nók nónen kén nikariwésʼsha wesewaronhiáken, Rawenni꞉io ne akwékon niesakoténre, shieʼianátons nasatiátaren ne rahówenk kaiatanerakwátsera tsi nénwe ne tsi tehonateriwasóntere ne Kerístos, kwáh rahonhatsíwa enshiakwatákwase tánon éntʼhion ne kariwanirátsʼtsera, kasasténsera, tánon kwáh ioníron tsi tkenstskwáhere.

1 Samuel 30:6

Ne Táwit tsi teiotenonʼianíton tehothatenikónrahre; asèken nonkweókon iakotharákwen ahonwahnenhióiaʼke tsi ahonwanonwahrhiá꞉kon, tsió꞉riwa tsi onkweʼtakwé꞉kon tsi iakonakwénhen ne tsi wahakótonhse nakonekenterashón꞉ʼahs ó꞉ni ne sakotiʼiohokón꞉has tsionatthonwísens. Ók ne Táwit sahathaʼteshatsténseron thóh raonháke ne Roiá꞉ner Raoní꞉io.