Nehemiah 5:12 - Ohiatonhseratokénti

¹² Eʼthò꞉ne wahonhní꞉ron, “Kwáh ki thentsiakhíhion tánon iáh othé꞉nen thahiakhirihwanón꞉tonhse; kwáh ki thóh nenhiakwáhiere tsi nisá꞉ton.” Eʼthò꞉ne iakhenón꞉ke ne ratiʼtsihénstatsis tánon wakhehiónhnien nahatirihwaní꞉rate thóh nihatí꞉iere ne tiohianénhaf kí꞉kens owenhnaʼshón꞉as.

Nehemiah 5:12 ပူးပေါင်းရင်းမြစ်များ

Ezra 10:12

Nonhkweshón꞉as tethotihén꞉rete tsi wathatirihwaʼserá꞉ko, “Et nenhiakwáhiere tsi nahó꞉ten enhshí꞉ron.”

Ezra 10:5

Sók ki ne Ezra tahatháhsawen washakahónhnien ne rathitsihénstatsis, ó꞉ni ne Levites, tánon ne ronátiaʼkes nonhkweshón꞉as nahatirihwaní꞉rahthe tsi thóh nenhatí꞉iere tsi nahshakotenhnikónhron ne Shecaniah.

Nehemiah 10:29

kí꞉ken tsi nikéntons iatiakwatséste ne ionkihenténhse tsi wahakwariwaní꞉rate, thoʼioron ne karawathátsera tóka shí꞉ken taiakwahiá꞉ke, né꞉tho tsi nenhiatiónhneke ne entioianénhawe ne Ní꞉io raoianerenhserá꞉kon, ne tsi Rawenniio tho꞉wi Mahís, né꞉ne Rawenniio raonhá꞉tshera í꞉ken; né꞉tho tsi kwáh asakwawennaráhkwe oriwakwé꞉kon ne Roiá꞉ner, ne Onkwahiá꞉ner sonkwahianerenhseronhniénhni, tánon kwáh oriwakwé꞉kon enhiakwatewenénton tsi nihariwanóntons.

Nehemiah 10:30

Tánon iáh tsiaiahkhiiátkaʼwe ne iakhiioʼokón꞉as tsonaʼtonhwí꞉sens nahotiniáke ne rononhà꞉ke ronónkwes ne tsi ionhontsá꞉te, khéhs nahontahiahiiaténhawe ne sakotiioʼhó꞉konʼs tsonathonwí꞉sens né꞉ne nahotiniáke ne onkwanekenhteronhtsherashón꞉as.

Nehemiah 10:31

Tánon tó꞉ka nonkwehó꞉kons ne tsi ionhontsá꞉te ahontahatí꞉hawe natkeronhthátshera ó꞉ni noná꞉tsa ne thóh enwenhniserá꞉teke Sabbath ne nahontʼkeron, ethò꞉ne kíʼkwáh iáh thahiakwahní꞉non né꞉tho enwenhniserá꞉teke Sabbath khéhs ne thikánionk iawenhthatokénton akénhake; tánon kwáh iáh tahonsahiakwátste nohóntsa ne tsatá꞉khaton enhioserá꞉teke tánon akwé꞉kon tsi niiotkaró꞉ten enkanikonrénhen.

Nehemiah 13:25

Káti watsiakwarihwakena tánon wakhekenrenhserón꞉ni; wakhenontsistá꞉hiahakon ótiaʼkes ne ronhnón꞉kwe tánon watekhenonkhísaron. Tánon wakhehiónhnien nahonwarihwaní꞉ratse ne Ní꞉io nahontón꞉heke, “ní꞉se iáh tsiasehiatʼkawe ne sheiohokón꞉as tionattonhwí꞉sens rononhà꞉ke ne raotinekenteronhtsherashón꞉as, khehs niahitsí꞉nonke ne sakotihiohokónhas tsionaʼthonwí꞉sens ne sewanekenterontsherashón꞉as raotirihwà꞉ke, khéhs ní꞉se sewarihwà꞉ke.”

Nehemiah 5:11

Thontaietsí꞉ion nón꞉wa wenhniserá꞉te ne rahotihéntas, tsi ratinenharaién꞉thotas, ne tsi ronateronthó꞉tons ne iakeniewá꞉thas tánon ne raotinonshashón꞉as, tánon akwé꞉kons ne raotiwístas, thóh kárak ne watehiá꞉rons, tánon ne onátsas tánon nonenhará꞉keris tánon ne ronatenhienón꞉ni, né꞉tho tsi ietsí꞉kwen!”

Matthew 26:63

Iah oh tahenron ne Iesos Nok ne Ratsihenstoȣanen tontahenron: ȣakonriȣaneken raosennakon ne Niio, naskȣarori ise kenh ne Keristos, Niio Roienha.

Luke 19:8

Nok ne Zaché eh ȣathatane rahohenton ne Roianer ȣahenron: Saianer asennon nenkheion tsiniȣakien ne iakotent: nok kaneka nakhekaronnihke kaieri natentiaseren tsi enskien.