Nehemiah 5:10 - Ohiatonhseratokénti

¹⁰ Í꞉i tánon ne iatiatatekénʼha kwáh ó꞉ni iakhiwistanihásere tánon nonátsas. Áhion tewatewénhtet ki꞉ken tsi nahó꞉ten tewarihwanón꞉tons.

Nehemiah 5:10 ပူးပေါင်းရင်းမြစ်များ

Nehemiah 10:32

Tánon wahakwatianerenhserónhnien ne nahiakwatatkaraiénhase oʼwístah ahiakwahkáriaʼke ne iateioserá꞉ke tsi nikahiothenseró꞉tens akahiothénhen ne raonónskon nonkwáh Ní꞉io.

Nehemiah 5:11

Thontaietsí꞉ion nón꞉wa wenhniserá꞉te ne rahotihéntas, tsi ratinenharaién꞉thotas, ne tsi ronateronthó꞉tons ne iakeniewá꞉thas tánon ne raotinonshashón꞉as, tánon akwé꞉kons ne raotiwístas, thóh kárak ne watehiá꞉rons, tánon ne onátsas tánon nonenhará꞉keris tánon ne ronatenhienón꞉ni, né꞉tho tsi ietsí꞉kwen!”

Nehemiah 5:7

Eʼthò꞉ne ó꞉nen sakathatenikonrí꞉sake, tánon wakhehiatónhseron ne ratishenhnowá꞉nens tánon ne ratikoráhshons tánon wakheién꞉hase, “Tsi ietsiwistaní꞉has watehiá꞉rons ne sewathatekenʼokón꞉as.” Tánon kowá꞉nen wakatkenhnisahatierónhni ne rononhà꞉ke.

Nehemiah 5:9

Iakatahshón꞉teren katónhnions “Iáh teioiánere né꞉tho tsi nisatié꞉ra. Iáh ken teió꞉wenk thóh nón꞉we nasaténhti atietsaníseke ne onkwaní꞉io tiorì꞉wa tsi ionkhisenhnát꞉satha ne ionkhí꞉sons?

Psalms 15:5

Nenhsakowístani iáh tehára ne watehiárons, tánon iáh thatehonwatsikhetároseh nasakokʼkónhten ne iáh tehiakoníkon. Tsi nihiákon kíʼ kén thóh niweiehnó꞉ten iáh kíʼ nonwénhton tahiakohiathíshonkwe.

Isaiah 58:6

Iáh kén né kí꞉ken tèken naʼiakawenhtónhtieʼte ne wakerá꞉kwen: né꞉ne tahonsakenensterénhsi tsi nikáneren ne iáh tetkariwaiéri, nahonsahkinotarihshiónko ne waʼtientaniákta, nakheríhon ne iontaʼtwisátha ahonsaʼhionthatewenhní꞉ioʼne, tánon tentsiá꞉khon kwáh tsi níkon káien ne watientaniákta?

Ezekiel 18:13

tánon ratwistaníhas nahatwisthónhniate. Enrónhnheke onhtèken? Iáh, kwáh iáh. Kwáh akwékon eh nihohieráhnion kíʼ ioteriwahtehasónhas, tánon káti kwáh enrénheie. Kwáh rahonhatsíwa enthoteráhse tsi enrénheie.

Ezekiel 18:7

Iáh tehanikonhráhtha iáh ó꞉ni ónhka teshakonénhskwas. Iesatʼkáwas nónhka thènenh iakokʼkarahienthá꞉kwen nahsakoníhenke; shakonónhtens ne ionhthonkárhiaks tánon shakówis natʼtsherónhniat ne iáh tehiakoktsheronhniakwáhien.

Ezekiel 18:8

Iáh ne tèken tsi shakowistaníhas ne꞉ne ahatwisthónhniaʼte. Iáh tehatʼthóntats ne thèhnen ahateriwahthénhtiate ne kariwáksen tánon tatʼkáwas ne iotʼthakwahríshion kahiatorehthátshera ne thènenh tekanikónhrahre.

Micah 2:1

Kwáh í꞉ken tsi ionikonráksat tsi nihiá꞉kon ionteʼnikonrón꞉nis ne kariwahneraháktshera tánon ne kariwahetkénhsera ne rotiiò꞉tens ne rahotináktakes! Nó꞉nen ienhiórenhne, thóh nenhatí꞉iere, tiorì꞉wa tsi ronónha ratishatstenhserénhawe.

2 Corinthians 5:11

Ionkwaterién꞉tare nahò꞉ten kén꞉ton nahonwakweniénste ne Roiá꞉ner, ó꞉ni kwáh ieiakhiʼnikonhrhá꞉reks ne niaʼteionkwé꞉take raonhà꞉ke niá꞉ien. Rawenni꞉io raonhá꞉ʼa khók roterién꞉tare tsi nitewaweiennò꞉ten, nok aiá꞉wens aisewaterién꞉tarake tsi nitionkweʼtò꞉tens.

2 Corinthians 5:20

Tionkhiiatenniéhton ne ahshakwatatiá꞉se ne Kerístos, ó꞉ni ne Rawenni꞉io tshisewanitén꞉taʼse ne ahskwatahónhsatate nonkwaterihwahnotáhtshera. Kerístos shakwatatiá꞉se, ó꞉ni kwáh tionkwaʼnikonhrahsaʼáhton tsi kwariʼwanontón꞉nis sasewarihwahserón꞉ni tsi naʼtesewátere ne Rawenni꞉io.

2 Corinthians 6:1

Skátne ionkwaióʼte ne Rawenni꞉io, kwaʼnekén꞉nis káti naisewaniáhese ne raotennitenráhtsera.

Deuteronomy 15:2

Ken kíʼ nakaié꞉renhke. Ne tsi sewahiatà꞉tsons nónhka ietsiwistaní꞉hen nʼIsraerʼró:nons tsi tahonsakanákonhke tsi ronatká꞉rote; kwáh tó꞉sa sewateʼniénten naieʼtsikarotá꞉shien; ne Roiá꞉ner iaʼtehahiá꞉ti rotró꞉ri ne iotká꞉rote tsi teskaná꞉kon.