Nehemiah 4:2 - Ohiatonhseratokénti

² Tánon wahénron rahotihénton ne thonatenró꞉hon tánon ne ronterí꞉ios ne Samaria, “Onhnahó꞉ten ki꞉kenʼs iáh othé꞉nen tehatístas ratishiʼtaehró꞉nons tsi nihontié꞉rah? Kwáh ken ronónha ensatikwathakwenháton ne raonawenhshón꞉as? Kwáh ken tsiknahó꞉ten akénhake nahontahatí꞉ieste? Kwáh ken enhatísa ne sewenhniserákhok? Kwáh ken ahonsahonhnónnhete nononwenhsera ne tsi nihiotonhióte ne iáh othé꞉nen teskarihwástha ne tsi nahó꞉ten ne ioté꞉ken?”

Nehemiah 4:2 ပူးပေါင်းရင်းမြစ်များ

Ezra 4:4

Ethò꞉ne ki nonhkweshón꞉as ne thóh tsi ionhontsá꞉ien ratinákereʼkwe wahonteniénthen ne tasakonanikonhriákʼthen tánon nasakotiʼterónhkwen ne Sitaeró꞉nons tánon tsi tahonwathitásthe tsi ahonsahontenonhsón꞉ni.

Nehemiah 12:27

Tánon tsi nonsakonwatonhnaherá꞉se nasón꞉ta ne Jerusalem, ne Levites wahonwatihiatisákon kwáh tsi akwé꞉kons tsi nonwéhsons nihotinataiéntons, ne nahontahonwatihiaʼténhawe Jerusalem ne nakonwatonhnaheráse tsi tánon tahontenonhweratónhnion tánon nahatirihwakwáhnion né꞉ne ienakwahétta ahónste, né꞉ne washerihiothotarókon tánon nonhowahkó꞉was.

Nehemiah 12:43

Tánon ne wahonterihwathéntsiaʼte ne kowá꞉nen tsi tahatí꞉ieste né꞉tho wenhniserá꞉tekwe tánon wahontonhnarónhnion, tiorì꞉wa tsi Ní꞉io wahsakahón꞉nien nahontonhná꞉ren né꞉ne kowá꞉nen atonhnharáhtshera. Tánon ne konhnón꞉kwe ó꞉ni ne ratitshaʼokón꞉as kwáh nonhné꞉e wahontonhnahrónhnion tánon tsi nihiakoktsenhnónhni ne Jerusalem iahakotónhteʼne ahinonhkó꞉wa niió꞉re.

Nehemiah 4:10

Tánon ne Judah, “Wahénron rahotishatsténhsera ne rotiriehniákete wahontesastenserók꞉ten, tánon tsi niwé꞉so nononwénhsera tehiotháron iáh tahónton nahonsetewasonhtón꞉ni.”

Nehemiah 6:15

Káti wísk-niwásen tekeni niwenhniserake nasón꞉ta iahón꞉tesa, nene tewásen-wísk siwenhniserakehaton ne Elul siwenhnitarakwe.

Psalms 83:4

Rón꞉ton, “Káts, ánion ietihiátont nʼIsraerʼró꞉nons; Né kasénhna Israel kwáh tó꞉sa nonwénhton ónhka ahionsaʼiakehiárake.”

Jeremiah 26:18

“Nonenh ne Hezekiah sihononhtí꞉io ne Judah, ne rotó꞉kense Micah ne ne Moresheth nónhwe onhkwetahkwékon wahshaʼkoró꞉ri nètho Roiá꞉ner Roshastsʼtenserowáhnen ráwenh, ‘Ne Zion kwáh ki enkatenrahratʼton kwáh né꞉ne kahentà꞉ke; Jerusalem kwáh enhiosthoʼkotónke tsi nihioriwentà꞉on, tánon nononsatokentiʼkó꞉wa iononhtáhere karákon neh enwá꞉ton.’

Jeremiah 33:24

“Wasátʼthoke kén tsi nihiontónnions nonhkweʼsónha ne tsi akhekenronníhon ne Israel ó꞉ni ne Judah, né tekawahtsírahke khehiatharáhkwen? Tánon káti ronwahtísons tsi ní꞉ioht tsi tehonwahtiʼkánereh nakonhkwetaʼshón꞉a tánon iáh ónenh thóh tèhiot tsi teshonwahtiʼkenhénhions nahotiʼtiokwahiénthaʼke.

Daniel 9:25

Satenʼnikón꞉raren kí꞉ken tánon saʼnikonhraiéntaʼn tsi nikahá꞉wi naontontáhsawake naonsakahserónnike ne Jerusalem tsi niió꞉re iénrawe tsi niká꞉ien ne Rawenni꞉io roiataráhkwen, tsá꞉ta niiorì꞉wake ne tsá꞉ta niiohserá꞉ke enwatóhetste. Eʼthó꞉ne enskakwatákwen ne Jerusalem tsi tekanatokenhá꞉tons ó꞉ni enhatiʼshátsteke naontahontaténhe, ó꞉ni eʼtho nenióhton né ne tsá꞉ta niiorí꞉wake ne iá꞉iaʼk niwáhsen tékeni niiohserá꞉ke, ók né ne entkáhawe ne taionʼnikonrhá꞉ren.

Habakkuk 3:2

O Saiá꞉ner wakerihwaʼrón꞉ken tsi nisarihwanakerátston, tánon tsi niwakerihwanerakóhon, O Saiá꞉ner, ne sahiothénhsera. Nón꞉wa tsi nihionkwahtenhniseraténion shekon thononhsatser; Satanithenratskónhak, ó꞉ni nó꞉nenh kwáh sanakwénhen.

Zechariah 12:8

Ne nenhkahá꞉wike ne Roiá꞉ner enteshá꞉kone tsi nihiá꞉kon ne Jerusalem nón꞉we nihienákere, shé꞉kon ne kwáh tiakotsihióha thóh nenhieshátstehke tsi nihiothónhne ne Táwit. Tsi nienhontwatsirí꞉ne ne Táwit rahowá꞉tsire enshakothihenténhse tsi ní꞉ioht ne Roiá꞉ner rahoronhiakeró꞉nonh, kwáh thóh nenhiothónhake tsi shí꞉ken ní꞉ioht ne kwáh raónha Ní꞉io akénhake.

1 Corinthians 1:27

Rawenni꞉io tahanikonrónni ne waharáhko tsi nahóten ne tsi ionwentsiáte kanatónkwah tehiotenonwahroritónten onʼnahiáwenhne nashahkotéhate ne iakonikonrowáhnen, tánon ó꞉ni ne waharáhko tsi nahóten ne tsi ionwenhtsiáte kanatónkwah iáh tekashátsthe onʼnaiáwenhne nashahkotéhathe ne ratishátsʼthes.