Nehemiah 4:12 - Ohiatonhseratokénti

¹² Nó꞉nen ne shiʼtaéhró꞉nons ne thóh ákta ratinákere ronónha tahón꞉ne tánon wahonkhiièn꞉hase oié꞉ri niioríhwake, “Tsi nonwéhsons nisewanákeres ní꞉se kwáh khi tentísewe nontionháke.”

Nehemiah 4:12 ပူးပေါင်းရင်းမြစ်များ

Genesis 31:41

Kí꞉ken tewáhsen niiohserá꞉ke sanónhskon kiʼterón꞉tahkwe: kaié꞉ri iawén꞉re niiohserá꞉ke nikarí꞉wes waʼkonióʼtenhse ne naón꞉ton aionkwániake ne tekeniiáhse sheioʼokón꞉aʼhs, tánon iá꞉iaʼk niiohserá꞉ke ne ne satshenenʼó꞉konʼs ahsekkariá꞉ten, tánon oié꞉ri níiorí꞉wake tonsahsatá꞉ton nakkariá꞉ktshera.

Genesis 31:7

eʼthó kíʼ sá꞉ne ne tshiseniʼníha wahakeʼnikonhrhá꞉ten tánon oié꞉ri niiorí꞉wake tonsahatá꞉ton nakkariá꞉tsheraʼs. Nok kiʼ ne Rawenni꞉io iáh tehorihwá꞉wi nahakkarewáhton.

Nehemiah 4:11

Tánon ne ionkhísons wahonhní꞉ron “kwáh iáh tahonaterienʼtá꞉rane, khéhs nahontkáto tsi niió꞉re iatenhietihiatónko tánon enietinonwariá꞉kon tánon ne entionhniáte ne raotiioténhsera taká꞉tahne.”

Nehemiah 4:13

Káti ne eʼtà꞉ke í꞉kens noná꞉ke ne tsi tewasónthote tánon ne tsi nón꞉we ne teiotskaráwens thóh wahkhéteron ne rahotiwá꞉tsires, skátne ne raonasarekó꞉was, ne raonashí꞉kwaras tánon ne raotihénnas.

Job Tánon ne Raoronhiakensera 19:3

Kí óié꞉ri nihiorì꞉wake ne washonhniáte naskeʼnikonrakaré꞉wate; iáh ken tesewatéhens tsi niskwahnowenhtanión꞉ni?

Daniel 1:20

Iáh tewatsterístha oh nahò꞉ten ne ronnontí꞉io enhariʼwanónton tókaʼ ó꞉ni nahò꞉ten tahoʼnikonhrhá꞉rake, kí kaié꞉ri nihá꞉ti oié꞉ri naʼtekaiá꞉sere sénha ratirihwaienté꞉ris tsi ní꞉ioht ne shakonathiatonhseratkénse, tókaʼ ó꞉ni né kwáh rotiʼnikonhrowá꞉nens ne kwáh tsi nikanakeráhsera.

Numbers 14:22

iáh ne saiáta kíken onhkweshón꞉ʼa thaʼonnónhnheke ne iahonhtáwehiate nètho nónhwe tsionhontsáien. Ronatkáthon natiaʼtanerakwáhtshera tánon ne iorihwanerakwahténions tsi niwakatierá꞉nion ne Egypt tánon ne karakhonkówa, ók shé꞉kon kíʼ tánon shé꞉kon wahonkateniénhten tsi wahatiʼrahiáthakwe nahionhkewénhnarakwe.