Nehemiah 3:26 - Ohiatonhseratokénti

²⁶ tánon ononsatokentikó꞉wa ratináskwa thóh nón꞉we Ophel nihatinákere, sahatikwahtakwenhá꞉ton kwáh tsi niió꞉re ne onékanos tiotenhenrakáronhte né꞉ne tsit karahkwí꞉nekens nokwá꞉ti tánon tsi niió꞉re tsi iehioniasakétote ne tsi kanikatóte.

Nehemiah 3:26 ပူးပေါင်းရင်းမြစ်များ

1 Chronicles 9:2

Né tahontiérenhte sahónhnewe tsi rotiʼientahtseráien ne kanatowanénhke thóh ratiʼiátare nʼIsraerʼró꞉nons né ehʼratinákere, né꞉ne ratiʼtsihénstatsis, Leviró꞉nons, tánon ne Ononsatokentiʼkówaʼne rotiʼiótens.

2 Chronicles 27:3

Rahónha ne Jotham ró꞉son ne tsi iotenhenrakáronhte Nothoré꞉ke nòkwahti Nononsatotentiʼkówaʼne tánon kwáh éhtho tsi nahohióten ne kanatowanénhke tenanatanákʼton né tsi iokwénhrahre ne Jerusalem né꞉ne konhwanatónhkwah Ophel.

2 Chronicles 33:14

Sonhtóhetste kí꞉ken, né Manasseh sénha sahaʼshontasónhteren tsi nitiótʼteskwe ne tewasonhthó꞉takwe nátste nókwahti tewasonhthó꞉thaʼkwe né꞉ne tsit karahkwínekens nòkwahti ne Táwit raonátakon,

Nehemiah 10:28

I꞉i ne iatiónkwe, ne Israerʼró꞉nons, ne ratitsihénstatsis, ne Levites, ne tehonteʼnhohanónhne, ne tehatirihwákwas, ne ononsatokentikó꞉wane ratinátseras, tánon ratikwé꞉kons ne rontewenhnaráhkwa ne Rawenni꞉io raoianerénhsera sakonatiatonhtakwénhni ne thiʼononhontsá꞉tes ne ratinákeres nonhtionhontsá꞉tes, I꞉i ne iatiónkwe, skátke ne ionkwaniak꞉kons ó꞉ni ne iakiʼioʼokón꞉as iatekaiéri tsi neteonhoseriiákon naotinikonhraiéntaʼne,

Nehemiah 11:21

Tánon nononsatokentikó꞉wane ratináskwas thóh ne nón꞉we nihatinakérehkwe ne Ophel; tánon Ziha tánon ne Gishpa ronón꞉ha nenhné꞉e è꞉neken sakonatohesténhni ne ononsatokentikó꞉wa ratináskwas.

Nehemiah 12:37

Tánon thóh tsi Tsoné꞉kote Iotenhenrénhton thóh rahotihén꞉ton, thóh iahá꞉tiratʼthen tsi niehiawé꞉non ne tsitkaná꞉thaien ne Táwit, iahonthakwarihshiá꞉te tsi tewashón꞉thote è꞉neken tsi ronón꞉shote ne Táwit tánon tsi tkarakwí꞉nekens nohné꞉kanos tiotenhenrakáronhte.

Nehemiah 3:27

Noia né꞉ne, Tekoaró꞉nons ronónha sahatikwahtáko nó꞉ia asontasonhas ne ne teiotihaha, ne kowánen í꞉ken tsi iehioniasakétote, kwáh tsi niió꞉re ne tsitkanikatóte ne Ophel.

Nehemiah 8:1

Ratikwé꞉kon nonkwehó꞉kons wahonhnitsiokwahró꞉roke skátne tsi ní꞉ioht ne tionkweʼtákhok í꞉ken thóh ne kanatakweʼní꞉ioke thóh ohénton nohnékanos tsi iothenhenrakáronhte tánon wahonwénhase ne Ezra né꞉ne rahiatónskwe, ne nahontaháhawe ne teiothiatonhserakwenónhni ne raoianerénhsera Mahís né꞉ne tsi nisakoná꞉hon ne Roiá꞉ner Nisraeró꞉nonʼs.

Nehemiah 8:16

Káti nonkwehó꞉kóns iahehiá꞉kenhne tánon tahieháhseron tánon wahakonhniánion ne waskwahkarénhre ne ronónha raotirihwà꞉ke, kwáh tsi niatehá꞉ti ne ronhnónkwe tsi rotihiò꞉te ne rahoʼnhoronhkwená꞉kes ne tsi ronónhshote tánon ne raotenhenrákons, tánon ne raothenhenrákon ne tsi ronónhshote ne Ní꞉io, tánon ne kanatakweʼní꞉ioke ne ohnékanos tsi iothenhenrakáronhte tánon ne kanatakwení꞉ioke ne Ephraimke iothenhenrakáronhte.

Nehemiah 8:3

Tánon thóh nón꞉we wahawenhnanó꞉ten ohénton ne kanahthakweʼní꞉ioke nétho né꞉ne ohénton nohnékanos tsi iotenhenraká꞉ronhte, ne noronhkè꞉ne kwáh tsi niió꞉re nénhtie niká꞉re, raotihénton ne ronhnón꞉kwe tánon ne konhnón꞉kwe, tánon tsi niiá꞉kon nenhiekwé꞉ni nahiakoʼnikonraiéntahne; tánon nonkwehokóns wahontahonsáthate kwáh tahionteweién꞉ton tsi nikahorotahkwenón꞉ni ne kaianerénhsera.

Isaiah 32:14

Asèken ne tsironónshote ne ronhnontí꞉io kwáh kí enwatewenhthétonke, ne titkanenhrá꞉rakwe ne kanatowanénhke iáh ónhka tetséteron; ne tsi ionhniáhere tánon ne kanikátote ne tehonnenhraientákwahkwe kwáh tsi iontsientákwah ienwáton né꞉ne tsi nénhwe enkénhake, né raonatʼtsenhnonhniátshera ne tewahóntes enkénhake, thóh enkonwatiʼteronhtákwahke ne kontitshénens;