Nehemiah 3:21 - Ohiatonhseratokénti

²¹ Noia neʼne Meremoth, né꞉ne roʼiénha ne Uriah, né꞉ne roʼiénha ne Hakkoz, rahónha ne sahakwahtháko nó꞉ia asontas thoʼtiotasawe tsi rotenonhkaronhte ne tsi ronónhshote ne Eliashib.

Nehemiah 3:21 ပူးပေါင်းရင်းမြစ်များ

1 Chronicles 4:8

Né Koz né꞉ne ieshéesakohiohokónhas ne Anub tánon ne Zobebah, tánon ne sakotisokthonkonhkénʼen tsi ratitáraiens ne tsi nithonatwatsiríhnon tsi niió꞉re ne Aharhel né꞉ne roʼníha ne Harum.

Ezra 2:61

Né ken iotsétons ne ratitsihénstatsis rahothitióhkwas iáh tehotiʼtsénhrion nahatirihwanirá꞉the ónhka ne sakothisókʼtha akénhake: né꞉ne Habaiah, Hakkoz, tánon ne Barzillai. (Né shakothisókʼthas ne ratitsihénsthatsis ne Barzillai ne rothatheniatʼtén꞉ni ne iónhkwe ne tsi rathitióhkwaien ne Barzillai né꞉ne Gilead nón꞉we tánon ne rotatʼtsenhná꞉wi ne rawenónhsa rahosénhna kenhtá꞉ra.) Tsi iáh tehithikwénion nahatirihwaní꞉rate ónhka ne sakotisoʼthonkonhkén꞉en kénhne, iáh ki tehonwatiié꞉nen nahontsihenstón꞉ni.

Ezra 8:33

Ethò꞉ne ne kaierí꞉haton siwenhniserakéhaton Ononsatokentihkó꞉wane niahá꞉kwe, wahakwakonhtserihʼharónnion ne kawistará꞉kens, nowistanó꞉rons, tánon ne tsi nihionstasónhas, ethò꞉ne ó꞉nen tashakwáhion ne Meremoth ratsihénstatsi, né꞉ne Uriah roiénha. Ne skát꞉ke rónhneskwe né꞉ne Eleazar né꞉ne roʼní꞉ha ne Phinehas tánon teʼnihiáse Levites, né꞉ne Jozabad né roʼní꞉ha né꞉ne Jeshua tánon ne Noadiah ne roʼní꞉ha né꞉ne Binnui.

Nehemiah 3:1

Tánon ne Eliashib né꞉ne ratsihentowá꞉nen thontahá꞉tane skátne ne ronatiá꞉kes ratitsihénstatsis, tánon sahonhnón꞉ni ne watenhenranihionthákwa ne teiotinakarontónha konwanatónkwa. Wakonwatonhnaheráse tánon sahontenhenranihiónten; wakonwatonnáherase kwáh tsi niió꞉re ne tsitkanikátote nénska tewenhniáwe iotʼiaton tánon tsi niió꞉re ne tsitkanikátote ne Hananel.

Nehemiah 3:20

Noia ne ne Baruch né꞉ne roʼiénha ne Zabbai rahónha ne sahakwatakwenhá꞉ton nó꞉ia asontasonhas thóh tiotáhsawe tsi tekaiosáien kwáh tsi niió꞉re tsi iehatawehiatáhkwah ne tsi roʼnónshote ne Eliashib né꞉ne ratsihenstowá꞉nen í꞉ken.

Nehemiah 3:22

Noia neʼne ratitsihénstatsi, sahatikwahtakwenhaton nasontasonhas.

Nehemiah 3:4

Ne raʼtiiatákʼta, ne Meremoth ne roiénha neʼne Uriah né꞉ne ieshoní꞉ha ne Hakkoz, ne sahatisheronhniánion. Tánon ne raʼhiatatʼta, ne Meshullam, ne roʼiénha ne Berechiah, né꞉ne ieshoní꞉ha ne Meshezabel, sahatisheronhniá꞉nion. Tánon ne rahiatákʼta, ne Zadok, né꞉ne roʼiénha ne Baana, sahaseronhniánion.

Nehemiah 7:63

Tánon tsi nithó꞉nenon ne Ratiʼtsihénstatsis: ne sakoioókón꞉ʼahs ne Habaiah, ne sakoioókón꞉ʼahs ne Hakkoz, ne sakoioókón꞉ʼahs ne Barzillai, rahón꞉ha ne rotiniá꞉khon ne tsehiá꞉ta ne sakoioʼokón꞉ʼahs tsó꞉natʼthonwisenʼs ne Barzillai nene Gileadró꞉non, tánon neh tehonwatisenhná꞉sereh tsi nihó꞉tisenhnoten.