Nehemiah 3:19 - Ohiatonhseratokénti

¹⁹ Noia ne Ezer né꞉ne roʼiénha ne Jeshua, rahónha ne rakó꞉ra ne Mizpah, rahónha ne sahakwatakwenhá꞉ton ne óia asontasonhas ne ákte nokwá꞉ti íken tsi iehionontaʼrahon ne tsi nón꞉we nihonteweientónhkwa ne ionteriiostháhkwas ne tsi nieiawenonh tsitʼkaiosaien.

Nehemiah 3:19 ပူးပေါင်းရင်းမြစ်များ

2 Chronicles 26:9

Né Uzziah sénha wahatenhenranirátʼtons tsi naʼtekanatanát꞉tons ne Jerusalem ne tsi wahanikathotónhnions ne tsi Tekahiosakérons Iotenhenrakáronte, ó꞉ni ne Ahonráhkwahkon Iotenhenrakáronte, tánon tsi niehiokwáhtase naʼshónhta.

Nehemiah 10:9

Tánon ne Levites: nene Jeshua, né꞉ne roʼní꞉ha ne Azaniah, Binnui né꞉ne raonekenteronhtsherashón꞉as ne Henadad, Kadmiel,

Nehemiah 12:8

Tánon ne Levites, Jeshua, Binnui, Kadmiel, Sherebiah, Judah, tánon ne Mattaniah, skátne ne rontatekenʼokón꞉as, né꞉ne ronaterihón꞉takwe ne karenhnashón꞉as ne teiontenonweratónhkwa,

Nehemiah 3:15

Tánon ne Shallum né꞉ne roʼníha ne Colhozeh, rahónha ne rakó꞉ra í꞉ken ne kanatowanénhke Mizpah, sahasehrón꞉ni ne tsi watnekí꞉ne iotenhenrakáronte; rahónha sahrónhni tánon waharó꞉roke tánon wahanhowanihiotónhnion tánon wahakwathakwenhá꞉ton ne watenienʼtarósthas tanon ne tewateristarenkwákwas. Kwáh ó꞉ni sahakwahtakwenhá꞉ton nasontakéhsons ne tsi watnekaientákwas ne Shelah tsi niió꞉re ne ronnontí꞉io thotetháien tánon kwáh tsi niió꞉re ne tsi ierastentháhkwa tsi nieiawé꞉non ne tsit kaná꞉taien ne Táwit.

Nehemiah 3:18

Noia neʼne ronthatekenʼahs sahatikwatakwenhá꞉ton; Binnui né꞉ne roʼiénha ne Henadad, rahónha ne rakó꞉ra í꞉ken ne áhsen non tsi niwatenaskwah ne Keilah.

Nehemiah 3:24

Nó꞉ia né꞉ne Binnui, né꞉ne roʼiénha ne Henadad, rahónha ne sahakwahtakwénhaion nasontasónhas thoʼtontashawen tsi rononshó꞉te ne Azariah né꞉ne kwáh tsi nió꞉re tetkaiosaiensʼs.