Nehemiah 2:6 - Ohiatonhseratokénti

⁶ Tánon ne ronhnontí꞉io wahakénhase, tánon ne ionontí꞉io rahiatatʼtha kénskote, “Toh nenkarihwésonke tsi tensha꞉tháhakwe tánon kát꞉ke ténhtese?” Káti tahoʼnikonraié꞉rite ne ronnontí꞉io tánon wahiienhniserahrá꞉kwase ne raónha.

Nehemiah 2:6 ပူးပေါင်းရင်းမြစ်များ

Nehemiah 1:11

Natsiá꞉ner, áhion ne sahón꞉take ne watenhnikónhraren thóh ne raoterén꞉naien ne sanhá꞉tshera tánon ne raonaterén꞉naient ne sanhatsheraʼshón꞉as, ne rononweshá꞉tha tsi nihatikweniénstha ne sashén꞉na; tánon tátion ne sanhátshera nahohianerásten nón꞉wa wenhniserá꞉te entié꞉na ne kenténrat tsi néntewe ronontiiò꞉ke.” Ne thoʼsikahawikwe í꞉i ne ne ketʼsenháskwe ne tehiontnekontháhkwa raotse ne ronnontí꞉io.

Nehemiah 13:6

Tsi náhe kí꞉ken thóh nihiothonhátiene, iáh Jerusalem tiékeskwe; asè꞉ken ne áhsen niwáhsen-tékeni sihioserathátse né꞉tho Artaxerxes shihononhtí꞉iokwe ne Babylon, eh ionshá꞉ke ronhnontí꞉ioke tánon kwáh é꞉tho tsi nikarí꞉weskwe wahirihwanóntonhse nahakerí꞉hon niahonsahakaténiete.

Nehemiah 2:4

Tánon ne ronnontí꞉io wahakénhase, “Onhnahó꞉ten shé꞉saks?” Tánon iakaterén꞉naien rahonhà꞉ke ne Rawenni꞉io ne karonhiá꞉ke.

Nehemiah 2:5

Ethò꞉ne wahiièn꞉hase ne ronnontí꞉io, “Tó꞉ka rawerientiióstha ne ronnontí꞉io, tánon tó꞉ka ni꞉i ne sanhátshera wahonikonrí꞉ioste ne ronnontí꞉io, ethò꞉ne kí iathakaténiet ne Judah nón꞉we, né꞉ne kanatowanénhke ne tsi thahiátha ne rakeʼní꞉ha ne nahón꞉ton nahonsa꞉kenatonhni.”

Nehemiah 5:14

Kwáh ó꞉ni, thóh wenhniserá꞉te thontáhsawen ní꞉i wahontsiá꞉tarako ne raotikó꞉ra akénhake ne tsi watonhontsá꞉ien ne Judah, thóh thontáhsawen ne tewáhsen shiioseraʼtekwe tsi niió꞉re ne tekeníhaton shiioserátekwe ne Artaxerxes shionontí꞉iokwe, né꞉ne tékeni iawénhre niʼioseráke, Í꞉i tánon ne iatiathatekénha iáh tehionkené꞉kon ne raonatáro ne rakó꞉ra.

Isaiah 58:12

Né sarihwaʼkahiónsera ne karihwéntʼthon kwáh kí entionhníhaʼke; í꞉se kwáh tenhteskétsko né tsithaʼtitskwáhere ne ronatsiokówah ne wahenekwenhsatátie; Ní꞉se ne eniesanatón꞉kwahke seshewatsironhniénhnis ne tehiaʼkowatsiraríhon, seskwaʼtákwas ne tsi tekanatokénserons né꞉ne ehʼnón꞉we nahonsaienakéreʼke.

Isaiah 61:4

Kwáh enshatiʼnonshonhniánion né iorihwenhtáserons, kwáh enshatiʼkétsko nohénton tiorihwaiesáhons; kwáh enshatiʼkwahtakwenháton ne iorihwenhtáhons kanatowánens, né꞉ne rotirihwaiesshá꞉ton tsi nihonatsokó꞉wahnen tsi nón꞉tahatinekwenhsathatie.

Isaiah 65:24

Nohénton iahionkená꞉ton kwáh tekerihwasehrá꞉ko, tsi shé꞉kon nenhotithá꞉raʼke kwáh kí enwakathón꞉tene.

Daniel 9:25

Satenʼnikón꞉raren kí꞉ken tánon saʼnikonhraiéntaʼn tsi nikahá꞉wi naontontáhsawake naonsakahserónnike ne Jerusalem tsi niió꞉re iénrawe tsi niká꞉ien ne Rawenni꞉io roiataráhkwen, tsá꞉ta niiorì꞉wake ne tsá꞉ta niiohserá꞉ke enwatóhetste. Eʼthó꞉ne enskakwatákwen ne Jerusalem tsi tekanatokenhá꞉tons ó꞉ni enhatiʼshátsteke naontahontaténhe, ó꞉ni eʼtho nenióhton né ne tsá꞉ta niiorí꞉wake ne iá꞉iaʼk niwáhsen tékeni niiohserá꞉ke, ók né ne entkáhawe ne taionʼnikonrhá꞉ren.