Nehemiah 2:17 - Ohiatonhseratokénti

¹⁷ Eʼthó꞉ne wakheién꞉hase, “Sewatkáto tsi natekanikonrarahtseráhien tsi nón꞉we nitewes! Jerusalem kwáh onatóskon í꞉ken tánon ne ahotenhenrashón꞉ahs iotéken. Káts tánon kwáh entsitewasontonhniánion ne Jerusalem tánon kwáh iáh shé꞉kon tahonsetewatehénseke.”

Nehemiah 2:17 ပူးပေါင်းရင်းမြစ်များ

Ezra 9:9

Iakwahnáskwah kén꞉ne, ók iáh ki tieshakontháhkwen ne iakwanáskwah nahiakwahiathothénhake. Watsiónhnien ne ronhnonhtí꞉io ne Persia nahonthasonhkwahrihwá꞉wase tánon washonkwahrí꞉hon niahiákwe tánon nahonsahiakwahtenonhsón꞉ni ne sanonhsatokentihkó꞉wa, ne iorihwenhtháhon, tánon nahiakwaʼtshén꞉ri ne skén꞉non ne kén꞉en nón꞉we Judah tánon Jerusalem.

Nehemiah 1:3

Tánon wahonkénhase, “Tsi nihá꞉ti ne ieteshonathaténron tsi ronwatiiatinekénhen tánon thóh ratì꞉teron ne tsi kanakerahserá꞉ien ne ne kowá꞉nen tsi watkanikónraren tánon atehénsera. Ne tsi tewashón꞉thote nosténra ne tehiokwahtaséhton ne Jerusalem ne tsi tehiorí꞉hon tánon ne tsi iotenhenrentónhnion ioté꞉ken.”

Nehemiah 2:13

Hiatsakénhne ne tsi niwáhsonteskwe, thóh iakatoheste nahonráhkwakon iotenhenrakáronhte iakatóhetste ne iononwaronhtsétha tionékote tánon thók niió꞉re iattianáktane ne tsi tiotenhenrakáronte nótha, wakatkenséhatie nasón꞉tas né꞉tho tsi nateiorí꞉hon ne Jerusalem, ó꞉ni ne tsi iotenhenrakáronhte ne iotéken.

Nehemiah 2:16

Ók ne ratikó꞉ras iáh tehonaterienʼtárakwe kaʼnón꞉we niewakénon khéhs tsi nikatieráhkwe, tiorì꞉wa tsi iáh tekheró꞉ri ne shiʼtaʼehró꞉nons khéhs ne ratiʼtsihénstatsis khéhs ne ratisenhnowá꞉nens khéhs ne ronaterihóntons khéhs ne ronatiá꞉kes né꞉ne enhotiiò꞉ten ne kahioʼténhsera.

Nehemiah 3:15

Tánon ne Shallum né꞉ne roʼníha ne Colhozeh, rahónha ne rakó꞉ra í꞉ken ne kanatowanénhke Mizpah, sahasehrón꞉ni ne tsi watnekí꞉ne iotenhenrakáronte; rahónha sahrónhni tánon waharó꞉roke tánon wahanhowanihiotónhnion tánon wahakwathakwenhá꞉ton ne watenienʼtarósthas tanon ne tewateristarenkwákwas. Kwáh ó꞉ni sahakwahtakwenhá꞉ton nasontakéhsons ne tsi watnekaientákwas ne Shelah tsi niió꞉re ne ronnontí꞉io thotetháien tánon kwáh tsi niió꞉re ne tsi ierastentháhkwa tsi nieiawé꞉non ne tsit kaná꞉taien ne Táwit.

Psalms 102:15

Né ronhnonhontsakeʼró꞉nons enhatitsaʼnísehke ne raosénhna ne Roiá꞉ner, ratikwékon ne ronhtinontí꞉ios ne tsi ionhontsáte enhatitsanísehke ne raoshaststénhsera.

Psalms 44:13

Né wastiónhnien ne tehiakwanonsanekʼkhánion nahionkhistériste, tánon thahonkhiʼiéron ne skát꞉ne iákwes.

Psalms 44:14

Kaierón꞉sehra wastiónhni tsi nòkwah nonkweshón꞉has, tehonahnonkarénhron tsi thiʼhiontkhiʼiéron nonkweshón꞉has.

Psalms 79:12

Saiá꞉ner, tsáta niʼiorihwáke shasehkáriaks nakorénhshons nonkweshón꞉has; né nakwékon tsi nihotiʼthónhiote ne sahénton tsi niʼiesanikonraksáton!

Psalms 79:4

Thiʼhiontkhiʼiéron ne teiakwanonsanekʼkhánion, ionkhisterístha tánon thiʼhiontkhiʼiéron.

Jeremiah 24:9

Thóh nióre tsi enkheiénhaʼse ne kariwaiesáhtshera kwáh onhkwetaʼkwékon ne tsi ionwenhtsiáte kwáh enhiakoterónsehke. Nonhkweshón꞉a tenhonwahthiʼierónhaʼke, ohnonhwahroʼríhta enhonwenhnónhniaʼte, enhonwahtisterísthake, tánon ne raoʼthisénnas ne enhiontewenhnaksahthakwaʼniónsehke ne kwáh tsík nonhwésons iaʼtenkhehiaréniaʼte.

Lamentations 2:2

Kwáh iáh kanèka ne kenténron tsi ní꞉ioht tsi wahariwentʼthóseron tsi kanataiénton ne Roiá꞉ner thòhnon ne Judah. Waharishiónko ne wahenrótaʼkwe neh kanikonráhrakwe nohóntsia. Wahsakothéhate tsi kanakeraserakéron tánon ne rathikorásons.

Lamentations 3:51

Wakeriasanonwáktha nó꞉nen enkhèken tsi nihiothiʼiátawens nehh tsionatʼthonwísen tsi kanatowánens.

Ezekiel 5:14

Iatehionkwétake ne kanakeráhseras ne tiatatthóntie ratinákeres nenhonthóhetste kwáh enhieshastériste tánon ínonh nióre enthonʼnésehke.

Micah 7:11

Nenwenhniserá꞉te nahonsaionní꞉hake ne sahsontashón꞉as; ne thóh enwenhniserá꞉teke ne tsi karisthá꞉tatse ieká꞉reke.

1 Samuel 11:2

Ók ne Nahash wasakawénhase, “Tiorí꞉wa kiʼ tsi nenhiotón꞉hake kwáh entiaʼnerenhserónhni naterihwaseronhniátshera tsi naʼtetewátere, ne enkénhake nètho tenkhekaratáko ratiʼkwé꞉kon ne satiweientetákwen, tánon neh enkaién꞉taʼne natehénsera onkweʼtakwékon NÍsraerʼronónke.”