Nehemiah 13:22 - Ohiatonhseratokénti

²² Eʼthò꞉ne wakheién꞉hase ne Levites né꞉tho tehiotonhontsó꞉hon nahonsahontsatóhare tánon thetón꞉ne nahontenhnikónraren tsi iotenhenrakáronhtes ne nahonhniseratokéntiste ne Sabbath wenhniserá꞉te. Kwáh ó꞉ni sehiá꞉rak, á꞉ke Ní꞉io, tánon sanitenratskónhak ne tioianénhaf ne iawetowá꞉nen sanoronkwáhtsheras.

Nehemiah 13:22 ပူးပေါင်းရင်းမြစ်များ

2 Kings 20:3

“Takweʼhiárak nón꞉wa O Saiá꞉ner, wakonianiténten, tsi ní꞉ioht tsi tewakatekhahákwen ne sahénton iothokenskéʼonwe ó꞉ni kwáh akweʼriasakwékon, tánon thóh niwatiéren ne sahénton tsi nahó꞉ten ne ioiánere.” Tánon ne Hezekiah otsitó꞉wa tsi ní꞉ioht tsi wathashéntho.

2 Kings 23:4

Eʼthó꞉ne ne Josiah waʼónahne ne ratsihenstowá꞉nen Hilkiah, ó꞉ni ne roiatanón꞉hne ratsihénstatsi, tánon ne ratinikónhrare ne tsi ieiontaʼwehiathákwah Nononsatokentiʼkó꞉waʼne nahontahatiʼiákenhwe akwé꞉kon tsi nahoténsons ne rónstha tsi akonwasén꞉naien ne Baal, né꞉ne kaní꞉io Asherah í꞉ken, tánon ó꞉ni notsistokwasónhas. Né ronnontí꞉io akwé꞉kon wahatsahathánion kíʼ tsi nihonstasónhasʼkwe náts꞉te nakaʼnatháti ákta ne Kidron ahonráʼkwakon tánon né wakenronthákwen Bethel né nón꞉we niahatíʼhaʼwe.

2 Chronicles 29:24

Ethóhʼne kíʼ ne ratitsihénstatsis wahonwatinonhwariakónhnion ne kaiatákeras tánon tahatinekwenhsáweron ne ietsienharáhkwahke nahontsahatónhake né naé꞉ren ahonsakahawí꞉tonhke akwé꞉kon nonhkweshón꞉as akorihwanerahákʼtsheras, asèken ronnontí꞉io kíʼ et nihorihwí꞉son nètho watéskonhte ó꞉ni ne karihwanerahátk꞉tsheras iahieʼtate né kíʼ ne Israerʼró꞉nons raotirihwáke.

2 Chronicles 29:27

Né Hezekiah wahaténhnahne né watéskonhtes niakárahke nietsienharáhkwahke; tánon tsi tonhthásawen nahontaieiesthánion, nonhkweʼshón꞉as wathatiríhwakwe tehonwanonweráton ne Roiá꞉ner, tánon kíʼ ne ronhterenhnó꞉tas tahonthásahwenh nahonterenhnó꞉ten ne iehonrawatsthákwa ó꞉ni noiásons niʼiohthánions ne ionhterenhnothakwahsónhas.

2 Chronicles 29:30

Né ronnontí꞉io tánon ne sakotihéntenhse nonhkweʼshón꞉as wahonwatiró꞉ri ne Leviró꞉nons tahonwarihwákwahse ne Roiá꞉ner né karenhnasónhas ne tehiontenonwerathonthákwas né tsi nihorenhnarasthánions ne Táwit ó꞉ni ne Asaph ne rotokenhséhaʼkwe. Ká꞉ti onhkweʼtaʼkwé꞉kon watieríhwakwe né kowánen atonhnaráhtshera tsi nathontentʼtsóten tánon wahonwasénhnaien ne Rawenni꞉io.

Nehemiah 12:10

Tánon Joshua raónha ne kaʼní꞉sera í꞉ken ne Joiakim, tánon ne Joiakim né꞉ne ieshoiènha ne Eliashib, ne Eliashib né꞉ne ieshoién꞉ha ne Joiada,

Nehemiah 12:30

Tánon ne ratiʼtsihénstatsis ó꞉ni ne Levites sahontontonhnakanónhni tánon sahonwenhnonhnakanónhni nonkweshón꞉as ó꞉ni ne iotenhenrakarónhtonʼs tánon nashontakéhsons.

Nehemiah 13:14

Takwehiá꞉rak, o ake Ní꞉io, kí꞉ken tánon tó꞉sa shaserónko tsi nitewakeriwaié꞉riton natiotenhsera né꞉tho tsi niwakatié꞉ren thóh raonónskon náke Ní꞉io tánon ne raoioténhsera.

Nehemiah 13:31

Tánon noién꞉te tsi nithatiiéstha tsi nienkáhewe, tánon nenhtewatiérenhte enwahiárih. Takhehiá꞉rak tanon tatiataté꞉rist, a꞉keʼNí꞉io.

Nehemiah 5:19

Taʼkweʼhiárat tánon tatiatatérist, akeʼNí꞉io, asè꞉ken akwé꞉kon ne ioiánere tsi nikhehiatiérase kí꞉ken onkweshón꞉a.

Psalms 130:7

Ó Israel, sará꞉rek rahonháke ne Roiá꞉ner! Asèken ne Roiá꞉ner ró꞉ien ne iorihwatóken kanoronhkwáhtshera, tánon ne rahónha róien ne kashaststenhserowánen nahonshasakoniákenʼte.

Psalms 5:7

Ók Ní꞉i ne tsi nikanánon ne kwáh iorihwató꞉ken sanoronhkwáhtshera, ienkatáwehiate ne sanonshatokentikówane, kwáh tenkatiákete ohénton ne iotokénti sanonsatokentiʼkówa tsi nenkonsénhnaien ne tsi kontsánis.

Psalms 51:1

Takiténhrat Ó Sewenní꞉io, né tsioianénhaf ne iorihwaʼtó꞉ken sanoronkwátshera; né tsioianénhaf tsi niʼiawetowánen í꞉ken ne sanitenhrá꞉tshera sasehrón꞉ko nakerihwanerahát꞉tshera.

Isaiah 38:3

“Sasehiá꞉ran ó꞉nen Saiá꞉ner, wakonhianiténhten, tsi ní꞉ioht tsi tewakatekhaʼhákwen ne sahénton né꞉ne aóskon tewetákwen tsi kerhiasakwékon í꞉ken, tánon thóh niwatiéren nahó꞉ten ne ioiánere ne sahénton.” Tánon ne Hezekiah otsitówa tsi waʼthaséntʼtho.

Isaiah 49:23

Rontinontí꞉ios kwáh né thensakotísnieʼne ne kanísera enhónton, tánon né iotinonhtí꞉ios né thenkóntsniene né kanisténhsera enkónton. Onhwenhtsáke nienhontserá꞉te tsi thenhontʼtsakéte ne sewahénton, tánon eniesasitakànonte tsi enhonkenrarónhko ne sasitàke. Ethó꞉ne ensateriéntarane tsi I꞉i ne Watiá꞉ner í꞉ken; tsi niʼiákon ne ionkerá꞉re kwáh kí iah tahonwanatéhate.

Isaiah 55:7

Ánion ne ronhnonkwetaʼtsénhkwa rontiakwahríhsi tsi nihatiʼweienhnióten, tánon ne iáh teotirihwaʼkwaríhshion tsi nihonanonhtonhnthiontseró꞉tens; Sheʼríhon rahonháke ne Roiá꞉ner nieshón꞉ne, ne ká꞉ti nahónton ashaʼkóthenre, tánon rahonháke nón꞉kwah Ní꞉io꞉ne, asèken kwáh enkananónhake tsi ensheʼsakonikónhrenhse.

2 Corinthians 1:12

Enwá꞉ton ne aiakwatená꞉ieste tsi niwé꞉ne ne onkwerienʼtiióhtshera. Tiotkonhón꞉we iotkwénies ó꞉ni tkarihwaié꞉ri tsi ní꞉ioht tsi ionkwatenhniseraténion, kwáh sénha nó꞉nen í꞉se skátne tewakwekonhatiéskwe. Ó꞉ni ne ionkwaiaʼtanonhnhatiéskwe ne iorihwanéhrakwa Rawenni꞉io raonoronhkhwáhtshera, iáh ki tho té꞉ioht tsi ní꞉ioht ne kén ionhontsá꞉te aorihonnienníhtshera.

Deuteronomy 5:12

“‘Sewehiárak ne tsatákhaton nónhta sewenhniseratokéntist, ne tsi Í꞉i, ne Watiá꞉ner sewaNí꞉io, kwahró꞉ri.