Nehemiah 13:14 - Ohiatonhseratokénti

¹⁴ Takwehiá꞉rak, o ake Ní꞉io, kí꞉ken tánon tó꞉sa shaserónko tsi nitewakeriwaié꞉riton natiotenhsera né꞉tho tsi niwakatié꞉ren thóh raonónskon náke Ní꞉io tánon ne raoioténhsera.

Nehemiah 13:14 ပူးပေါင်းရင်းမြစ်များ

2 Kings 20:3

“Takweʼhiárak nón꞉wa O Saiá꞉ner, wakonianiténten, tsi ní꞉ioht tsi tewakatekhahákwen ne sahénton iothokenskéʼonwe ó꞉ni kwáh akweʼriasakwékon, tánon thóh niwatiéren ne sahénton tsi nahó꞉ten ne ioiánere.” Tánon ne Hezekiah otsitó꞉wa tsi ní꞉ioht tsi wathashéntho.

1 Chronicles 29:3

Iehiothohétston tánon sén꞉ha wé꞉sos tsi ní꞉ioht kí꞉ken né tewakatʼkáwens, Tewakat꞉káwens ne kawistarákens ó꞉ni nowistanórons né kwáh í꞉i atsienhtátsheras í꞉ken tsioríhwa tsi nikanorónhkwa ne Rawenni꞉io raoʼnonsatokentiʼkó꞉wa.

2 Chronicles 24:16

Wahonwaiatháta tsi nón꞉we nihonwatiʼiathatahásta ne kanontiʼiótsheras né꞉ne Táwit raonátakon nón꞉we né tsi wahatikwéhnienste tsi nishakotiérahse nonhkweʼshón꞉as ne Israerʼró꞉nonke, ó꞉ni ne Rawenni꞉io, ó꞉ni Nononsatokentikówa.

Ezra 7:20

Tánon ne tsi nathahisatonhontsó꞉nike noiáhson nahoʼténhsons Nononsatokentihkó꞉wane, thóh nón꞉we iénsko ne tsi ratiwisthaientháhkwas ne kanontiióshera.

Ezra 7:24

Kwáh tó꞉sa nonhwén꞉ton shekarotháshen ne ratitsihénstatsis, ne Leviró꞉nons, ne ronhterenhnót꞉thas, ne ratinikonhrares, ne rotihiotens, khés nón꞉kak akó꞉ren ne tahonaterihwasónhterehke kí꞉ken Ononhsatokentihkó꞉wa.

Ezra 7:27

Ezra wahèn꞉ron, “Tehonwanonhwerá꞉ton ne Roiá꞉ner, ne sháko Ní꞉io ne iethisoʼthonkonhkén꞉en! Wahahónhnien ne rakó꞉ra ne nahonikonhroténhake tsi thóh ki ní꞉ioht tsi ahakwéniensthe ne rahononhsatokentihkó꞉wa ne Roiá꞉ner ne Jerusalem nón꞉we.

Nehemiah 13:22

Eʼthò꞉ne wakheién꞉hase ne Levites né꞉tho tehiotonhontsó꞉hon nahonsahontsatóhare tánon thetón꞉ne nahontenhnikónraren tsi iotenhenrakáronhtes ne nahonhniseratokéntiste ne Sabbath wenhniserá꞉te. Kwáh ó꞉ni sehiá꞉rak, á꞉ke Ní꞉io, tánon sanitenratskónhak ne tioianénhaf ne iawetowá꞉nen sanoronkwáhtsheras.

Nehemiah 13:31

Tánon noién꞉te tsi nithatiiéstha tsi nienkáhewe, tánon nenhtewatiérenhte enwahiárih. Takhehiá꞉rak tanon tatiataté꞉rist, a꞉keʼNí꞉io.

Nehemiah 5:19

Taʼkweʼhiárat tánon tatiatatérist, akeʼNí꞉io, asè꞉ken akwé꞉kon ne ioiánere tsi nikhehiatiérase kí꞉ken onkweshón꞉a.

Isaiah 38:3

“Sasehiá꞉ran ó꞉nen Saiá꞉ner, wakonhianiténhten, tsi ní꞉ioht tsi tewakatekhaʼhákwen ne sahénton né꞉ne aóskon tewetákwen tsi kerhiasakwékon í꞉ken, tánon thóh niwatiéren nahó꞉ten ne ioiánere ne sahénton.” Tánon ne Hezekiah otsitówa tsi waʼthaséntʼtho.

Hebrews 6:10

Rawenni꞉io iáh tehanikonráhtha. Iáh tahonikónren tsi nisaiotén꞉en khés tsi nihshenéston tsi nitienorónhkwah tsi nishasʼnié꞉non ó꞉ni sékon tasheiawihátie nakorénshons ne iakorihwiʼióstons.

Revelation 3:5

Tó꞉ka enshateshén꞉ni, ní꞉se kwáh thóh ní꞉iot tsi ensatierónhnike tsi ní꞉iot ne ronónha né꞉ne wakó꞉ses í꞉ken, tánon ní꞉i kwáh iáh thaonsakonhsenhnará꞉ko ne kaiatonhserá꞉kon ne iónhne; tánon ní꞉i kwáh enkeriwaní꞉rate ne sashén꞉na raohén꞉ton ne Rakeʼní꞉ha ó꞉ni raotihén꞉ton ne raoronhiakerononó꞉kons.