Nehemiah 13:13 - Ohiatonhseratokénti

¹³ Tánon wahiiaʼtará꞉ko Shelemiah ne ratsihénstatsi í꞉ken tánon ne sakohiatón꞉ni Zadok tánon ne Pedaiah thóh wahihiathótion né꞉ne Levites raotitióhkwakon ne tahatwistanónhna, tánon nashakosnié꞉non, né꞉ne Hanan, né꞉ne roʼiénha ne Zaccur, né꞉ne roʼiénha ne Mattaniah, asè꞉ken thóh nithonwatí꞉te nahotirihwatokénhake ronónha ne enhonterihonten ne tahonwanarie꞉niaten ne rontatekenʼokón꞉ahs.

Nehemiah 13:13 ပူးပေါင်းရင်းမြစ်များ

2 Kings 12:15

Né ronhnónkwes né ronateríhonte ne kahioténseras kwáh í꞉ken tsi ioterihwatóken í꞉ken, ká꞉ti iáh tatehiothoʼhontsóhonhne nahonwatirihwanóntonhse naiotenikonraiéntʼtate nowístas.

2 Kings 12:16

Nowístas ne tewatʼkáʼwens nahonsakaʼkariátonke tsi nòkwah ne tkaiesthánions ó꞉ni ne karihwánerens aorihwá꞉kes iáh né kaʼnerókwahkon tseiakosénhton; ratitsihénstatsis né rahonawenhkhónʼwe í꞉ken.

2 Kings 22:7

Né ronnón꞉kwe ne ronateríhonte ne kahioténhsera kwáh í꞉ken tsi thonnonkwetaʼiéri, ká꞉ti iáh thaʼteiotonhontsóʼon nahonwatirihwanónhtonse nahatiʼkontsheraserónhni nowís꞉ta.”

Nehemiah 10:12

Zaccur, Sherebiah, Shebaniah,

Nehemiah 10:38

Tánon ne ratiʼtsihénstatsis ne sakoioʼokón꞉ʼahs ne Aaron kwáh kíʼ ne eh enhatikwé꞉konhake ne Levites nónen ne Levites enhattiwistarohró꞉ke; tánon ne Levites kwáh kíʼenthatihawe nowistas tsi rononshó꞉te nonkwáh Ní꞉io thóh tsi ionát꞉tahien ne tsi iewistaièn꞉tahkwah.

Nehemiah 11:22

Tánon na sakohenténhse ne Levites ne Jerusalem nón꞉we ne꞉ne Uzzi, né꞉ne roʼní꞉ha ne Bani, né꞉ne roʼiénha ne Hashabiah, né꞉ne roʼiénha ne Mattaniah, né꞉ne roʼiénha ne Mica, né꞉ne raonekenteronhtseraʼshón꞉as ne Asaph, ronón꞉ha ne tehatirihwákwakwe nohén꞉ton ne kahioʼténhseras tsi ronón꞉shote ne Ní꞉io.

Nehemiah 12:35

ó꞉ni otià꞉kes ne ratiʼtsihénstatsis raotinekenteronhtsherashón꞉as ne ratiháwe iehonrawátsta, Zechariah, né꞉ne roʼní꞉ha ne Jonathan, né꞉ne roʼní꞉ha ne Shemaiah, né꞉ne roʼní꞉ha ne Mattaniah, né꞉ne roʼní꞉ha ne Micaiah, né꞉ne roʼní꞉ha ne Zaccur, né꞉ne roʼní꞉ha ne Asaph,

Nehemiah 12:44

Ne thóh shiwenhniserá꞉tekwe ronáhtiaʼkes ne ronhnónkwe wahonwatihiaʼtarakwenhá꞉ton thóh tsi ionataién꞉tons tsi iewistaientáhkwa, ne aorihwà꞉ke ne tkaiestánions, né꞉ne tiotierénhton iohiarí꞉hon, tánon noʼwístas. Ronón꞉ha enhatiró꞉roke ne kahetákons ákta ne tsi kanatowá꞉nens ne tsi nikonhátses ne entioianénhawe ne kaianerénhsera, ne raotirihwà꞉ke ratiʼtsihénstatsis tánon ne Levites; asè꞉ken ne Judah wahontonhnarónhnion ne ratiʼtsihénstatsis raotirihwà꞉kes tánon ne Levites tsi ronón꞉ha ronaterahrá꞉ton.

Nehemiah 3:30

Noia neʼne Hananiah né꞉ne roʼiénha ne Shelemiah, tánon ne Hanun, rahónha ne iahiákhaton nié꞉rate ne Zalaph sakohiohokónhas, rahónha ne sahakwatá꞉ko noia asontasónhas. Noia neʼne Meshullam, né꞉ne roʼiénha ne Berechiah rahónha ne sahakwahtáko noia asontasonhas ne tsi nonwe ratsientháhkwa.

Nehemiah 7:2

eʼthó꞉ne tahí꞉ion ne iatiathateʼkénha Hanani, tánon Hananiah, ne rakó꞉rahkwe ne tsi ronón꞉shote ne ronnontí꞉io, nahontahaniarohtaró꞉ke ne Jerusalem; asè꞉ken rotonkwetakwahrí꞉shionkwe rónkwe tánon rotsá꞉niskwe ne Rawenni꞉io sénha tsi ní꞉ioht ne iakotiohkowá꞉nen.

Nehemiah 8:4

Tánon ne Ezra né꞉ne rahiá꞉tons thóh í꞉rate ne waskwenhnón꞉te né꞉tho ne ionhniá꞉ton ne kí꞉ken aorihwá꞉ke. Tánon ne rahiatáktah, Mattithiah tánon Shema tánon Ananiah tánon Uriah tánon Hilkiah tánon Maaseiah thóh rónhnete saweientethákwen ók ne Pedaiah tánon Mishael tánon Malchijah tánon Hashum tánon Hasbaddanah, Zechariah, Meshullam thóh rónhnete ne sanekwá꞉ti.

Luke 12:42

Tontahenron ne Roianer: Onka neh ne ronkȣe ne Roianer ahorihontake asakoststeriste ne kannhatsera, asakokariakse oni tsi natehonatenstson.

Acts 4:35

tánon entʼthonwénnon ne ratikweʼkónʼne; tánon nowísta tenwareʼniáton neh entewanónton tsi naʼtehiakotonwentió꞉ni nonkwesónha.

Acts 6:1

Kwáh kén náhe onakènʼke, tsi wahonatiokowánaʼne ne thonetakwen, okʼtsíro tsi natehóntere nehne Sitaeró꞉nons neh ne ronhrónkʼkhas ne Greek ó꞉ni ne Sitaeró꞉nons neh ne ronhrónkʼkhas ne Hebrew. Neh ne ronhrónkʼkhas ne Greek wahonʼníron neh rahononkwetaʼsónhas ne ionatereʼons iáh tekontiʼienas tsi natehonreniata nowísta ne ionateréʼons ahotiriwáke.

Acts 6:3

Éhʼthoh káti, tewatenrosónhas, tsiátak niháti ietʼtsiʼiataráko tsi naʼtesewátere nehne kwáh ronwatiʼientéri nahatiʼhiatananónhake ne Ronikonratokénti ó꞉ni kanikonraienthátsera, tánon ronónha enʼhiakhihiatakweʼní꞉iosʼte kíʼ nahorihótens.

1 Corinthians 4:2

Énskat tsi nahóten kariwahnóntons tsi nòkwah nètho kanhátsheras né꞉ne ahotiriwahtokénhake tsi nòkwah ne rahiatakweʼní꞉io.

1 Timothy 1:12

Tehinonwerátons ne Kerístos Ié꞉sos Sonkwaiáner, raónha takáwi ne kasatsʼténsera tsi nòkwa natioténsera. Tehinonwerátons tsi rahkanonthónnionse nakeriwastáton tánon ratiatarákwen nahiʼiótense,

1 Timothy 3:10

Kwáh niáreʼkwe ahonwanathenniénten, tánon ehthóhʼne tóhkaʼ tenhonthóhetste, ónen kíʼ rontsniénon.