Nehemiah 13:10 - Ohiatonhseratokénti

¹⁰ Tánon watakerièn꞉tare né꞉tho tsi nihonáwenk ne Levites tsi iáh thethonhwaná꞉wi, asè꞉ken Levites tánon tehatirihwákwas ronónha rotiioʼtén꞉en, ne tsi nishonatékwen ne satiiatatʼtionʼs thóh nieshoné꞉non raotihentákes.

Nehemiah 13:10 ပူးပေါင်းရင်းမြစ်များ

2 Chronicles 31:4

Tánon ishiʼnónhwe shé꞉kon, né ronnontí꞉io washakoró꞉ri nonhkweʼshón꞉as né Jerusalem nón꞉we nahontahonwénhnon ne tkaiesthánions né ratiʼtsihénstatsis ó꞉ni ne Leviró꞉nons tsi nihonáwenk, né kí nahón꞉ton kwáh né ahotihióten tsi kí nikarihwanónhtons ne Roiá꞉ner raoianerénhsera.

Nehemiah 10:37

Tánon nenhtewatsérenhte ionkwahteshé꞉ratkenton tánon ne tionkwaiestons tánon ne kahiksón꞉has ne tsi kerí꞉tonʼs, nonenharákeris tánon ne keníes, kwáh kíʼ ienhiakwáhawe raotihénton ne ratiʼtsihénstatsis, ne tsi tkanát꞉taièn ne raonónskon nonkwáh Ní꞉io tánon tsi niwát꞉karhiaks nonhóntsa ne raotirí꞉wake ne Levites, asè꞉ken Levites ronón꞉ha ratiró꞉rokskwe akwé꞉kon tsi nihiót꞉wistonhnihon ne kanatowá꞉nens nonkwahientótsheras.

Nehemiah 10:39

Asè꞉ken nakoioókón꞉ʼahs Israel tánon ne sakotiioʼokón꞉ʼahs ne Levites kwáh ne enthatihá꞉we nonátsas ne tkaiéstons, nonenharákeri tánon ne kénies thóh tsi ionát꞉thaièn, tsi nón꞉we nononsatokénti aotsesón꞉has tánon ne ratiʼtsihénstatsis ronónha ronteriwátsteristha, tánon ne tehontenhó꞉hanonhna, ne tehatirihwákwahs nihontseʼronhniatha, tánon iáh tahiakwahtewénhtethe ne raonónhsa nonkwáh Ní꞉io.

Nehemiah 12:47

Ne shihothenhniseraténionskwe ne Zerubbabel ó꞉ni shiothenhniseraténionskwe ne Nehemiah, onhkweʼtakwé꞉kon Nisraerró꞉nonke thonwaná꞉wiskwe ne tehatirihwákwas tánon ne tehontenhenranónhna tsi nihonawénhkwe iatewenhniserá꞉ke. Tánon wakonwatonhnáherase tsi nahonawénhke ne Levites tánon ne Levites wakonwatonhnáherase nonhné꞉e tsi nahonáhweke ne raonekenhterontsheraʼshón꞉as Aaron.

Isaiah 43:23

Iáh theteskenaskwahaʼwiténhni ne saʼtshénen teiotinakarontónha nahisateskóntake, khés nasetkweniéns꞉tonke tsi nashateskónten. Kwáh iáh ne tekonrieniakétaton tsi nahontaseste, khés né꞉ne takonwisenheʼiátonhke ne kanhetanóron í꞉ken.

Malachi 3:8

Ónhka kenh ahonwanènhsko ne Rawenni꞉io? Eʼthó sá꞉ne í꞉se takwanenhskwenhá꞉tons! Ók sewatón꞉nions, “Oh ní꞉ioht tsi kwanenhskwenhá꞉tons?” Tsi nitisewaiéhstha nohwísta tánon tsi nisewaró꞉roks natatawíhtsheraʼs!

Numbers 35:2

“Seró꞉ri Israerʼró꞉nons tsi roʼtiienáhon ne kaientátsheras ónenk tsi né꞉ne kanatowánens enthonwénhnon ne Levites tsi thóh né nónhwe nenhatiʼterónhthake ó꞉ni nonhóntsa nakonhwatiʼteronhtákwahke ne rahotiʼtshenenhókons né kanatakʼtónties.

Deuteronomy 12:19

Orihwí꞉io kénhak, káti ó꞉ni, tó꞉sa ietsihiataʼnikónhren ne Levites, kwáh tsi nikarì꞉wes entsónhnheke ne tionhontsà꞉ke.