Nehemiah 12:31 - Ohiatonhseratokénti

³¹ Tánon takheiaʼthénhawe ne ratikoráhshons ne Judah thóh tsi tewashón꞉tote tánon thóh wakhè꞉teron thekentió꞉kwakes rotitiohkowá꞉nen ne tahontenonwerá꞉ton thóh iahonthénti ne skaweientethákwen nonshontáti tsi niió꞉re ne ó꞉ta tiotenhenrakáronte.

Nehemiah 12:31 ပူးပေါင်းရင်းမြစ်များ

1 Chronicles 13:1

Né Ronnontí꞉io Táwit ratikwé꞉kon niaʼsakokʼkenhse ne ratisennowánens né ronaterihóntons né tsi ratiʼtsiokwáhkerons ne tewenniawehetsheráhsens ó꞉ni ne tewenniaʼwehétkons nihá꞉ti ronhnón꞉kwe.

1 Chronicles 28:1

Né Rononhtí꞉io Táwit wasakahónhnien ratikwé꞉kon ne ratirihwakweʼní꞉ios Nisraeʼró꞉nonke nahonhnitsokwahró꞉rohke Jerusalem nón꞉we. Ká꞉ti ratikwé꞉kon ne ratirihwakweʼní꞉ios ne tsi ratitsiókwahiens, né ratirihwakweʼní꞉ios ne ronahterihwatsʼterístons ne kahioténhseras ne tsi kanontiʼiotseráien, nohénton iehonhné꞉ton tsi ratitárahiens, nohénton iehonhnéton tsi kaienthatsheráiens ó꞉ni ne kontitshénens né ronnontí꞉io rahotsenenhókons tánon ne rahonekenteronhtsheraʼshón꞉as—kwáh ratikwé꞉kon ne kanontiʼiotserákon ratirihwakweʼní꞉ios, nohénton iehonhnéton ne ronhterí꞉ios, tánon ne ronhnonhkweʼtowánens—wahontsataróhroʼke Jerusalem nón꞉we.

2 Chronicles 5:2

Ethòne ó꞉nen ne Ronnontí꞉iokwe Solomon iashakonónkʼkon ratikwé꞉kon ne sakotihéntenhse ne tsi ratitsiókwahiens ó꞉ni tsi ratitáraiens Nisraeʼró꞉nons nahontkenhnísa ne Jerusalem nón꞉we, né nahónton nahontahatíhaʼwe ne Roiá꞉ner Raoterihwasehronhniátshera Oneró꞉kwah né Zion nón꞉we, né꞉ne Táwit raonátakon í꞉ken, tánon Ononsatokentiʼkówaʼne niahatíhawe.

Nehemiah 12:32

Tánon ne Hoshaiah tánon ne satekanenhrí꞉hen ne ratikó꞉ras ne Judah wahonwatí꞉sehre,

Nehemiah 12:38

Tánon ne tekeníhaton kentióhkwa wathontenonwerá꞉ton thóh iahontáwehiaʼte ne thí꞉kate tsi niehiawé꞉non tánon wahkhésehre ne satekentiokhí꞉hen nonkweshón꞉as nashontatʼtonhtse, è꞉neken tsi kanikató꞉te ne iontenahtaronthákwas tsi niehiawé꞉non ne tewashontakáron.

Nehemiah 12:40

Káti ne tekentióhkwakes ne tehontenonhwerá꞉tons thóh rónhnete raonónskon ne Ní꞉io; tánon ní꞉i ashén꞉non tsi nihá꞉ti ne ratikó꞉ras skátne iakwahkwé꞉kon.

Nehemiah 2:13

Hiatsakénhne ne tsi niwáhsonteskwe, thóh iakatoheste nahonráhkwakon iotenhenrakáronhte iakatóhetste ne iononwaronhtsétha tionékote tánon thók niió꞉re iattianáktane ne tsi tiotenhenrakáronte nótha, wakatkenséhatie nasón꞉tas né꞉tho tsi nateiorí꞉hon ne Jerusalem, ó꞉ni ne tsi iotenhenrakáronhte ne iotéken.