Nehemiah 10:30 - Ohiatonhseratokénti

³⁰ Tánon iáh tsiaiahkhiiátkaʼwe ne iakhiioʼokón꞉as tsonaʼtonhwí꞉sens nahotiniáke ne rononhà꞉ke ronónkwes ne tsi ionhontsá꞉te, khéhs nahontahiahiiaténhawe ne sakotiioʼhó꞉konʼs tsonathonwí꞉sens né꞉ne nahotiniáke ne onkwanekenhteronhtsherashón꞉as.

Nehemiah 10:30 ပူးပေါင်းရင်းမြစ်များ

2 Kings 23:25

Kwáh iáh nonwénhton tehotinontiʼiotsheraiénthakwe né nahiotónhake tsi kíʼ né ní꞉ioht ne rahónha, né nahohiótenhse ne Roiá꞉ner kwáh raweriasakwékon, raʼonikonrakwé꞉kon, ó꞉ni raʼoshaststenserakwé꞉kon, rotewenhnarakwenhá꞉tie ne Mahís raʼoianerénsera; iáh ó꞉ni shé꞉kon nonwénhton nón꞉ka thóh ní꞉ioht tsi ahonsahonontí꞉ioke tsi ní꞉ioht ne rahón꞉a.

2 Kings 23:3

Né Ronnontí꞉io ákta waʼthá꞉taʼne ne kanontiʼió꞉tshera tsi ronatenahwaháthoʼte tánon waʼiatsanerenhserónhni ne Roiá꞉ner né tsi enhowenhnaʼráhkwahke, tsi enhaʼtiénawasʼte ne raʼoianerén꞉sehras ó꞉ni ne raʼorihwathátsheras kwáh kíʼ raʼwehriasakwé꞉kon ó꞉ni raʼotonnhetsheraʼkwé꞉kon, tánon naʼaiótenste ne karihwaʼnontónhtsheras tsi naʼtekhá꞉ken naʼterihwaseronhniátshera, tsi kíʼ nikahiáton ne kaiatonhserákon. Tánon kwáh kíʼ onhkweʼtakwé꞉kon waʼonráhratsʼte tsi enhiontsénawasʼte naterihwaʼseronniátshera.

2 Chronicles 34:31

Né ronnontí꞉io thóh nón꞉we nathátaʼne tsi nón꞉we nihioterihwíson ákta tsi kanawahá꞉thoʼte tánon á꞉se sarónhni naterihwasehronhniátshera. Waharáhratsʼte tsi enhowénhnarahkwe ne Roiá꞉ner tsi enharihwakwéniensʼte ne rahoianerénhseras ó꞉ni ne raotiawenhráhseras kwáh raweriasakwékon ó꞉ni raotonhnhetsheraʼkwékon, tánon nahahioténhste tsi nikarihwanón꞉tons tsi natekeníneren naʼterihwasehronniátshera, tsi kíʼ nikaiáton ne kahiatoseráhkon.

Nehemiah 10:1

Tánon tsi niká꞉iens ne ronónhas rotinehtahnentáhkon né꞉ne: Nehemiah né꞉ne rakó꞉rah, né꞉ne kaʼní꞉sera í꞉ken ne Hacaliah, tánon Zedekiah,

Nehemiah 13:23

Kwáh ó꞉ni thóh siwenhniseraténionskwe, wakhé꞉ken né꞉tho Shiʼtaheró꞉nons ronatateniakʼthéni ne Ashdodró꞉nons, Ammonró꞉nons, tánon ne Moabró꞉nons konhnón꞉kwe.

Nehemiah 13:25

Káti watsiakwarihwakena tánon wakhekenrenhserón꞉ni; wakhenontsistá꞉hiahakon ótiaʼkes ne ronhnón꞉kwe tánon watekhenonkhísaron. Tánon wakhehiónhnien nahonwarihwaní꞉ratse ne Ní꞉io nahontón꞉heke, “ní꞉se iáh tsiasehiatʼkawe ne sheiohokón꞉as tionattonhwí꞉sens rononhà꞉ke ne raotinekenteronhtsherashón꞉as, khehs niahitsí꞉nonke ne sakotihiohokónhas tsionaʼthonwí꞉sens ne sewanekenterontsherashón꞉as raotirihwà꞉ke, khéhs ní꞉se sewarihwà꞉ke.”

Nehemiah 13:30

Tánon sakhehiathonhnakanónhniste tsi nokwáh ne thihononhontsá꞉tes tánon wakhè꞉teron nahontahonwatiniarotárohke ne ratiʼtsihénstatsis ó꞉ni ne Levites; kwáh tsi niatehionkwè꞉takes wahohiò꞉ten ne raotihioténhseras.

Nehemiah 5:12

Eʼthò꞉ne wahonhní꞉ron, “Kwáh ki thentsiakhíhion tánon iáh othé꞉nen thahiakhirihwanón꞉tonhse; kwáh ki thóh nenhiakwáhiere tsi nisá꞉ton.” Eʼthò꞉ne iakhenón꞉ke ne ratiʼtsihénstatsis tánon wakhehiónhnien nahatirihwaní꞉rate thóh nihatí꞉iere ne tiohianénhaf kí꞉kens owenhnaʼshón꞉as.

Psalms 119:106

Kwáh iohrihwaníronh tsi wahkarahrátston tánon wakerihwaniráhton, kwáh kí enkatewénhnarahkwe ne saianerénhseras.

Exodus 34:16

Né sehienhokónhas nonhtiérenk ne enhotíniake thíken tiʼhiononhontsátes konhnónhkwe, né enhonwanasárihne ne iáh tahonsahotiriwatokénhake tsi nó꞉kwah ní꞉i tánon né enkonhwatisénhnaien ne iáh tekonhnónnhe niʼiohokónhas.

Deuteronomy 29:11

konhnónkwe, ratikshaokónhas, ó꞉ni ne tihononhontsá꞉tes ne skátke sehwanákeres ne teieshaientsiákse ó꞉ni ne ieshanekakareniénhnis.

Deuteronomy 7:3

Tó꞉sa ónhka ne sewatateniákten, tánon tó꞉sa ó꞉ni ne ietsiʼienhokónhas né꞉ne ahotí꞉niake,