Nehemiah 1:7 - Ohiatonhseratokénti

⁷ Thóh nihionkwahtshéren ne karihwahetkénhsera tsi nokwáh ní꞉se; tánon iáh tehionkwatienawáston ne karihwatatʼtsheras khehs ne kahianerénhsera khéhs ne kahiatorehtháhtshera ne ní꞉se tsi nitsró꞉rih ne Mahís, ne sanhá꞉tsera.

Nehemiah 1:7 ပူးပေါင်းရင်းမြစ်များ

1 Kings 2:3

tánon thóh nátser tsi nahó꞉ten ne Roiá꞉ner Saní꞉io enhiarihhónhten. Orihwaʼkwékon satewánhnarak ne rahohianerénhseras ó꞉ni ne rahorihwatátʼtseras, tsi nikahiatónhnions ne Mahís rahohianerenserákon, né káti ne kwáh tsikʼnonhwésons niáse tsi ensahianerásthen tsi nenhshá꞉tiere.

2 Chronicles 25:4

Ók iáh kíʼ nenʼné꞉e, tsi nihiótha, teshakononhwariakónhnion ne sakotihiohokónhas, ók né waʼhá꞉sehre tsi nahó꞉ten ne Roiá꞉ner rorihwáston ne raoianerenhserákon ne Mahís: “Né ronwatiʼiéha tsi iáh nenhʼné꞉e ronónha tahonwatinonhwarhiákon tsi nahó꞉ten ahonsahonaterihwatewát꞉tonke ne sakotihiohokón꞉as, né nón꞉ne sá꞉ka ne ratiksahokónhas tsi iáh ronónha tahonwatinonhwariákon tsi nahó꞉ten ahonsahonaterihwátonhke ne ronhwatiʼiénha; nonhkweshón꞉as kwáh rononhatkok enhonwatinonhwariakon tsi nahonsahonaterihwaʼtewáthonhke ne iatehatiʼiáti.”

2 Chronicles 27:2

Né wahohióten né nahontahonikonhraʼiérihte ne Roiá꞉ner, kwáh kíʼ tsi né nihoiéren ne ronikénʼen; ók iáh kíʼ tsi né nihoiérenh ne ronikénʼen iáh tehorihwáneren né nahotsahatónhake ne kanetanóron; iáh teshakotiataráhni tsi wahonterénhnaien. Nononsatokentiʼkówaʼne. Nonkweʼshon꞉as, tsi nihiótha, iahontasónhteren tsi wahatirihwánerahke.

Ezra 7:6

Ne Ezra kwáh í꞉ken tsi rothiathonseraweiénston kwáh teiahonkhó꞉ton tsi rotherienhtáres ne kaianerénhsera tsi niká꞉ien ne Roiá꞉ner, ne Sakowenní꞉io ne Israerró꞉nonke, tsi nitó꞉wi ne Mahís. Tiorì꞉wa ne Ezra rahá꞉we ne rahohiathateríhtsheras ne Roiá꞉ner Rahó꞉ní꞉io, ne rakoraʼkó꞉wa akwé꞉kon thó꞉wi tsi nihorihwanón꞉ton. Ne tsathá꞉khaton nihioserathátse shihononhtí꞉iokwe ne Artaxerxes, ne Ezra Babylonia tahatén꞉ti Jerusalem niaháre rotsiokwí꞉ne ne Ratisí꞉taerró꞉nons thóh rathihiaʼtarátie ne ratsihénstatsis, ó꞉ni ne Levites, Nononhsatokentihkó꞉wane ronhterenhnó꞉tas, Nononsatokentihkó꞉wane rathinikónhrare, tánon ne rothihiò꞉tens.

Psalms 106:6

Hionkwahrihwáʼneren kwáh kíʼ tsi ní꞉ioht ne iakishotʼthonkonhkénʼen; tehionkwahterienhtawenhréhon, tánon hionkwahníkon.

Psalms 89:31

Tó꞉ka iáh tahontewénhnaraʼkwe natianerénhseras tánon ahotirihwaʼnó꞉ron nahontsénawaste nakerihwaʼtátʼtseras,

Psalms 89:32

eʼthóhʼne kíʼ kwáh enkhenonwenhserárhio tsi nihotiʼrihwáʼnerens tánon ne raotirihwaʼnerahát꞉tsheras kwáh enkhesokwahwiʼsónhnion;

Isaiah 1:4

Ah, sewarihwaneraháts꞉kon tsiónkwe, nonkweʼókons ne iakorieniakétes ne kariwanerahák꞉tsheras, ne ratiksaokónhas ne rotiʼióte ne karihwahétken, ne sakotiʼiohokónhas ronón꞉ha ne ronaterihwathentsatonhátie ne karihwahetkénsera, ronónha ronhwahiatanikonhrénhen ne Roiá꞉ner, ronónha kwáh ronhwakenronhníhon ne Rohiatatokénti ne NÍsraerʼronónke, ronónha kí kwáh ronatsiatontákwen ne rahonháke!

Daniel 9:11

Onkweʼtakwé꞉kon ne Israerʼró꞉nons tehotiiá꞉kon ne saianerénhsera tánon iáh tehonathontá꞉ton naiesatahónhsatate. Waʼakwarihwané꞉raʼke tsi nokwá ní꞉se, eʼthó꞉ne káti tahskwatenniéhten ne kahrewahtáhtshera tsi nikahiá꞉ton ne Mahís raoianerenhserá꞉kon, né ne sanhátshera.

Daniel 9:13

Tsi táhstion akwé꞉kon ne kahrewahtáhtshera tsi ní꞉ioht tsi kahiá꞉ton ne Mahís raohianerenhserá꞉kon. Shekiʼnón꞉ne, O Saiá꞉ner onkwá꞉wen Ní꞉io, iáh teionkwateniénten naontakwaʼnikonhraié꞉rite né ne taonsaionkwatkarhaténion tsi nokwá nonkwarihwanerenʼáktshera tó꞉ka ó꞉ni ne aionkwáhseron ne sawennatokénhti.

Hosea 9:9

Kwáh í꞉ken tsi tehionó꞉tes tsi nihonatatʼtetkentén꞉ni tsi kí niiotónhne shiotenhniseraténionkwe ne Gibeah; kwáh kí enrehiárake ne raotirihwaneraháktshera, kwáh kí ensakoréwate ne raotiriwaneraháktsheras.

Leviticus 27:34

Ne kí꞉ken ne atsiawenhráseras nètho Roiá꞉ner thó꞉wi ne Mahís ne tsi tsonónhte ne Sinai né꞉ne onhkweshón꞉as Nisraerʼró꞉nonhke akorihwáke.

Zephaniah 3:7

Waʼken, “Orihwiiohón꞉we tsi kwáh ensetkweniénstake tánon enshéna naká꞉wenk ne tiakohaharáhtha. Káti iáh tahonatsiatʼse tsi nón꞉we nihatinákere akwé꞉kon nienhatiié꞉na tsi nahoʼténhsons káhi ne rononhà꞉ke.” Ók iostó꞉re tsi wathatí꞉taʼne tánon iahontashónteren wahatirihwahetkénte akwé꞉kon tsi nihonatiéren.

Malachi 4:4

Sewehiá꞉rak ne raorihonnienníhtshera nakehnhá꞉tshera Mahís, ne kaianerènhseraʼs ó꞉ni ne karihwatáhtsheraʼs tsi nithiiá꞉wi ne Horeb nón꞉we ne nonkweʼtakwé꞉kon NʼIsraelró꞉nonʼs raotirihwá꞉ke.

Deuteronomy 4:1

Ethò꞉ne ne Mahís wasakawénhase nonhkweshón꞉ʼa, “Sewatewenhnaráhkwak akwé꞉kon ne kaianerénseras ne kwarihonhnién꞉nis, tánon enhtsónhnheke ó꞉ni ensewatié꞉nawatste nonhóntsa tsi niká꞉ien ne Roiá꞉ner, ne SakoʼNí꞉io ne ietsisothokonhkén꞉en, ne tetsisewá꞉wis.

Deuteronomy 4:5

“Akwé꞉kon ne kaianerénseras kwarihonhnién꞉ni, ne tsi nihatró꞉ri ne Roiá꞉ner AkeʼNí꞉io thóh nátiere. Sewaioʼténst ne tsi tiohontsá꞉ien ne ó꞉nen kwáh thóhwa iaietsihiatiaʼtónti tánon nahisewatié꞉nawatste.

Deuteronomy 5:1

Mahís ratikwé꞉kon washakohiaʼtaró꞉rohke Israerʼró꞉nons tánon washakawénhase, “SewaʼIsraerʼró꞉nonhs, sewatahónshatat akwé꞉kon ne kaianerénseras nentkwawíhon nón꞉wa wenhniserá꞉te. Sewatéweienst tánon ioriwihióhak tsi sewatewén꞉narak.

Deuteronomy 6:1

“Ne kí꞉ken nakwé꞉kon ne kaianerénhseras ne Roiá꞉ner sewaNí꞉io rakró꞉ri nakwarihón꞉nien. Sewatewénhnarak ne tsi tiohontsá꞉ien ne ó꞉nen thó꞉wa thóh niahísewe tánon nahisewatiaʼtakwehní꞉ioste.

Revelation 19:2

asè꞉ken ne raoriwenhtá꞉tshera orihwí꞉io í꞉ken tánon tkariwaié꞉ri; raónha rariwénhton ne kashennowá꞉nen wathokótha aónha iohetkénton tsi ionwenhtsá꞉te ne ióston naówenk kentétsera, tánon ne rarehwathákwen tsi iakokonwarhakhónhnion ne raonnhatseraó꞉kons.”