Nehemiah 1:6 - Ohiatonhseratokénti

⁶ Sherí꞉hon ne sahonthá꞉ke nahontenhnikónraren tánon tesatkakwahríhsi, né꞉tho nahón꞉ton ní꞉se ahisatónhtene ne raoterén꞉naient ne sanhá꞉tshera. Né꞉tho nahónton akaterén꞉naien sahénton né꞉ne tsi niwenhní꞉seres tánon tsi niwashón꞉tes, ne raotirihwà꞉ke na ratitsaokón꞉has ne Israerró꞉nonhke né꞉ne sanhá꞉tshera í꞉ken, tánon nakakró꞉ri ne raotirihwaneraháktsheras ne ratitsaokón꞉has Nisraeró꞉nonke ne tsi nihionkwahrihwanéren ne tionhá꞉ke; tetsá꞉ron ní꞉i tánon natwá꞉tsire tsi ionkwahrihwanéren.

Nehemiah 1:6 ပူးပေါင်းရင်းမြစ်များ

1 Kings 8:30

Satʼthóntet nakwahterénhnaient ó꞉ni ne rahonaterénhnaient ne shón꞉kwetashón꞉ʼas nónen enhonterenhnaien tsi nòkwah ki ken Ononsatokentiʼkówa. Tsi tesíteron ne karonhiáke takwatʼthónhtet tánon saskwahnikónhrens.

1 Kings 8:47

sehiatahónshaʼtat ne sonhkwetaʼshón꞉as ne rahonaterénhnaient. Tó꞉ka thóh nónhwe nihiohontsáien nihónhnes tsi ensonhtatʼréwaʼthe tánon isèke ienhonterénhnaien, ratirihwanírats tsi nihotirihwáneren ó꞉ni tsi nihononhkwetákʼsenhskwe, sehiatahónshatat O Saiá꞉ner.

2 Chronicles 28:10

Tánon káti ó꞉nen thoʼnisewanikonhró꞉ten ne ronhnónkwe ó꞉ni ne konhnón꞉kwe ne Jerusalemró꞉nons tánon ne Judahró꞉nons naʼietʼtsinaskónhni. Iáh kén tesewateriénhthaʼre tsi wesewarihwánerahke tsi nòkwah ne Roiá꞉ner Sewaní꞉io í꞉ken?

2 Chronicles 29:6

Né ionhkisotʼthonkonhkénʼen iáh tehotirihwatókenʼne tsi nòkwah ne Roiá꞉ner onhkwahNí꞉io tánon thóh nihotiʼiéren tsi nahó꞉ten ne iáh tehawerienhtiʼióstha. Ronhwatewenhthéton tánon ronhwatswateniénhni tsi nón꞉we nihénteron.

2 Chronicles 6:40

“Onén kíʼ nón꞉wa, O Akení꞉io, takwatkátho tánon satahónsatat naterénhnaiens tsi niewatkáwen ne kén nón꞉we niwatenátaien.

Ezra 10:1

Tsi nikarì꞉wes ne Ezra tehotiakʼthónkwe tsi roterenhnaientháhkwen nohén꞉ton Nononhsatokentihkó꞉wane, tehasenhtóskwe tánon rarihwaní꞉ratskwe ne rahorihwaneraháktseras, ronatiohkowá꞉nen Israerʼró꞉nons—ronhnónkwe, konhnónkwe, tánon ratitsahokón꞉as—rahiatákʼta wahonteró꞉roke, kwáh í꞉ken tsi rothitsitowá꞉nen tsi ní꞉ioht tsi tehonsénhthos.

Ezra 10:11

Káti ó꞉nenh, sewarihwaní꞉rat ne sewarihwaneraháktsheras rahohén꞉ton ne Roiá꞉ner, ne sáko Ní꞉io ne ietsisoʼthonkonhkén꞉en, tánon thóh nasewá꞉ier tsi nahó꞉ten rawerientiióstha. Tesehwatetʼtkási ne thihononhontsá꞉tes ne otsonhontsá꞉ke ratinákere tánon é꞉ren saieʼtsihiatenháwit ne thihiononhontsá꞉tes sewaniakʼkons.”

Nehemiah 1:11

Natsiá꞉ner, áhion ne sahón꞉take ne watenhnikónhraren thóh ne raoterén꞉naien ne sanhá꞉tshera tánon ne raonaterén꞉naient ne sanhatsheraʼshón꞉as, ne rononweshá꞉tha tsi nihatikweniénstha ne sashén꞉na; tánon tátion ne sanhátshera nahohianerásten nón꞉wa wenhniserá꞉te entié꞉na ne kenténrat tsi néntewe ronontiiò꞉ke.” Ne thoʼsikahawikwe í꞉i ne ne ketʼsenháskwe ne tehiontnekontháhkwa raotse ne ronnontí꞉io.

Psalms 102:17

Kwáh ó꞉ni enhakwéniensʼte ne raonaterénhnaient ne tehiontkárhias, tánon iáh thaʼhakénhron ne raonaterénhnaient.

Psalms 106:6

Hionkwahrihwáʼneren kwáh kíʼ tsi ní꞉ioht ne iakishotʼthonkonhkénʼen; tehionkwahterienhtawenhréhon, tánon hionkwahníkon.

Psalms 130:2

Satahónsatat tsi natekaséntʼtos, Ó Saiá꞉ner; satahónshatat tsi niekonhnatónhnions nastiénawaʼse!

Psalms 32:5

Eʼthóhʼne káti wahkerihwahnírathe nahkerihwahneraháktsheras nisèke; iáh tewaʼkatónhniʼen tsi waʼkerihwanerenháskon; Waʼkhíron, “Kwáh kíʼ enkerihwanírate nakerihwanerahák꞉tshera rahonháke ne Roiá꞉ner,” tánon saskenikónhrenhse tsi niwakeníkon nakerihwanerahák꞉tsera. Selah

Psalms 34:15

Ne Roiá꞉ner né sahkonikonhrahráties ne tionkwetaiéris, tánon rotahónsate tsi natehonséntʼthos.

Psalms 55:17

Okarasnéha tánon noronhkéne tánon nenhtieníkare nakerihwakathénhtseras tánon tsi niwakonhséhna rahonháke nón꞉we niewètha, tánon kwáh kíʼ enhakewenhnáronhke.

Psalms 88:1

Ó Saiá꞉ner, í꞉se Sewenní꞉io natiatakená꞉tsera, Nó꞉nen, ienhiókaraʼwe, Iathenkaséntʼtho shonháke,

Isaiah 6:5

Tánon waʼkí꞉ron, “Enskatateriwásthen! Wakatsiathatónhon, asèken Í꞉i ne kónkwe ne iáh tehiotkwéniens ne kerihtsakes, tánon ne skát꞉ne iakwahnákere ne iáh tehiotʼkwéniens ne ratiritsákes; eʼthóhʼsàne ne kharàke ró꞉ken ne Ronnontí꞉io í꞉ken, né꞉ne Sakoiá꞉ner ne ronterí꞉ios ratironhiakeró꞉nons!”

Lamentations 5:7

Hiakhishothahokonkén:en rothiriwáneren, nók ó꞉nen ronatohétston, tánon ó꞉nen í:ih hionkwaronhiáken ne rahothiriwaneraháktsheras.

Daniel 9:15

“O Saiá꞉ner, onkwá꞉wen Ní꞉io, seʼnéhston ne saʼshatsténhsera tsi tahsheiaʼtínekenhwe ne sonkwé꞉ta ne Egypt, tánon ne saʼshatsténhsera shé꞉kon niiakwé꞉iare. Ionkwarihwané꞉ren; teionkwaterientawenrié꞉on.

Daniel 9:20

Iaʼkatahshónteren tsi wakaterénnaien, kerihwahní꞉rats nakerihwanerenʼáktshera ó꞉ni ne raotirihwanerenʼáktsheras nakonkweʼtaʼshón꞉ʼa Israerʼró꞉non ó꞉ni riianitenhtá꞉se ne Roiá꞉ner Akeʼní꞉io naonsahanonhsahserón꞉ni ne raononhsatokenhtiʼkó꞉wa.

Daniel 9:4

Wakaterénnaien raonhá꞉ke ne Roiá꞉ner Akeʼní꞉io ó꞉ni waʼakwarihwahní꞉rate tsi niionkwarihwané꞉ren. Waʼkí꞉ron “Saiá꞉ner Ní꞉io, tesatenonhianíhton, tánon kwakweniénhstha. Iorihwatóken ne sahrharatstátshera, ó꞉ni ne sanonronhkwáhtshera tánon tsi niiá꞉kon ne iesanorónhkhwa ó꞉ni iesawennaráhkwa.

Daniel 9:5

“Ionkwarihwané꞉ren, teionkwaterienʼtawenriéʼon. Watkwawénneke tsi nihskwarihwatá꞉ti naʼionkwaióʼten tánon ionkwatahróntion tsi nihskwanaʼtón꞉ni ne tkarihwaié꞉ri.

Daniel 9:8

Ne onkwanontiióʼtsheras, ó꞉ni ne ionkihéntenʼse, tánon ne iakhisothokonʼkénhens thitkáhere naʼtehénhsera tsi nihotiieránion tánon wahatirihwanéraʼke tsi nokwá ní꞉se, Saiá꞉ner.

Luke 18:7

Nok ne Niio, iah onteken tataontasakonnhe ne sakoiatarakȣen tiotkon onȣe iatehotihenretha raonhake, ethoneh ne sane roniskohe nahatreȣate ne rononha raotiriȣake.

Luke 2:37

Onen neh nahoten satekon niioserasen nok kaieri tsinahe siiotereons; Ononsatokentike titkanakerekȣe, aȣentakon aterennaientatserakon oni tsi rosennaiens ne Niio.

Ephesians 2:3

Ne kwáh oriwihioʼónwe tewakwékon thóh nihiotón꞉ne ó꞉ni thóh tiónʼnhekwe kwáh tsi nihiorenʼnáhonne ne thènen ahitewaskáneke, kwáh tsi nentsioʼiánerase nonkwaierónta ó꞉ni nonkwanikónras. Tsi ónkweʼíken ó꞉ni tsi nitewaweienʼnhótens tsi ní꞉ioht nakorénson, nók ionkwarárek nahionkwaronhiákente ne Rawení꞉io rahonakwátsera.

1 Timothy 5:5

Neh ioteréʼons nahónhak khók íken, iáh ónhka tehióʼien nakonwaterihwatsʼterísthaʼse, Rawenniʼióke nónwe nakáien nahorahrátʼtsera ó꞉ni tiókonthe ioterénnaien tsi nihʼwahsontathénions tsi niwenniserésons ronekénnis ne rahoienawahsétsera.

2 Timothy 1:3

Theʼinonwerátons ne Ní꞉io, tsi nikáien ne rihiótense tsi kwáh akeriaióskon íken, kwáh tsi nihoteiéren ne khesotʼtonhonkonkén꞉en. Theʼinonwerátons tsi kwáh tiókonte kwèhiare nakaterennaientaʼtserákon tsi niwasóntes ó꞉ni tsi niwenníseres.

1 Sawátis 1:9

Nók tóhka entewariwanírate nonkwariwaneraháktshera rahohénton ne Rawenni꞉io, etnenháiere tsi nahóten rorahrátston tánon ne thóh nenháiere ne tkariwaiéri: ensesonkwanikónrense nonkwariwanerahákʼtsheras tánon ensesontionnakwatáko tsi nahoténsons tahionkwaterientawénreke.

1 Samuel 15:11

“Skaʼtateriwástahni tsi rinontiʼióston ne Saul, asèken tonsahatkarahténi tsi ratʼnonteráhtieskwe, tánon iáh tehorihwaieríton nakatiawenhráseras.” Ne Samuel tsi nahonhákwen; tánon iathaséntʼtho rahonháke ne Roia꞉ner asontahkwé꞉kon.