Nehemiah 1:5 - Ohiatonhseratokénti

⁵ Waʼkí꞉ron, “O Saiá꞉ner, rahónha ne Rawenni꞉io ne tsi karonhiá꞉te, teotenonhiatí꞉ton tánon roshatstenhserowanenʼkó꞉wa Rawenni꞉io, Rahónha rateweién꞉tons naterihwaseronhniá꞉tshera ne kenténron tsi nihiá꞉kon ne ronwanorónhkwa tánon iontewenhnaráhkwa ne raorihwatátʼtshera.

Nehemiah 1:5 ပူးပေါင်းရင်းမြစ်များ

1 Kings 8:23

tánon wahaterénhnaien, “Saiá꞉ner Sewenní꞉io NʼIsraerʼrónons, kwáh iáh othènen nó꞉ia tekaniʼiosehráien tsi níse ní꞉ioht ne é꞉neken ne tsi karonhiáte khés nehthàke ne tsi ionhwenhtsáte! Sheʼiateweientónhni ne sateriwaseronhniátshera skát꞉ke ne shonkwetaʼshón꞉as tánon shenatónhnis ne sanonhronhkwáhtshera nó꞉nen thóh ní꞉ioht tsi enhonhnónh꞉nheke kwáh ronhnerhiasakwékon tsi eniesawénhnarakwe.

1 Chronicles 17:21

Iáh thekentsiókwahien nonhontsáte né nakentsiokoténhaʼke tsi ní꞉ioht Nisraeʼró꞉nons, tsi nikáien ne sheseniaʼkénton tsi nihonwatiʼnaskónhnisʼkwe né꞉ne kwáh í꞉se shonkwetaʼshónhas ahón꞉ton. Tsi nihiorihowánen ó꞉ni iorihwaneráhkwat tsi nisheiatiérahse waʼtesthakwáhrihte tsi nitsennowáʼnen ne tsi nihiohón꞉tsa. Sahsheniákenʼte ne sonkwetaʼshón꞉as né Egypt nón꞉we tánon washeiatínekenhwe nakorénhsons tsi niaʼhónhne ne sonkwetaʼshón꞉as.

Ezra 1:2

“Né kí꞉ken ne Cyrus rahorihwisahá꞉tseras, Rakó꞉ra ne Persia. Ne Roiá꞉ner, Rawenni꞉io ne Karonhiá꞉ke, wahatʼkórasthe nohontsakwé꞉kon tánon thaká꞉wi nakaterihwatsté꞉risthe naʼkenonsónhni nononhsatokentihkó꞉wa ne rahorihwà꞉ke ne Jerusalem thóh nón꞉we ne Judah.

Nehemiah 2:4

Tánon ne ronnontí꞉io wahakénhase, “Onhnahó꞉ten shé꞉saks?” Tánon iakaterén꞉naien rahonhà꞉ke ne Rawenni꞉io ne karonhiá꞉ke.

Nehemiah 4:14

Eʼthó꞉ne iakatkáto tánon watettane tánon wahiién꞉hase ne rasennowá꞉nen tánon ne ratikoráhsons tánon ne ronátiaʼkes nonkweshón꞉as, “Tó꞉sa ietsittsánitsek. Tsi sewehiá꞉rak ne teotenonhianì꞉ton tánon rohiatanerákwat Roiá꞉ner, Tánon ietsiiaterí꞉ios ne sewathatekenokónhas tánon ne sewanekenteronhtsherashón꞉as tánon ne ietsiioʼokónhas tsonattonwí꞉sens tánon ne sewaniátkons tánon ne tsi sewanonshó꞉tons.”

Nehemiah 4:8

Káti kwáh ratikwé꞉kon tsi wahonhtenhnikonhrónhni skátne tsi ahontahónne niakonwatsatónhti Jerusalem tánon tahonhnithonhniáte.

Nehemiah 9:32

“Tánon nón꞉wa, ne Ní꞉io, né꞉ne teotenonhianì꞉ton tánon rashátste tánon teotenonhianitonhkó꞉wa Ní꞉io, raónha rohnóns꞉te naterihwasheronhniá꞉tshera tánon torihwaié꞉ri, tó꞉sa ne shón꞉ni ne kenk nakonhà꞉ke ne karonhiakénhsera akwé꞉kon ne karonhiakénhsera ionkwahrá꞉hon, ó꞉ni ne rotirá꞉hon nonkwahnontí꞉ios. Ó꞉ni rotitokénhses, ó꞉ni ne ionkinihó꞉kons tánon rotirá꞉hons ratikwé꞉kon ne shonkweʼtashón꞉as tsi ná꞉he tiotáhsawe shiohnhatenhniseraténionskwe ne rontinontí꞉ioskwe ne Assyria nón꞉we tsi niió꞉re nón꞉wa wenhniserá꞉te.

Psalms 47:2

Asèken ne Roiá꞉ner, né꞉ne kwáh tót꞉te, tsi rohiatanerákwat, ohontsakwékon tsi ronontiʼiotserowánen.

Psalms 76:8

Karonhiáke nón꞉we nontasehríhwenhte ne iesáshons; ne ronhnonhontsakerónons waʼhonateronhiénhten tánon sakʼthahontatónhni,

Psalms 89:2

“Asèken waʼkíron” né sanoronkwáhtshera tsi nikáshon né꞉ne tsi nénhwe enkénhake; né sarihwaʼtokentí꞉tshera thóh nihiorihwaʼníron tsi ní꞉ioht ne tsi karonhiáte.

Psalms 89:3

Waʼshí꞉ron, “Wát꞉shon naterihwaʼseronniátshera skát꞉ne ne Táwit tsi rahónha rihiatará꞉kwen, tánon sénha ishiʼnónwe níken, waʼkerihwaniráton tsi enwaʼkerihwatókenhake ne rahonháke:

Psalms 89:8

Saiá꞉ner Sewenní꞉io Sashaststenhseroʼwanenhkówa, iáh ónhka né naʼiesahásteke tsi ní꞉se ní꞉ioht; sarihwaʼtokentítshera tesatsatáton.

Exodus 20:6

Ók wakenestonʼhátie nakenoʼronhkwáhtshera né꞉ne niaʼteweniawenhehtsherásen tehioteresehrásere né꞉ne tsi niháti ne ionhkenorónhkwa ó꞉ni rontewenhnaráhkwah naʼtianerénsehras.

Deuteronomy 7:12

“Tó꞉ka enshatahónshatate kí꞉ken kariwatà꞉tsheras tánon ensatewén꞉narahkwe naioriwatokénhake, ethò꞉ne ki ne Roiá꞉ner saNí꞉io ienhakón꞉taʼkwe enhateweién꞉ton ne ateriwaʼseronhniá꞉tshera tsi naʼtetiátere tánon enhianatónhase ne ioriwató꞉ken rahononronhkwá꞉tshera, tsi ki nishakorahratstén꞉ni ne ietsisoʼthonkonhkén꞉en.

Deuteronomy 7:21

Káti tó꞉sa ietshiʼtshà꞉nik kí꞉ken onhkweshón꞉a. Ne Roiá꞉ner sewaNí꞉io sewakwé꞉kon ki; rashatstenserowá꞉nen Ní꞉io tánon iatehahiá꞉ti ahó꞉wenk nahonwatiaʼní꞉sheke.

Deuteronomy 7:9

Sewehiá꞉rak né꞉tho Roiá꞉ner sewaNí꞉io tsi rahonhatsí꞉wak kók ne Ní꞉io tánon tsi roriwató꞉ken. Enhateweiénton ne raohianerénhsera tánon enrè꞉neste ne ioriwató꞉ken raonoronhkwátshera ne tewenhniaweheʼtseráhsen natewaterehsehránes ne tsi niʼiá꞉kon ronhwanorónhkwa tánon iontewenhnaráhkwa ne raoriwaʼtá꞉tsheras,