Nehemiah 1:11 - Ohiatonhseratokénti

¹¹ Natsiá꞉ner, áhion ne sahón꞉take ne watenhnikónhraren thóh ne raoterén꞉naien ne sanhá꞉tshera tánon ne raonaterén꞉naient ne sanhatsheraʼshón꞉as, ne rononweshá꞉tha tsi nihatikweniénstha ne sashén꞉na; tánon tátion ne sanhátshera nahohianerásten nón꞉wa wenhniserá꞉te entié꞉na ne kenténrat tsi néntewe ronontiiò꞉ke.” Ne thoʼsikahawikwe í꞉i ne ne ketʼsenháskwe ne tehiontnekontháhkwa raotse ne ronnontí꞉io.

Nehemiah 1:11 ပူးပေါင်းရင်းမြစ်များ

Genesis 24:42

“Ne shiahá꞉kewe ne tsi tiohnáwerote nón꞉wa wenhniserá꞉tehkwe, waʼkaterén꞉naien, ‘Saiá꞉ner, Tshewenní꞉io ne riioʼténhse Abraham, ahsathontátsheke táskon naontianeráhsten tsi nikatiéhrha.

Genesis 32:11

Saskeʼniá꞉kenht, ahsathón꞉tate, tétstaʼs ne iatiatateʼkén꞉ʼa, tánon takenónhstat tsi nonkwá ne Esau, aseʼkénh ritshá꞉nihs; nontié꞉renʼk èntre tánon iakwakwé꞉kon enhshonkwanonhwariá꞉kon, skátne ne kaʼnisténhseraʼs ó꞉ni ne ratiksaʼokón꞉ʼahs.

Genesis 32:28

Eʼthó꞉ne ne rón꞉kwe wahén꞉ron, “Kwáh kíʼ ó꞉nen iáh Jacob thaonsaiesanaʼtónhkhwake, ók Israel, aseʼkénh wetsaterí꞉io ne Rawenni꞉io ó꞉ni nonkwehshón꞉a, tánon kíʼ wahsatkwé꞉ni.”

Genesis 40:1

Ostón꞉ha kí꞉ken óhnaʼkèn꞉ke, ne Egypt ronontí꞉io raonkwé꞉ta ne teionthnekontáhkhwa ráhahs tánon ne raonkwé꞉ta ranaʼtarón꞉ni wahonwarihwaientáhten ne raotiiá꞉nehr ne ne ronontí꞉io ne Egypt.

Genesis 40:2

Ne Pharaoh wahshakoná꞉khwase kí꞉ken tehniiáhse raonkweʼtaʼshón꞉ʼa ne ronateríhonte, ne ne ohén꞉ton ié꞉rate ne teionthnekontáhkwa ráhahs tánon ne ranaʼtarón꞉ni,

Genesis 40:21

Sahorihón꞉ten ne teiontnekontáhkhwa raksénhahs tsi kiʼ nithoterihón꞉tahkwe, tánon Pharaoh tahá꞉wen ne teiontnekontáhkhwa;

Genesis 40:23

Ók nohén꞉ton ié꞉rate né raksénhahs teiontnekontáhkhwa kwáh iáh oh thé꞉nen teshawehiahráʼon ne Só꞉se—kwáh wahohiaʼtaʼnikónhrhen.

Genesis 41:9

Eʼthó꞉ne nohén꞉ton ié꞉rate ne teiontnekontáhkwa raksénhahs wahawènhahse ne Pharaoh, “Sakehiá꞉raʼne tsi naʼtewakaterienʼtawenrié꞉ʼon nón꞉wa wenhniserá꞉te.

Genesis 43:14

aiá꞉wens ne Roʼshatstenhserowá꞉nen Rawenni꞉io aontahtshition ne kentén꞉rat raohén꞉ton nétho rón꞉kwe, ne naón꞉ton taontahoténniehte nó꞉ia sewatateʼkén꞉ʼa tánon ne Benjamin. Ók ní꞉i, tóka ʼeh naiá꞉wenʼne aonká꞉tonʼse ne kheioʼokón꞉ʼa, eʼthó꞉ne kiʼ kwáh waká꞉tonʼs.”

2 Chronicles 6:40

“Onén kíʼ nón꞉wa, O Akení꞉io, takwatkátho tánon satahónsatat naterénhnaiens tsi niewatkáwen ne kén nón꞉we niwatenátaien.

Ezra 1:1

Ne sonthonthosehratsérenhte ne Cyrus ne Persia shahakó꞉ra, ne Roiá꞉ner ne waharihwí꞉sa etʼnaiá꞉wenhne tsi nihá꞉wen rahonhà꞉ke ne rotokenséhakwe Jeremiah. Wahonikonhrá꞉reke ne Cyrus nahaianerenhserón꞉ni né ken ahiótsete ne karihwisahátshera tánon iehathéniet nakahiátonhke tánon iorahkareníhak tsi akawenhnanhóthake ne kwáh tsiknonhwéson ne rahonhnonhtiiotsherá꞉kon:

Ezra 7:6

Ne Ezra kwáh í꞉ken tsi rothiathonseraweiénston kwáh teiahonkhó꞉ton tsi rotherienhtáres ne kaianerénhsera tsi niká꞉ien ne Roiá꞉ner, ne Sakowenní꞉io ne Israerró꞉nonke, tsi nitó꞉wi ne Mahís. Tiorì꞉wa ne Ezra rahá꞉we ne rahohiathateríhtsheras ne Roiá꞉ner Rahó꞉ní꞉io, ne rakoraʼkó꞉wa akwé꞉kon thó꞉wi tsi nihorihwanón꞉ton. Ne tsathá꞉khaton nihioserathátse shihononhtí꞉iokwe ne Artaxerxes, ne Ezra Babylonia tahatén꞉ti Jerusalem niaháre rotsiokwí꞉ne ne Ratisí꞉taerró꞉nons thóh rathihiaʼtarátie ne ratsihénstatsis, ó꞉ni ne Levites, Nononhsatokentihkó꞉wane ronhterenhnó꞉tas, Nononsatokentihkó꞉wane rathinikónhrare, tánon ne rothihiò꞉tens.

Nehemiah 1:6

Sherí꞉hon ne sahonthá꞉ke nahontenhnikónraren tánon tesatkakwahríhsi, né꞉tho nahón꞉ton ní꞉se ahisatónhtene ne raoterén꞉naient ne sanhá꞉tshera. Né꞉tho nahónton akaterén꞉naien sahénton né꞉ne tsi niwenhní꞉seres tánon tsi niwashón꞉tes, ne raotirihwà꞉ke na ratitsaokón꞉has ne Israerró꞉nonhke né꞉ne sanhá꞉tshera í꞉ken, tánon nakakró꞉ri ne raotirihwaneraháktsheras ne ratitsaokón꞉has Nisraeró꞉nonke ne tsi nihionkwahrihwanéren ne tionhá꞉ke; tetsá꞉ron ní꞉i tánon natwá꞉tsire tsi ionkwahrihwanéren.

Nehemiah 2:1

Ne tsi niwenhnitarákwe ne Nisan, ne tewáhsen shioserátekwe ne ne Artaxerxes ne ronnontí꞉io í꞉ken, onenharákeri iahinekenhawí꞉ten; tánon ne wahí꞉tatshe nonenharákeri ne ronnontí꞉io. Nón꞉wa iáh nonwén꞉ton tewakeʼnikonratsénhon raohénton ne ronnontí꞉io ne tiotierénhton.

Nehemiah 2:8

Tánon ó꞉ni óia kahiatónhsera ne Asaph raoriwaʼke, né꞉ne tahateʼrahnón꞉ne ne ronnontí꞉io rahorahshón꞉ʼahs, né꞉tho nahónton nahonthahá꞉kon ne tewaterontahrenwá꞉kwas, ne nahionhnihake nahiotenhenrentonhake tanon natenhenrashonhas ákta nononsatokentikó꞉wane ne kanatowanénhke tanahnatanakʼton tánon tsi nón꞉we nenkátsien.” Kaʼti ne ronnontí꞉io tahakát꞉kawen tsi nahoʼténhsons wakerihwanónton, ne aorihwà꞉ke tsi niiohiánereh ne Akení꞉io ratsánake tsi tehakatsanahere.

Psalms 106:46

Waʼsakahónhnien nahonwaʼtítenhre tsi nikáien ne ronhwaʼtinhó꞉tonkwe.

Psalms 130:2

Satahónsatat tsi natekaséntʼtos, Ó Saiá꞉ner; satahónshatat tsi niekonhnatónhnions nastiénawaʼse!

Psalms 61:5

Asèken í꞉se, O Sewenní꞉io, sathontéhon tsi niwakararatsthánion; tánon teskáwi tsi nahoténshon iakóien tsi nihiákon ne iesahsénhnaiens.

Psalms 86:6

Satahónsatat, O Saiá꞉ner, nakaterénhnaien; ne tsi iatekasént꞉tos ne shonháke nastiénawaʼse.

Proverbs 1:29

Iáh nonwén꞉ton tesaniaheshá꞉ʼon ne karihonnienníhtshera tánon iáh nonwén꞉ton tesathontá꞉ton ne ahtshewèn꞉narahkwe ne Roiá꞉ner.

Proverbs 21:1

Roiá꞉ner tho niwatié꞉sen tsi thoʼniaro꞉taro ne ronontí꞉io raoʼnikòn꞉ra tsi kiʼ niwatié꞉sen tsi nithoniaro꞉taro nohnekaʼshón꞉ʼa.

Jeremiah 42:12

Tsioríhwah tsi wahkahtennitenrátskon, enhiʼiónhnien nahienténhre tánon enhiaríhon nahonshaʼsahténti. Í꞉i, ne Watiá꞉ner, wakahtáti.’

Malachi 3:16

Eʼthó꞉ne ne ronwakweniénhstha ne Roiá꞉ner waʼthatihtharónnion. Ne Roiá꞉ner kwáh ákta tsi wahatenʼnikón꞉raren tánon wahatahónhsatate, tánon iaʼthahiatónhserahkwe ne iehsennarónnionʼs ne raohén꞉ton tsi niiá꞉kon ne ronwarihwakweniènhstha ne Roiá꞉ner tánon ronwahsennakará꞉tats.

Hebrews 13:18

Iashewahkóntat takwahterennaiénhas. Kwáh orihwí꞉io iontiónni nonkweriá꞉ne kwáh iáh thènen teiostónton, tsoríwah tsi néhe tiókonthe tehionkwahtonwenhtió꞉ni ne tkarihwahiéri tsi nahiakwáhtiere.