Nahum 3:8 - Ohiatonhseratokénti

⁸ Ninevah, iáh sénha tesaianereh tsi ní꞉ioht ne Thebes, né꞉ne kanatakwení꞉ioke ne Egypt? Ahonha ó꞉ni ioniatará꞉ien nahontahione kwáh tsi ní꞉ioht ne waʼtenhenró꞉te, ne Nile né tehiotiá꞉thaton.

Nahum 3:8 ပူးပေါင်းရင်းမြစ်များ

Jeremiah 25:19

Kénʼen ratiʼsenrahrónnions ratiʼkwékon nakorénsons ne ne ahatiʼnekírahthe ne kátshe: ne ronnonhtí꞉io ne Egypt, ne ronwaʼteriwatsʼterísthaseh ó꞉ni ne ronwahtiʼhéntenseh; kwáh kanenhrahkwékon ne Egyptró꞉nons tánon onhkwehtaʼkwékon ne tehiakahontsátes ne Egypt nónhwe; kwáh kanenhrahkwékon ne rotiʼnonhtí꞉ios ne tsi ionhwénhtsaien ne Uz; kwáh kanenhrahkwékon ne rotiʼnonhtí꞉ios ne Philistine nónhwe ne kanatowáhnenhs né Ashkelon, Gaza, Ekron, tánon nahóten ne iehiothaténrons ne Ashdod nónhwe; kwáh kanenhrahkwékon ne Edom nónhwe, Moab, ó꞉ni ne Ammon; kwáh kanenhrahkwékon ne rontinonhtí꞉ios ne Tyre ó꞉ni ne Sidon; kwáh kanenhrahkwékon ne rontiʼnonhtí꞉ios ne Mediterranean tsi ionhontsáien; ne kanatowáhnenhs ne Dedan, Tema, ó꞉ni ne Buz; kwáh kanenhrahkwékon tsi niháti ne kénk níhions tsi rontaʼtenónhkarons; kwáh kanenhrahkwékon ne rontiʼnonhtí꞉ios ne Arabia nónhwe kwáh kanenhrahkwékon ne rontiʼnonhtí꞉ios ne karáhkons kentsiokwahkérons; kwáh kanenhrahkwékon ne rontiʼnonhtí꞉ios ne Zimri, Elam, tánon ne Media; kwáh kanenhrahkwékon ne rontiʼnonhtí꞉ios nothoreʼkhésons, ahinónhsons nióre tánon ákta akénhake, kwáh kenktienkáhaʼwe. Kwáh kanenhrahkwékon ne tsi kakónhshonte ne tsi ionwenhtsiáte ónenk tsi enhienekírahthe. Nonáhken enhónhnonhniaʼte, ne ne ronnonhtí꞉io ne Babylonia ne enhanekírahthe.

Jeremiah 46:12

Iakahontsakwéhkon iakorónhken ne sahtehénsehrah; Ne tsi ionwenhtsáte ne kanhanónhtʼthon tsi nateshaʼsénhthos ne kanikonhrakʼsénhtsera. Ne ronhterí꞉ios kwáh tsateshontatʼniothahiónkwas, tánon rahtiʼkwékon ohontsáke wahatiʼhiathakerónhtahne.

Ezekiel 29:15

né꞉ne kwáh tiotsihióha tsi níkon kanahkerahsehraiénton, tánon iáh shé꞉kon nonhwénton nahkorénhson tahonshasakonatʼkoráhsten. Kwáh éhthoh nióre tsi iáh othèhnen tahonsahatiriwasthá꞉thonhke kwáh iáh tahathikwéni ne nahonshasakonahthaharáhkwahte nakorénhson tsi nithotinikonhró꞉ten.

Amos 6:2

Iatetsá꞉hiat ne Calneh, tánon satkáto; thóh hionhsahsathénti kanatowanénhke ne Hamath nionhsáse; ethò꞉ne thóh hionhsahsathénti Gath nionhsáhse né꞉ne Philistiaró꞉nons ratotinatowanénhke. Sénha ken ne ioiáneres tsi ní꞉ioht kí꞉ken kanakeráhseras? Khés í꞉se ken sénha sanakerahserowá꞉nen tsi ní꞉ioht ne rahotinakeráhsera,