Nahum 3:10 - Ohiatonhseratokénti

¹⁰ Nek kíʼ sá꞉ka nonkweshón꞉ha ne Thebes iahonhwaʼtiiathénhawe waʼhonwatinakerahkwáhthe, kwáh tsi níkons tekahiosakéron ne kanathatátse ne sakotiiohokónhas tsi waʼhonwaʼtinonhwenhserá꞉rio tsi nió꞉re ienhonhnihé꞉ie. Né sakotihenthénhse rahononhkweʼtashón꞉has iahonwatiiathénhawe orón꞉kwahsa tehatinénhsteren, tánon ne sakotiienenhenhátse wahá꞉tiwasthotionhko tsi nahonwaʼtihiatarakwenhá꞉ton ne ratisenhnowá꞉nens.

Nahum 3:10 ပူးပေါင်းရင်းမြစ်များ

2 Kings 8:12

“Onʼnontiéren tsi tesaséntʼthos, sénshie?” ne Hazael waharihwanónton. “Tsioríhwa tsi wakateriéntare tsi niwahét꞉kens tsi nenhseiérase nonkweshónʼas Nisraeʼró꞉nonke,” ne Elisha watharihwaseráko. “Entsirotónhnion ne watenhenró꞉tons, enseiawenhthóʼseron ne kén nithotiʼiónsas, ensenonwenhserário ne sakotihiohokónhas tsi nióre ienhonhníheʼie, tánon ensehiataratsónko ne rahonathonwisenhtseraʼsónhas ne kontíhawe nahiotiwiraiéntaʼne.”

Job Tánon ne Raoronhiakensera 6:27

Ní꞉se kwáh kí ó꞉ni ohontsá꞉ke ensanenhiontséseron ne kanenhiató꞉kens tsi nasheiaʼtará꞉ko ne tehontonhnakáriaks, tánon enhsewaterihwaserón꞉ni ne raoteroseraʼshón꞉as.

Psalms 137:8

Ó saiénha Babylon, í꞉se ne iáh othènen tesaianerenhseráien! Ronatáskat tsi niháti nenhtseʼsateweiennatsáthen né tsi niskwahiérahse!

Psalms 137:9

Ronatáskat tsi niháti niensakotihiathénhawe ne kenhnihonnáhsas sehiohokónhas tánon osthenhráke enhonwatihiataienhthánion!

Psalms 149:8

ne nahonwatironhkwasanerénkʼkon ne rotinontí꞉ios tánon ne ratisenhnowánens né꞉ne karístatsis oronhkwáhsa enhonwatironhkwahsanerénkʼkon,

Isaiah 13:16

Né sakotiʼiohokónhas kwáh kí kènk níwas tsi enhonwatihiataratiónko raotihénton tsi tehatikánere; ne tsi rotinonshó꞉tons enkanenskwenhátonke, tánon ne rotiniátʼkons konhnón꞉kwe tentʼkonwananóntonhse nahiotináwine.

Isaiah 13:6

Satsitówak, asèken ne rawenhnísera ne Roiá꞉ner ákta í꞉wes; tsi nènhtewe kwáh né꞉ne atkaronhniátsera thóh nitsawénon ne roshatstenhserowanénhke!

Isaiah 19:4

Kwáh thóh ienkhehiátʼkaʼwe ne Egyptró꞉nons rasnonsàke ne roníron rahiataʼkwení꞉io; né꞉ne tehhoskénhniaʼse ronhnontí꞉io entesakoniarotàʼroke, rá꞉ton ne roshatstenseró꞉wanen, ne ne Sakoiá꞉ner ne ronterí꞉ios ratiʼronhiakerónons.

Isaiah 20:4

káti ne ronnontí꞉io ne Assyria iensakosárihne ne Egyptró꞉nons tsi ensakonhóton ó꞉ni ne Cushró꞉nons tsi ní꞉ioht ne ronwaʼnanahkerakwáhton, kwáh sathenhiótonke né꞉ne kén nithoʼtiiónsas ó꞉ni ne rotiʼtstohokónhas, raoʼtinehóskonk thí꞉ken tánon raoʼnaskawetóskonk, tánon ne tsehotiʼnahtsakétote, ne nahotehénhsera ne Egypt.

Lamentations 2:19

Kwáh ahsontakwékon tasakʼketskwásek neh iatsenáton ne Roiá꞉ner; Kwáh seriasakwékon tsi tienéken nataniténron tsi nokwáti ne seienokónha— Ratiksaokónha ahthonkariákon rohthiriótha neh kwáh tsi níkon tekahiósaiens neh kanáthakons!

Lamentations 4:1

Tsi natehiostarátʼthekwe nonkwáhwenk nowistanóron iáh ó꞉nen tatetsiostarát:te; Ne tekaneniaserónnionʼkwe nononsatokentíke kanatakónsons tehiotáron.

Ezekiel 29:7

Nónen isèke enhontiataráhkare, tenshiathárine, wahteshehiawéhesthe rathinonhró꞉kons, tánon ne wahshónhniathe ne tahonteronhkwenahkéte.

Hosea 13:16

Ne Samaria ó꞉nenk tsi enwatháwa nahonhí꞉tshera, tiorì꞉wa tsi nihowenhnón꞉tion nahoní꞉io í꞉ken; asareʼkó꞉wa ki enhiakowéntʼtho, nakohiohokónhas ken nihonhnásas kwáh kí kenk ní꞉was tsi enhonwatihiaʼtaratiónhko, tánon ne kontíhawe nahiotiwiraiéntane kwáh kí enkonwatihiatarátion tsi thenkonwatihiatatʼkháshion.

Joel 3:3

rontsánake wahónste ne kanenhiatokenhá꞉tons onhontsà꞉ke wahonatséseron né꞉ne akatókenhne ónhka ienhonwatihiaʼténhawe ne ronwatihiénen. Ratitsahokón꞉as ó꞉ni kontitsahokónhas wahonwanatkéron né꞉ne shonatakwahkaréni nahónton, akonhwatikarhiase oni ne ahatininonhthákwe nonenharákeri, nahontonwesénhtakwe.

Amos 1:13

Ne ká꞉ti aorí꞉wa Rá꞉ton ne Roiá꞉ner: Aseʼkénh áhsen nieioterátston iorihwanéren ne Ammonró꞉nons, tánon kí ne kaieríhaton, kwáh ki nenʼneʼeh iáh thaʼtaonsonkaterihwaténien ne kahrewahtáhtshera; tiorí꞉wa tsi thaʼkonwatiiaʼtaratsón꞉ko ne kontinekwenʼtàkeʼs ne konnón꞉kwe ne kontíhawe naiotiwiraièn꞉taʼne ne Gilead nón꞉we ne naón꞉ton ahatikó꞉wanahte ne raotinakeráhsera.

Obadiah 1:11

Ne siwenhniserá꞉tehkwe ákta waʼtéhstaʼne ne siwenhniserá꞉tehkwe nétho thihatí꞉te ahatíhawe ne raotshoʼkowáhtshera, tánon ne thihonnonhontsá꞉te iahontáweiaʼte ne tsi roteʼenhraká꞉ronte tánon wahatiʼwahstóhtshi thóh nón꞉we Jerusalem, ní꞉se kwáh ne ne ronnonha í꞉ken.