Nahum 1:4 - Ohiatonhseratokénti

⁴ Wahathárahse ne kaniatarakeʼkówa tánon wahrón꞉nien nahonstát꞉ten, tánon wahastát꞉thaʼte akwé꞉kon tsi kaniatareʼéhnions; Bashan ó꞉ni Carmel onstát꞉ten, tánon tsi nihiotsitiónhnis ne Lebanon onhtashó꞉ko.

Nahum 1:4 ပူးပေါင်းရင်းမြစ်များ

Genesis 8:1

Eʼthó sá꞉ne iawehnó꞉tonkwe énska tewenʼniáwe tanon wísk niwáhsen nón꞉ta nikarí꞉weʼskweʼ ók kiʼ ne Rawenni꞉io rawehiá꞉rahkweʼ kíʼ ne Noah ó꞉ni kontikwé꞉kon ne kontírioʼs ó꞉ni ne ienáhskwahiens ne skátne ratiiaʼtí꞉tahkwe ne kahón꞉wakon. Tánon ne Rawenni꞉io waʼthaweratásehte ne tsi ionhwentsá꞉te, tánon nohné꞉kanos ehtà꞉ke nionsá꞉we;

2 Samuel 22:16

Ehʼthóhʼne tsi kanatserathátsie ne kaniatarakhekó꞉wane waʼhokéntaʼne, tánon ne tsi kenskwáhere ne tsi ionwenhtsá꞉te iáh tetsoʼteró꞉ron. Tsi nenhatewenhnaién꞉tonwe ne Roiá꞉ner, ne tsi nikashástste rotónrion tsi tehanionká꞉ronte.

Job Tánon ne Raoronhiakensera 38:11

tánon waʼkí꞉ron, ‘Kénk nió꞉re khók nenhteshé꞉thake, tánon iáh nisiʼnón꞉we, tánon kén꞉en ne kwáh kánaie sáwenk ionontakwahrontónhnions nathenkánate’?

Psalms 104:7

Tsi nasatewenhnaiéntonhwe nonéka kaktsionsáwe; tsi nahorá꞉kare né sáwenk kawé꞉ras kakʼtsakónhne.

Psalms 106:9

Waʼhatewenhnaiéntonʼwe ne Red Sea, tánon honstátʼthen; tánon iasakosárihne tsi nón꞉we nihionó꞉tes tsi shí꞉ken thóh nahiontón꞉hake tsi ní꞉ioht ne iahonwenhtsiát꞉thenhake.

Psalms 114:3

Né Rawenni꞉io kaniatarakhekówaʼne niaháre; né Jordan oʼnàken waʼhé꞉te.

Psalms 114:5

Onhnontiéren, Ó kaniatarakhekówa, tsi waʼsatèko? Ó Jordan, tsi onàken wáʼsehte?

Psalms 18:16

Ne Roiá꞉ner tontahatsátate thóh nón꞉we éhʼneken tánon wahatiéna, wahaʼkeskó꞉ko ne kwáh tsionótes.

Psalms 74:15

Í꞉se thóh ná꞉tsa nahionaweró꞉taʼne tánon nakahionhatátseke; í꞉se iastéon ne watnekíne.

Isaiah 33:9

Nonhóntsa iotʼtiónhnion tánon ioteshatstenhseroktáhon; ne Lebanon hiorihwaʼnerakóhon tánon etʼtsiahotashókwahse; ne Sharon kwáh né꞉ne iahontsathénhake í꞉ken; tánon ne Bashan tánon ne Carmel wahotineráthenhse nenhné꞉e.

Isaiah 42:15

Kwáh enkerihwaiésate ne tsi ionhnontarónhnions ó꞉ni tsi ionhniarónhnions, tánon enstatʼthá꞉te nahotiʼientʼthó꞉tsheras; kwáh né iatentʼkaraténiaʼte ne tsi kaniatarénions ne kawenhó꞉tons ahónton, tánon enstátʼthate tsi kanekón꞉nions.

Isaiah 44:27

ónhka sakawénhnis ne tsi ionotésons, “Wastátʼthen— Kwáh kí enstáthate ne tsi saʼteniatarénions”;

Isaiah 51:10

Í꞉se ken ne watsʼtátʼthate ne kaniatarakhekó꞉wane, né꞉ne iohnotésonhne; í꞉se wasatʼthahónhni thóh nón꞉we tsi nihionótes ne kaniatarakheʼkówane né꞉ne tiontatheniaʼkénton thóh nón꞉we natahatihiáiaʼke.

Ezekiel 30:12

Kwáh enstátʼthathe ne Nile ó꞉ni ne Egypt né꞉ne ronhnonhkwethahétken rahothishastsʼtenseráhkon nónhwe nenhtsiothaténhronhke. Thihononhontsátes henhathihéntʼkenthe ne kanahkerahsehrakwékon. Í꞉i, ne Watiá꞉ner, wakatáti.”

Ezekiel 38:20

Kwáh niatekéntsake ó꞉ni notsitenhokónhas, kwáh niaʼtekarhióthakes akonhtikowahnénhke tó꞉ka ó꞉ni kén nakonhnáhsehke, tánon kwáh niaʼtehionkwétahke ne tsi kakónhsonhte ne tsi ionhwenhtsáte kwáh enhiakohiatíshonkwe tsi nenhionkhetiánhike. Tsi iononhténion enhtkanísehrenhne, tsi iotsitstenhrhiákonhs tenhiawénhtonhwe, tánon kwáh tsi niaʼtewahsónhtakes tenhioʼterónhthosʼte.

Amos 1:2

Tánon ne Amos wahén꞉ron: Ne Roiá꞉ner thawennotátieʼs tsi tionón꞉te ne Zion, tánon thotewennóntieʼs Jerusalem nitewéhtha; tánon ne tsi shakotiʼterontáhkhwah ne teiotinaʼkarontón꞉ʼahs natèn꞉rakon iáh oh thé꞉nen tetsókhware, tánon nonontakèn꞉iate ne Carmel akwé꞉kon nenhné꞉eh ionatekhwí꞉son.

Amos 5:8

Né꞉ne tsi niká꞉ien ne rotsistokonhniánion ne iohshónte ienekaráhkwa tánon ne ratórats, tánon ne kwáh tetiò꞉karas tetsoswát꞉tes noronhkè꞉ne, tánon nenhtieʼkè꞉ne oʼkaráhsa iesewá꞉tons, tánon kaniatarakeʼkowáhne iehanekákwas, tánon è꞉neken ne tsi ionhontsá꞉te tanekawé꞉rons, né raoshén꞉na né꞉ne Roiá꞉ner í꞉ken,

Matthew 8:26

Tontasakaȣenhase; nahoten Seȣaterontha nise-ȣerientaha? Ethone tontahatane, ȣahatarhase noȣeron oni tsi kaniatare; nok oksaok tonsakaȣeriiake.

Joshua 3:16

nonékanos ontkà꞉we tsi watnekí꞉ne tánon waʼkaweʼnhó꞉ton, kwáh tsi nió꞉re ne Á꞉tonion꞉ke, né꞉ne kanatowanèn꞉ke ákta ne Zarethan. Ne tsi niehiotnekí꞉non ne Dead Sea kwáh nénhne hiotnekénston, tánon nonhkweshón꞉a ónhton watahathihiáiake ákta ne Jericho.