Nahum 1:3 - Ohiatonhseratokénti

³ Ne Roiá꞉ner roiaʼtakenhé꞉ion nahonáhkwen ók roshatstenhserowá꞉nen, tánon ne Roiá꞉ner kwáh iáh ne thakarihón꞉ni nasakoiatothároh iakoní꞉kon. Tsi nihaweienó꞉ten thóh nón꞉we niká꞉ien tsi niwatsiskaionhniá꞉tha tánon tsi natekawé꞉ratases, tánon tsi nihiotsatarónhnions ne ne tsi niioienkwárote ne rashí꞉take.

Nahum 1:3 ပူးပေါင်းရင်းမြစ်များ

2 Samuel 22:10

Wathasákete ne tsi karonhiá꞉te, tánon tahátsnenhte; tetsiokaraskówa í꞉ken ne rashitókon.

Nehemiah 9:17

Iáh tehonathontháton nahonthahonsáthate, khéhs nahonehiá꞉rakes ne iorihwanerakwahténions tsi nahoʼténhsons tsi nisehiatié꞉rahse ne ronónha; ók wahontenontsistahní꞉rate tánon iathotirihwaién꞉tahse thóh niahonsahón꞉ne ratináskwa ahonsahónton thóh tsi ronatenontistahní꞉raton; ók í꞉se ne Ní꞉io ne sheseʼnikonrénhse, thisarihwaié꞉ri tánon sanitenhrátskon tánon iáh tesenhakwástore tánon titkáhere kanoronhkwátshera; tánon ní꞉se iáh teseiatewenhtétha.

Job Tánon ne Raoronhiakensera 10:14

Tó꞉ka ahonkerihwáneren, ahisatká꞉tonhke, tánon iáh ní꞉se tahonsastsiatotaríshionke tsi nokwáh nakení꞉tshera.

Job Tánon ne Raoronhiakensera 38:1

Ethò꞉ne ne Roiá꞉ner watorihwaʼserá꞉kwahse Job thóh tsi teioweratáse tánon wahèn꞉ron:

Job Tánon ne Raoronhiakensera 9:4

Ne Raónha tsi nihateʼnikonraʼthókha, tánon roshatstenhserowanenʼkó꞉wa —ónhka ahonwatarontsiénhse, tánon nahiakoterihwathentsiénhni?—

Psalms 103:8

Né Roiá꞉ner rotanithenráts꞉kon tánon torihwaʼiéri, iáh tehanakwahstóre tánon né raiáti ne iorihwaʼtóken kanoronkwáhtshera.

Psalms 104:3

waʼtesehrontawenhrahnion ne tsi sanón꞉shote tsi nón꞉we nihiokenhnó꞉res ne tsi iotsikeraʼrónhnions, ne tsi iotsatarónh꞉nions otsiónkwah waʼsatesehretónhniaʼte, ne tsi iahóte né wesahiathénhaʼwe,

Psalms 145:8

Ne Roiá꞉ner thorihwaiéri tánon rotanitenhráts꞉kon, iatehanakwastó꞉re tánon titkáhere ne iorihwatóken kanoronhkwáhtshera.

Psalms 147:5

Tehotenonhnianíton ne Sonkwahiáner í꞉ken, tánon roshaststenhserowánen; ne raonikonraientátsera iáh tsehiotót꞉te.

Psalms 50:3

NonkwahNí꞉io tá꞉re tánon iáh sák thihothatónhni, tehiotonkwahnónhiani rahohénton í꞉we, tánon iowerashástste tehioweratáse ne rahiatátʼtonhtse.

Psalms 62:11

Nó꞉nenh ne Rawenni꞉io rotatíhon; tehiorihwáke ó꞉nenh kí꞉ken waʼkatʼthonhtéhon: nètho kashaststénhsera Rawenni꞉io nenhʼné꞉e raówenk,

Psalms 66:3

Tsisehwaʼró꞉ri ne Rawenni꞉io, “Tsi niioriwanerakwaténion tsi nihaié꞉ra! Né aoríhwa tsi nisashaststenserowánen ne iesáhshons waʼhontʼtókerihke ne sahénton.

Isaiah 19:1

Nateriwanoʼtátshera ne aorihwàke Egypt. Satkátho, ne Roiá꞉ner ne rohonwí꞉sere ne tehiotsaʼtáka tánon wáhraʼwe ne Egypt nón꞉we; nahohiatonhniʼsónhas ne Egypt kwáh thenhiowí꞉shonkwe ne rahohénton, tánon ne raonerhiaʼnéshon ne Egyptró꞉nons kwáh enhotiʼwistanáwenhse ronhnonháke.

Isaiah 29:6

Ní꞉se kwáh enianatarénase ne Sakoiá꞉ner ne ronterí꞉ios ratironhiakeró꞉nons né entahá꞉wite ne kawéhras tánon ne tahiahontsishónkwa tánon kowánen tsi nathenhiotón꞉hare, ne entahá꞉wite ne katsiskahionhniátha tánon ne iowerashátste, tánon notónhkwah ne watóntha ótsire.

Isaiah 66:15

Asèken né Roiá꞉ner kwáh otsirá꞉ke nón꞉we néntre, tánon né raósere notsiónkwah kwáh né꞉ne iotsiskahionhnihátie teioweratáse, né nahonsahaʼkárhiakʼte né raonhakwáhtshera tsi nihonhakwénhen, tánon né raoʼtewenhnaienhtónhtshera taiotonkótatse ótsire.

Jeremiah 4:13

Satkátho, ne tehontátʼtions tsi nonhtahonehnonhátie kwáh tsi ní꞉ioht ne otsátahs. Ne wahterí꞉ios ne raothísehres ne otsiónkwas kwáh tsi ní꞉ioht ne wahtsiskahionniátha, tánon ne raothitsenenhókonhs kosáhtens sénha tehiothíkas tsi ní꞉ioht ne ákweks. Hionkwahiathatónʼon! Hionkwariwahiesá꞉hon!

Daniel 7:13

Tsi ní꞉ioht tsi waʼkatkahthóseron ne tsi niwahsón꞉tes, kwáh né ne ón꞉kwe teskaieróntare tsi wahíken. Tsi nón꞉we ní꞉keʼs nontahawenonhátie teiotshátare ne raiaʼtákta, tánon eʼtho niaháre tsi niká꞉ien ne wahónnise shihrónnhe tánon waʼthonwatenròseron.

Hosea 8:7

Asè꞉ken nowé꞉ron ahatiiéntʼtho, tánon kwáh kí ne enhatiientʼwáko ne tekaweratá꞉ses. Nonátsia kaiénthon iáh othé꞉nen tehionatsóhare, iáh othé꞉nen takatheseronhní꞉hake; tó꞉ka thé꞉nen ahontakáhawe, thiononhontsá꞉te nenhné꞉e enhontekwí꞉sa.

Joel 2:13

sewathaterhiasharaʼtiónko tánon iáh ne sewatserónhnia. Thóh nionshá꞉sawe rahonhá꞉ke né Roiá꞉ner, sewah Ní꞉io, asè꞉ken thorihwaié꞉ri tánon rotanithenráts꞉kon, rohiatakenhé꞉ion nahonà꞉kwen, tánon titʼkahé꞉re ne iorihwató꞉ken kanoronkwáhtshera, tánon satateriwástani tsi thatsisewaténieten ne kaʼnikonraronhiakénhsera.

Jonah 4:2

Sók ki Roiá꞉ner iahorihwakà꞉tatshe, “Iáh ken tewá꞉ken ne ohén꞉ton shontakahtén꞉ti tsi kwáh kiʼ eʼtho nénhshiere, Saiá꞉ner, ne waʼkarihón꞉ni Spain nón꞉we iaʼkateʼkwáshen! Wakaterién꞉tarahkwe tsi sá꞉ien ne kanoronhkhwáhtshera ó꞉ni satanitén꞉ron Sewenní꞉io, saiaʼtakenhé꞉ion ne aesanà꞉khwen ó꞉ni kanáhnon ne iáh teiorihwanó꞉ronʼs kanoronhkhwáhtshera. Wakaterién꞉tarahkwe tsi niwatié꞉sen ne taonsahstá꞉ton ne sarihwaʼshón꞉ʼa ne tóhsa ahsheiá꞉tonʼte kí꞉ken onkweʼshón꞉ʼa.

Zechariah 9:14

Ne Roiá꞉ner enhathatenéstʼthe è꞉neken tsi ronahtenonhtsisthatón꞉nions nahonthashá꞉konhe; enharónhthate ne raoienkwí꞉res tsi ní꞉ioht ne tahonhninhekárahwe. Ne Rononhtí꞉io Roiá꞉ner enhahonráhwahte; enhanenhrahsherón꞉ni tsi tehiowerahtá꞉ses nenhtiekenhékha.

Numbers 14:18

‘Í꞉i, ne Watiá꞉ner, iáh tewatiésenh nahonkenákwen, tánon kenéstha kowánen kanoronhkwátshera ó꞉ni tokenhskeʼónwe tánon nahonshakeʼnikónhrenhse ne karihwáneren tánon ne taienenhrá꞉rihte. Ók kíʼ ó꞉ni iáh thaʼhonkerihwanóron naʼkeréwathe ne ratiksahokónhas ó꞉ni ne sakonaterehokónhas tsi nióre nasénhaton ó꞉ni kaieríhaton niaʼtehioteresehráne né rahotiʼrihwanereháktsheras ne ronhwatiʼiohʼokónhas rahotirihwaneraháktsheras ahonthakarihónhni.’

Matthew 26:64

Tontahenron ne Iesos; akȣa tasierite; kenh nii kaien enkonrori, tsi onȣa enȣatasaȣen entsiseȣaken nʼOnkȣe Roienha, enhataȣeiate enhanistskȣaren oni tsi raȣeientetakon roosastenserakon ne Niio, nok otsikerakesson tsi Tkaronhiate tenthaientakȣe.

Ne꞉ne Sák Rohiaton 1:19

Né kí꞉ken sewehiárak, tekanórons tewatorhosónhas! Kwáh onkwetaʼkwékon tehiotonhontióʼon nahieʼhiathastóreke nahiontahónsathate, nók ahionteráhrate tsi ahiontháti tánon ahiakohiathakenhéhionke nahiakonákwen.

Revelation 1:7

Satkáto! Tahawenonhátie thóh otsikerakéhsons; kwáh niatekaká꞉rake tsi enhonwá꞉ken, iekaní꞉hare tsi nihá꞉ti ne ronwaháson; tánon raónha enharihón꞉ni akwé꞉kon ne iená꞉kere tsi ionwenhtsá꞉te kwáh enwaktsithó꞉ko. Káti kwáh thóh nenhiá꞉wenhne.